FM97.5 / LIVE
რომელშიც სკოლა უნდა გადასულიყო, ამ დრომდე გაურკვეველია.">

216 მოსწავლე გაკვეთილებს ავარიულ შენობაში ესწრება

მთავარისაზოგადოება » განათლება 22.01.2013
სამუსიკო სკოლა სასწავლო პროცესს ისევ ავარიულ შენობაში აგრძელებს. ყოფილი ადმინისტრაციული შენობის ბედი, რომელშიც სკოლა უნდა გადასულიყო, ამ დრომდე გაურკვეველია.

216 მოსწავლე გაკვეთილებს ავარიულ შენობაში ესწრება
ახალციხის სამუსიკო სკოლა ორი შენობისაგან შედგება. შენობის ის ნაწილი, რომელსაც საუკუნენახევრის ისტორია აქვს, ამორტიზებული და სახიფათოა. 80-ანი წლების შემდეგ, როცა შენობის რეკონსტრუქცია მოხდა, სკოლაში სარემონტო სამუშაოები აღარ ჩატარებულა.

სკოლის 216 მოსწავლე გაკვეთილებს ავარიულ შენობაში ესწრება. სკოლის ადმინისტრაციაში ამბობენ, რომ შეობას ბზარები დღითიდღე ემატება, განსაკუთრებით, დეკემბერში მომხდარი მიწისძვრის შემდეგ.

”ჯერ კიდევ ნოემბრის თვეში გადაწყდა, რომ ყოფილი გამგეობის შენობაში უნდა გადავსულიყავით, თუმცა ამ დრომდე ვერ ხერხდება. მიწისძვრამ ძველი შენობა კიდევ უფრო მძიმე მდგომარეობაში ჩააგდო. პოლიციამ ლენტი გააბა, რომ შენობის ახლოს არავინ გაიაროს. ქვები ცვივა და ორი კიდევ გამზადებულია ჩამოსავარდნად”, - გვიხსნის სკოლის დირექტორი ცისანა ახვლედიანი.

ახალციხის საკრებულოში ამბობენ, რომ ყოფილი ადმინისტრაციული შენობის დასაბრუნებლად, ამ დრომდე მოლაპარაკებებს აწარმოებენ შენობის მფლობელ კომპანია შპს ”ქროსვეისთან”, თუმცა უშედეგოდ. გაგზავნილ წერილზე პასუხი არ მიუღიათ.

”სატელეფონო საუბარი გვქონდა, თუმცა ვერაფერზე შევთანხმდით. პიროვნება, რომელსაც წერილი გავუგზავნეთ, უნდა შესულიყო გენერალურ დირექტორთან და პასუხი მას უნდა გაეცა, თუმცა ამ დრომდე არავის დაურეკავს ”,- განმარტავს მუნიციპალიტეტის საკრებულოს ფრაქციის ”ქართული ოცნება -ახალციხე” თავმჯდომარე ნუგზარ თამარაშვილი.

საკრებულოში ყოფილი ადმინისტრაციის შენობის მფლობელის შესახებ ინფორმაციას არ ფლობენ. თამარაშვილის განმარტებით ”ქროსვეისის” ხელმძღვანელობასთან დაკავშირება ხელშეკრულებაში მითითებული მისამართის საშუალებით შეძლეს.

”კომპანიის წარმომადგენლების ვინაობაც არ ვიცით. ვისთანაც ტელეფონით გვაქვს კონტქტი, დაგვპირდა, რომ ამ კვირაში ჩამოვლენ და შეგვხვდებიან”, - ამბობს თამარაშვილი.

შეგახსენებთ, რომ შპს ”ქროსვეისმა”, ყოფილი ადმინისტრაციის შენობა 2012 წლის 14 ივლისს სიმბოლურ ფასად, ერთ ლარად იყიდა.
როგორც გაირკვა კომპანიის მხრიდან არ არის გადახდილი ხელშეკრულებით გათვალისწინებული, არც საპრივატიზაციო თანხა ერთი ლარი და არც ის 500 000 ლარი, რომელიც ადგილობრივი მუნიციპალიტეტის ანგარიშზე უნდა ჩაერიცხა. სწორედ ამიტომ, მუნიციპალიტეტის საკრებულომ შენობის უკან დაბრუნება გადაწყვიტა.

დაბრუნების შემთხვევაში, საკრებულოს ხელმძღვანელობა შენობაში სამუსიკო სკოლის, თოჯინების თეატრისა და კულტურის სახლის გადატანას გეგმავს.

სამუსიკო სკოლას ავარიულ შენობაში მანამდე მოუწევს მოშაობა, ვიდრე ყოფილი ადმინისტრაციული შენობის ბედი არ გადაწყდება. დაზიანებული დარბაზის გამო, კი გაურკვეველი ვადით გადაიდო სკოლაში ცნობილი ქართველი კომპოზიტორების ჩამოსვლაც.

”ყოველ წელს ჩამოგვყავს კომპოზიტორები, მაგრამ ახლა თავს ვიკავებთ, არ ვიცით სად ჩავატაროთ, ორივე დარბაზი ავარიულია. ნუნუ გაბუნიას და მანანა ალფაიძის მოწვევას ვგეგმავდით, მაგრამ არ ვიცით რას ვიზამთ”,- ამბობს სკოლის დირექტორი.

216 მოსწავლე გაკვეთილებს ავარიულ შენობაში ესწრება

[თინათინ ზაზაძე, ახალციხე]


01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.06.2020 ‘გაუშვეს რატომღაც ერთი ტესტის საფუძველზე, მეორე იყო სუსტად დადებითი’ - გამყრელიძე ნინოწმინდელ კაცზე

03.06.2020 ‘ეს არ არის დადასტურებული’ - მარინა ეზუგბაია ნინოწმინდის შემთხვევაზე

03.06.2020 300-ზე მეტი ფერმერი სასოფლო-სამეურნეო ტექნიკას თანადაფინანსებით შეიძენს

03.06.2020 ‘კარანტინიდან დაბრუნებულ კაცს დაახლოებით 100 ადამიანთან ჰქონდა კონტაქტი’ – მერის წარმომადგენელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ავარიული სამუსიკო სკოლა დროებით შენობას შეიცვლის
საკრებულო ყოფილი ადმინისტრაციული შენობის დაბრუნებას გეგმავს
ახალციხის სამუსიკო სკოლა ახალ სასწავლო წელს ისევ ავარიულ შენობაში დაიწყებს
ახალციხის გამგეობამ 1 ლარად გაყიდული შენობა უკან დაიბრუნა
ახალციხეში, ავარიულ სამუსიკო სკოლას გაარემონტებენ
ახალციხის სამუსიკო სკოლას რეაბილიტაციისთვის ამზადებენ
ახალციხის სამუსიკო სკოლაში 60 წლის იუბილე იზეიმეს