დღის მთავარი ამბები მოისმინეთ სომხურ ენაზე.

დღის მთავარი ამბები მოისმინეთ მთავარ საინფორმაციო გამოშვებაში. საეთერო სტუდიაში ლუბა გიორგაძე მუშაობს.

გადაცემა "საფეხურში" ახალციხის N1 საჯარო სკოლის გაჭიანურებულ სარეაბლიტაციო სამუშაოებზე ვსაუბრობთ. რატომ ვერ დასრულდა ამ ხნის განმავლობაში სარემონტო სამუშაოები და როდის აღდგება სასწავლო პროცესი რეაბილიტირებულ შენობაში, მოისმინეთ გადაცემაში.

ერთ–ერთი ყველაზე კონკურენტული თვითმმართველობის არჩევნები ასპინძას ელის. აქ, მოსახლეობას არჩევანის გაკეთება ოთხ კანდიდატს შორის მოუწევს.

სახალხო დამცველის სპეციალური ანგარიშის თანახმად საქართველოს ზოგადსაგანმანათლებლო დაწესებულებებში ხშირია ბავშვთა მიმართ ძალადობის შემთხვევები. 83 ფოკუს ჯგუფიდან 78-ში ბავშვებმა აღნიშნეს, რომ მათ მიმართ ადგილი აქვს როგორც ფიზიკურ, ისე ფსიქოლოგიურ ძალადობას.

ახალციხეში, ცოლის დაჭრაში ბრალდებულის საქმეზე, ახალციხის რაიონულმა სასამართლომ მტკიცებულებები უდაოდ ცნო და საქმე დასკვნით ეტაპზე გადავიდა. მომდევნო სხდომაზე შესაძლოა განაჩენი გამოცხადდეს.

საქართველოს სახალხო დამცველის ანგარიშის მიხედვით, საქართველოს სკოლებში ბულინგი და უცხო პირების მიერ სკოლაში შეღწევა კვლავ გადაუჭრელ პრობლემად რჩება.

გზებისა და ტროტუარების მოწესრიგება; სასმელი წყლის ხელმისაწვდომობა; პარკები, სკვერები და სხვა საჯარო ადგილები, გამწვანება, გარე განათება; ბაღებისა და სკოლამდელი აღზრდის დაწესებულებების ხელმისაწვდომობა და გაუმჯობესება და ნარჩენების მართვა – ქალი ამომრჩევლების საჭიროებების კვლევის შედეგები გამოქვეყნდა

კანდიდატებს იცნობენ, – ზოგს შეხვედრებიდან, ზოგს ღობეებზე გამოკრული პალაკატებიდან; დაპირებების ნაკლებად სჯერათ, – ბევრჯერ გაუცრუვდათ იმედი; ღიად უმეტესად ხელისუფლების მხარდამჭერები ლაპარაკობენ – ახალციხის სოფლები არჩევნებამდე ოთხი დღით ადრე.

საინფორმაციო გამოშვება სომხურ ენაზე, ყოველ დღე, 14:00 საათზე რადიო "სამხრეთის კარიბჭეს" ეთერში.

არჩევნებამდე ერთი კვირა დარჩა, თუმცა ჯერ კიდევ არ არის გადაწყვეტილი რომელ შენობაში იმუშავებს თემისა და ქალაქის გაერთიანების შემდეგ ჩამოყალიბებული მუნიციპალიტეტი.

სოფელი პატარა კონდურა 1829 წელს, ერზრუმიდან გადმოსახლებული მოსახლეობით დასახლდა. თუმცა ტერიტორიაზე არსებული ისტორიული ძეგლები მიუთითებს, რომ აქ მოსახლეობა ადრეც ცხოვრობდა.

ორჯერ ჩაშლილი ტენდერის შემდეგ, ახალციხის მერიამ 2016 წლის აგვისტოს სტიქიის დროს დაზარალებულთა დასახმარებლად გამარჯვებული კომპანია გამოავლინა. შპს „მოდუსი“ სამშენებლო მასალებს 95 839 ლარად შეიძენს.

საინფორმაციო გამოშვება რადიო "სამხრეთის კარიბჭეს" ეთერში. 12:00 საათზე ახალ ამბებს ლუბა გიორგაძე გაცნობთ.

"სამხრეთის კარიბჭეს" დილის ეთერში კიდევ ერთ ქართულ ჯგუფს გაგაცნობთ, რომლის მუსიკალური სტილი იმპროვიზებული ფოლკლორია. ჯგუფი "ურსა" და მათი კომპოზიცია Sk განწყობისათვის.

ახალციხე–ასპინძის დამაკავშირებელ გზაზე, სოფელ იდუმალასთან მომხდარი ავარიის შედეგად, 55 წლის მამაკაცი გარდაიცვალა, ერთი კი მძიმედ დაშავდა.

ვალეს საბავშვო ბაღში სარემონტო სამუშაოები სექტემბრის ნაცვლად წლის ბოლოს დასრულდება; მშენებელ კომპანიას სახელშეკრულებო პირობების შეუსრულებლობის გამო აჯარიმებენ;