სამხრეთის კარიბჭე. FM97.5 / LIVE

ცხოვრება დროებით საცხოვრებელში და მოხსნილი დახმარება

მთავარისიახლე, საზოგადოება 13.06.2016
„აუცილებელია კიბო მქონდეს, რომ სახელმწიფო დამეხმაროს?“ – ახალციხეში, ყოფილი კომისარიატის შენობაში შესახლებულ 4 ოჯახს სოციალური დახმარება მოუხსნეს.

ცხოვრება დროებით საცხოვრებელში და მოხსნილი დახმარება

39 წლის მაია ლაცაბიძე, ოთხი წელია ახალციხეში, ყოფილი კომისარიატის შენობაში ორ შვილთან ერთად ცხოვრობს. ამბობს, რომ წლების განმავლობაში თავს სოციალური დახმარების მეშვეობით ირჩენდა, ახლა კი ისიც მოუხსნეს. ბანკიდან აღებული ვალის გადაუხდელობის გამო კი შესაძლოა საქმე სასამართლომდე მივიდეს.

მისი თქმით, დახმარების მოხსნის მიზეზი, მისი თურქეთში წასვლა გახდა: „ჯანმრთელობის პრობლემები მაქვს. თვენახევრის წასული ვიყავი, რომ 28 ათასი ქულა მომივიდა. სოციალური მომსახურების სააგენტოში დავრეკე და ვთხოვე, რომ ხელის მოსაწერად ჩამოვიდოდი, მაგრამ არ დამელოდნენ და დახმარება გამიუქმეს. წინასწარ მქონდა აღებული 600 ლარი და ახლა დაბრუნებას მთხოვენ, რა გავაეკთო არ ვიცი. მეუბნებიან სასამართლოს გადაგცემთო“.

თურქეთიდან დაბრუნების შემდეგ მაიამ სააგენტოში განცხადება ისევ შეიტანა. სააგენტოში განუმარტეს, რომ დახმარებას ვერ აღებდა იმის გამო, რომ საზღვარზე გადმოპარული იყო.

„ბეჭედი არ გაქვს ჩარტყმულიო. უკან, სარფში ჩავედი,ისევ გადავედი საზღვარზე და ვთხოვე ქართველ მესაზღვრეებს ბეჭედი ჩაერტყათ. ახალციხეში რომ ჩამოვედი, მითხრეს რამდენჯერმე გადასულხარ საზღვარზე და დახმარებას ვინ მოგცემსო. მე მათ დასარწმუნებლად გადავედი, მეჩვენებინა, რომ არაფერი დამირღვევია, ეს კი ჩემს საწინააღმდეგოდ გამოიყენეს. ახლა 78 ათასი ქულა მაქვს და დახმარებას მხოლოდ ბავშვებზე ვიღებ“, – ამბობს მაია და ამატებს, რომ როგორც საზღვარზე განუმარტეს,– „საქართველოში გადმოსვლის დროს ბეჭდის ჩარტყმა აუცილებელი არ იყო“.

სოციალური მომსახურების სააგენტოში განმარტავენ, რომ ლაცაბიძეების დახმარების მოხსნის მიზეზი ნამდვილად ოჯახის ერთ–ერთი წევრის მიერ საზღვრის გადაკვეთა გახდა.

„დახმარებას მხოლოდ ბავშვები იღებენ. რაც შეეხება საზღვრის კვეთას, რადგან ოჯახმა არ შეატყობინა წინასწარ სააგენტოს, რეგისტრაციიდან მოიხსნენ. მათ უნდათ წარმოედგინათ ცნობა, რა მიზნით იმყოფებოდნენ უცხოეთში და რამდენი ხნით, თუ ექიმთან იყო, ამის დადასტურება ხომ ნამდვილად შეუძლია“, – აცხადებენ სოციალური მომსახურების სააგენტოში.

ლაცაბიძეების მსგავსად, სოციალური დახმარება მოუხსნეს მეზობლად მცხოვრებ ფოთოლა კირვალიძესაც. როგორც იგი ამბობს, გადამოწმების დროს პირველად 15.000 ქულა მოუვიდა, მეორედ 90.000.

