სამხრეთის კარიბჭე. FM97.5 / LIVE

ახალციხის ციხეს ახალი უფროსი ჰყავს

მთავარისიახლე, საზოგადოება 09.08.2016
ორწლიანი ძებნის შემდეგ, ახალციხის მერმა ახალციხის ციხის დირექტორის თანამდებობაზე სასურველი კადრი შეარჩია, ეს პოზიცია მერის პირველმა მოადგილემ ზაზა თამარაშვილმა დაიკავა.

ახალციხის ციხეს ახალი უფროსი ჰყავს

ზაზა თამარშვილი ახალციხის ციხის დირექტორის მოვალეობის შესრულებას დღეიდან, 9 აგვისტოდან ოფიციალურად შეუდგა. მერიის მოადგილეობის დატოვების შესახებ განცხადება დაწერა და ახალ სამსახურში გამოცხადდა.

„თანამშრომლების ნაწილს ვამცნე ეს ამბავი. ეს არის კოლექტივი, რომლებსაც უკვე ჩამოყალიბებული აქვთ ტრადიციები, დამოკიდებულებები. უმრავლესობას ვიცნობდი და ვფიქრობ მუშაობა არ გაგვიჭირდება“, – აცხადებს ზაზა თამარაშვილი.

მისი თქმით, ახალციხის ციხის დირექტორის თანამდებობის დაკავება მას ქალაქის მერმა გიორგი კოპაძემ შესთავაზა: „ვაკანტური იყო ადგილი და გადაწყდა, რომ მე დავნიშნულიყავი“.

თამარაშვილი სამომავლო გეგმებზე ჯერ არ საუბრობს: „ჯერ გავეცნობი არსებულ მდგომარეობას“.

რაც შეეხება ახალციხის ციხის ყოფილი დირექტორის მოვალეობის შემსრულებელს ილია სიდანომონიძეს, იგი ციხის თანამშრომლად რჩება: „მოვალეობას ვასრულებდი დირექტორის. საჯარო მოხელეები ვართ, როგორც გვიბრძანებენ უფროსები, ისე ვიქცევით. დავუბრუნდი ძველ თანამდებობას, მატერიალურ–ტექნიკური სამსახურის უფროსის პოზიციაზე გადავინაცვლე“.

ვინ შეითავსებს ქალაქის მერის პირველი მოადგილის ფუნქციას, მერიაში ვერ გვპასუხობენ.

„ინფორმაციას არ ვფლობ“, – გვითხრა მერიის საზოგადოებასთან ურთიერთობის სამსახურის თანამშრომელმა სოფო მესხმა.

შეგახსენებთ, ახალციხის ციხის დირექტორის შეცვლის შესახებ ახალციხის ახალარჩეულმა მერმა, გიორგი კოპაძემ, პირველივე სხდომაზე განაცხადა, 2014 წლის ივლისში. ამ დროს ციხის მაშინდელი დირექტორი ელგუჯა ბიჭაშვილი შვებულებაში იყო გასული. იგი შვებულებიდან აღარ დაბრუნებულა, ციხის დირექტორის მოვალეობას კი 2014 წლის 7 აგვისტოდან ამ დრომდე ილია სიდამონიძე ასრულებდა.

[ვარლამ წიკლაური, ახალციხე]


19.04.2018 სოფელ კარტიკამში რეაბილიტირებული სკოლა გაიხსნა

13.04.2018 კოსმოსურ ჰაკათონში გამარჯვებული ახალციხელები ნიდერლანდებიდან დაბრუნდნენ

10.04.2018 ‘ოპიზარში’ პროფესიულ პროგრამებზე რეგისტრაცია დაიწყო

10.04.2018 დღეიდან პირველკლასელთა რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.04.2018 ასპინძაში, 'ასპინძის ბრძოლის' დღისადმი მიძღვნილი ღონისძიებები გაიმართა

20.04.2018 ‘ტაო’ VS ‘დევები’ – ხვალ ახალციხეში რაგბის მატჩია

20.04.2018 საგაზაფხულო გამოფენა სამხატვრო სკოლაში [Photo]

19.04.2018 ‘ახალციხის ციხეზე’ სეზონის გახსნამდე დაზიანებულ კედლებს ვერ შეაკეთებენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

ვინ ასრულებს ახალციხის ციხის დირექტორის მოვალეობას
'დაცვიდან' დირექტორობამდე  – ‘ახალციხის ციხეს’ ახალი ხელმძღვანელი ჰყავს
ახალციხის მერი: ‘ციხის დირექტორად რომ დავნიშნო, ახალციხეში ეგეთი ჯერ ვერავინ ვნახე’
"ახალციხის ციხის" დირექტორის შესაძლო ცემის ფაქტზე ძიება შეწყდა
ახალციხის ციხის დირექტორად გუჯა ბიჭაშვილი დაინიშნა
‘ახალციხის ციხის’ დირექტორის შესაძლო ცემის ფაქტზე შსს–მ ძიება დაიწყო
'ახალციხის ციხის'  ყოფილი დირექტორი  კულტურის სამსახურის უფროსად დანიშნეს