FM97.5 / LIVE

პარკში დამტვრეულ განათების სვეტებს გაზაფხულამდე არ ეშველება [Photo]

მთავარისაზოგადოება 22.01.2013
ახალციხის ცენტრალურ პარკში დაზიანებულ განათებებს გაზაფხულამდე ვერ აღადგენენ. შპს ”კეთილმოწყობაში” ამბობენ, რომ დამტვრეულ სვეტებში ელექტორენერგია გათიშულია და საფრთხეს არ შეიცავს.

პარკში დამტვრეულ განათების სვეტებს გაზაფხულამდე არ ეშველება [Photo]
ერთ კვირაზე მეტია ახალციხის ცენტრალურ პარკში დაბალი განათების სვეტებია დაზიანებული. მისი შეკეთება შპს ”კეთილმოწყობას” ევალება (იმავე კომპანიას, რომელიც მუნიციპალიტეტის ტერიტორიის გარე-განათებაზე ზრუნავს).

შპს ”კეთილმოწყობაში” ამბობენ, რომ ცენტრალური პარკის ტერიტორიაზე შვიდი განათების სვეტია დაზიანებული, რომელთა აღდგენაც ჯერ ვერ მოხერხდება.

”მიწა უნდა გადაითხაროს და ახალი სადენები ჩაისვას. ყინვების გამო ახლა ამ სამუშაოებს ვერ შევასრულებთ, როგორც კი კარგი ამინდები გამოვა, მაშინვე აღვადგენთ”, - განმარტავს შპს ”კეთილმოწყობის” დირექტორი ამირან ნოზაძე.

იმისათვის, რომ ცენტრალურ პარკში ზუსტად იგივე განათებები გაკეთდეს, შპს ”კეთილმოწყობამ” შესყიდვების სააგენტოსთან ტენდერი იმ მასალაზე უნდა გამოცხადოს, რასაც ახალციხის მუნიციპალიტეტის გამგეობა მოითხოვს.

ახალციხის მუნიციპალიტეტის გამგეობაში განმარტავენ, რომ ცენტრალურ პარკში განათებების აღდგენისთვის დამატებითი თანხები არ გამოიყოფა.

”აღნიშნულ სამსახურს აღებული აქვს ვალდებულება, რომ დაზიანების შემთხვევაში პრობლემა თავად მოაგვაროს, ან კონკრეტული თანხა აანაზღაუროს. შესაბამისად, ჩვენგან არანაირი თანხა არ გადის”, - ამბობს ახალციხის მუნიციპალიტეტის გამგებლის მოვალეობის შემსრულებელი ბესიკ ხითარიშვილი. მისივე თქმით, ცენტრალურ პარკს დაცვის სამსახური არ იცავს.

შპს ”კეთილმოწყობაში” ამბობენ, რომ ცენტრალური პარკის ტერიტორიაზე განათებები ხშირად ზიანდება. დამტვრეული სვეტები მოსახლეობისთვის საფრთხეს არ წარმოადგენს.

”როცა განათებები ზიანდება ჩვენი ელექტროსპეციალისტები მიდიან და ამ სვეტებს აუქმებენ. სადენს იზოლირებას ისე უკეთებენ, რომ აბსოლუტურად უსაფრთხოა”, - განმარტავს ”კეთილმოწყობის” დირექტორი.


ახალციხის ცენტრალური პარკის მშენებლობა 2010 წლის აპრილში დაიწყო. აღნიშნული სამუშაოებისთვის ადგილობრივი ბიუჯეტიდან 70 ათასი ლარი იყო გამოყოფილი. სამშენებლო სამუშაოები კი ტენდერში გამარჯვებულმა კომპანია “ნიუ ენერჯიმ” შეასრულა. დაიგო ფილაქანი, გაკეთდა, როგორც მაღალი, ასევე დაბალი განათებები. მოეწყო ახალი ბორდიურები, აღდგა თეატრის ფასადი, დაიდგა სკამები. ასევე, გარემონტდა ძველი კინოთეატრის შენობაც, რომელიც კერძო საკუთრებაა. მას შემდეგ, რაც მუნიციპალიტეტმა გაკეთებული პარკი ჩაიბარა, მომსახურებაზე ტენდერი გამოაცხადა. სწორედ ამ ტენდერში გაიმარჯვა ”კეთილმოწყობამ”.

ახალციხის მუნიციპალიტეტის ტერიტორიაზე გარე განათებების მოვლა-პატრონობისთვის 2012 წლის ადგილობრივ ბიუჯეტში 80 ათასი ლარი იყო გამოყოფილი. 2013 წელს ეს თანხა 20 ათასი ლარით გაიზარდა, რადგან რამდენიმე ქუჩაზე განათებები დაემატა.

”ეს თანხა მთლიანად გარე განათების მომსახურებისთვისაა გამოყოფილი. აქ შედის მუნიციპალიტეტის ტერიტორიაზე არსებული ყველა ქუჩა ან სოფელი, სადაც განათებებია დამონტაჟებული”, - განმარტავს ამირან ნოზაძე.



[თამარ თოთაძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.11.2019 სხვილისში შვიდსულიან ოჯახს სოციალური დახმარება მოუხსნეს

13.11.2019 რა გაკეთდება რეგფონდიდან მიღებული 4 409 036 ლარით ახალციხეში

13.11.2019 ახალციხის ციხეზე კონცერტი გაიმართება

13.11.2019 ივლიტაში მდინარეზე გადასასვლელი ხიდის მშენებლობის პროექტს საჯაროდ განიხილავენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხეში ახალი წლისთვის ემზადებიან
800 თუ 330? – რამდენი ლამპიონი შეიცვალა ბორჯომის პარკში
პოლიციასთან სკვერში გარე განათების დაზიანებული ნათურები ისევ არ შეუცვლიათ
როდის შეკეთდება გარე განათების მონტაჟის შედეგად დაზიანებული გზა
ახალციხის მუნიციპალიტეტის ბიუჯეტი 358 ათასი ლარით გაიზარდა
დაზიანებული ქუჩების აღდგენა დაიწყო
ერთ კვირაზე მეტია ახალციხის რამდენიმე ქუჩაზე გარე განათებაა დაზიანებული