„გასული წლის აგვისტოში მომიხსნეს. არ ვიცი რა ნახეს მაღალი ქულები რომ დაწერეს. ერთი მანქანა გვყავს, რომელიც ჩემმა მეუღლემ ნათესავისგან ითხოვა. ეს ყველაფერი პირველ გადამოწმებაზე ჩაიწერეს და ქულა დაბალი მოგვივიდა, მაგრამ მალევე მეორე აგენტი მოვიდა შემოწმებაზე და გვითხრა ხელახლა უნდა გადაგამოწმოთ, რაღაც შეცდომააო“,– ამბობს ფოთოლა კირვალიძე.

კირვალიძეები ყოფილი კომისარიატის შენობაში ოთხი წელია ცხოვრობენ.

„რით ვირჩინოთ თავი. ძალიან ცუდ დღეში ვართ“, – ამბობს ფოთოლა.

სოციალური მომსახურების სააგენტოში განმარტავენ, რომ მაღალი ქულების ერთერთი მნიშვნელოვანი მიზეზი ის არის, რომ ოჯახის წევრები ახალგაზრდები და შრომისუნარიანები არიან.

„დეკლარაციაში მიწის ნაკვეთი, უცხოური ავტომობილი ფიქსირდება, გარდა ამისა არცთუ დაბალი გადასახადები აქვთ გადახდილი. ორი წელი მანქანას ვინ გათხოვებს და თუ გათხოვებს ალბათ აკეთებ ამ მანქანით რაღაცას“, – ამბობს სოციალური მომსახურების სააგენტოს საზოგადოებასთან ურთიერთობის სამსახურის წარმომადგენელი ტატა გამყრელიძე.

შეგახსენებთ, რომ სოციალური დახმარება მოუხსნეს, ყოფილი ტუბ–დისპანსერში შესახლებულ 65 წლის ნანა ნემსაძესაც.

როგორც „სამხრეთის კარიბჭეს“ სოციალური მომსახურების სააგენტოში მიმდინარე წლის მარტში განუმარტეს. ბოლო ათი თვის განმავლობაში დახმარება რეგიონის მასშტაბით 405 ოჯახს მოუხსნეს.

[თინათინ ზაზაძე, ახალციხე]


06.12.2017 ასპინძის სკოლებში საპირფარეშოების მოწესრიგება დაიწყეს[Photo]

05.12.2017 კოსმოსურ ჰაკათონში ახალციხელმა ახალგაზრდებმა გაიმარჯვეს

05.12.2017 'სტუდენტების განწყობა უმცირესობებისადმი და მედიის როლი' – ახალციხეში კვლევის პრეზენტაცია გაიმართება

01.12.2017 ტოლოშის სკოლის დირექტორი უკარო საპირფარეშოებზე: „გარედან არაფერი ჩანდა“

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.12.2017 ლომჯარია: საჯარო სივრცეში სექსუალური შევიწროების შემთხვევები განსაკუთრებით პრობლემურია

10.12.2017 ომბუდსმენი: ადამიანის უფლებათა დამცველთა დღის წესრიგში კვლავ არაერთი პრობლემაა

10.12.2017 იმ გოგონას დედამ, რომელიც 7 თვის წინ გარდაცვლილი იპოვეს, თავი ჩამოიხრჩო

09.12.2017 ახალციხეში წიწვოვანი ჯიშის ხეების უკანონოდ გაჩეხვს ფაქტზე ერთი პირი ამხილეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

სამცხე–ჯავახეთში სოციალური დახმარება 405 ოჯახს  შეუწყდა
ოჯახს, რომელიც პროტესტის ნიშნად შვილს სააგენტოში ტოვებდა, დახმარება არ ექნება
უსამსახუროდ და სესხებით - სოფიო ბერიძე  დახმარებას ითხოვს
5 ლარი – მარტოხელა პენსიონერის ერთადერთი შემოსავალი

შშმ ძმის ერთადერთ მომვლელს სოციალური დახმარება მოუხსნეს
ოთხსულიანი ოჯახი დროებით საცხოვრებელში