სამხრეთის კარიბჭე. FM97.5 / LIVE

პროკურორი: 'მიწაზე ყალბი დოკუმენტები ბრალდებულის თხოვნით შედგა'

მთავარისიახლე, სამართალი 26.05.2016
ბაკურიანის მიწების საქმეში ბრალდებულს აღკვეთის ღონისძიებად პატიმრობა შეუფარდეს; დაკავებული ბრალს აღიარებს; პროკურატურა მასთან საპროცესო შეთანხმებაზე მოლაპარაკებას აწარმოებს.

პროკურორი: 'მიწაზე ყალბი დოკუმენტები ბრალდებულის თხოვნით შედგა'

დღეს, 26 მაისს ახალციხის რაიონული სასამართლო ბრალდებული ა.ბოლოთაშვილისთვის აღკვეთის ღონისძიების შეფარდებაზე საათზე მეტ ხანს მსჯელობდა.

პროკურატურა ბოლოთაშვილს ე.წ. კოხტა გორის მიმდებარე ტერიტორიაზე სახელმწიფოს კუთვნილი ფართობის მოტყუებით და თაღლითურად მისაკუთრებას ედავება. საუბარია 4 000 კვადრატულ მეტრზე, რომლის ღირებულებაც 259 448 ლარია. ბაკურიანის მკვიდრს ბრალი სსკ–ის 180–ე (თაღლითობა) და 362–ე ( ყალბი დოკუმენტის შეძენა–გამოყენება, სამი ეპიზოდი) მუხლებით ედება.

ბოლოთაშვილმა სასამართლო პროცესის დაწყებისთანავე განაცხადა, რომ წარდგენილ ბრალში თავს დამნაშავედ ცნობს.

პროკურორ პეტრე მანველიშვილის განცხადებით, ბოლოთაშვილს მიწის რეფორმის დროს მიწის ნაკვეთი არ გადასცემია. თუმცა, მან 2015 წლის 30 დეკემბერს შეადგინა საკადასტრო ნახაზი, ასევე იცოდა, რომ საჯარო რეესტრი ცნობას მოსთხოვდა: „მან ბაკურიანის გამგებლისგან გოჩა გობრონიძისგან ყალბი ცნობა მოიპოვა, შემდეგ კი საჯარო რეესტრის თანამშრომლები შეცდომაში შეიყვანა და ნაკვეთი დაირეგისტრირა“.

გარდა ამისა, პროკურორის განცხადებით, მოწმეებმა სწორედ ბოლოთაშვილის თხოვნით დაწერეს ყალბი განცხადებები იმის შესახებ, რომ თითქოს ნაკვეთი ამისი იყო.

მანველიშვილმა სასამართლოში ბრალდებულისთვის აღკვეთის ღონისძიებად პატიმრობის შეფარდებაზე იშუამდგომლა. მისი თქმით, შესაძლოა იგი გამოძიებას მიემლოს, ასევე, გაანადგუროს მტკიცებულებები: „ახლა მას გაქარწყლებული აქვს ნასამართლეობა და ეს გავლენას ვერაფერზე მოახდენს, მაგრამ მის მის პიროვნულ მახასიათებლად შეიძლება განისაზღვროს ის ფაქტი, რომ იგი წარსულში ხულიგნობაზეა ნასამართლევი“.

არ დაეთანხმა ბრალდების მხარეს ბოლოთაშვილის ადვოკატი გიორგი გელხაური. მისი თქმით, ბრალდებული თანამშრომლობს გამოძიებასთან და სრულად აღიარებს ბრალს. ასევე, დაკავებისას მას წინააღმდეგობა არ გაუწევია.

„ბოლოთაშვილს ბაკურიანში აქვს თავისი ბიზნესი და დასაქმებული ჰყავს 50–მდე კაცი: „ბანკიდან საკმაოდ დიდი სესხი აქვს აღებული. გარდა ამისა, ჰყავს მცირე წლოვანი შვილი, მეუღლე და დედა. ამდენად ის არსად მიიმალება“, – ამბობს გელხაური და ამატებს, რომ მისი დაცვის ქვეშ მყოფი ვერც მტკიცებულებებს გაანადგურებს, რადგან ყველა დოკუმენტი გამოძიებას უკვე მოპოვებული აქვს.

ადვოკატმა აღკვეთს ღონისძიებად 15 000 ლარის გირაოს შეფარდება ითხოვა: „თანახმა ვართ ჩააბაროს საზღვარგარეთის პასპორტი და პერიოდულად გამოცხადდეს გამოძიებასთანაც“.

მოსამართლე გიორგი ლონდარიძემ დაცვის შუამდგომლობა არ დააკმაყოფილა. ბოლოთაშვილს აღკვეთის ღონისძიებად პატიმრობა შეუფარდა.
როგორც სასამართლო პროცესის დასრულების შემდეგ გელხაურმა გაანცხადა, ამ დროისთვის პროკურატურასთან მიმდინარეობს მოლაპარაკება საპროცესო შეთანხმებაზე: „შესაძლოა საპროცესო ნებიმისმიერ დროს გაფორმდეს“.

დაცვის მხარეს ჯერ არ აქვს გადაწყვეტილი გაასაჩივრებს თუ არა ახალციხის რაიონული სასამართლოს გადაწყვეტილებას.

შეგახსენებთ, ა. ბოლოთაშვილი პროკურატურამ მის სამუშაო ადგილზე ბაკურიანში 24 მაისს სასამართლოს განჩინებით დააკავა. იგი ბოლო ორი თვის განმავლობაში ბაკურიანის მიწების საქმეზე მეხუთე ბრალდებულია.

ტყის ნაწილი ბაკურიანში, რომელიც დაახლოებით ერთი თვის ვადაში ადგილობრივებმა დაისაკუთრეს და ნაწილმა გაყიდა კიდეც, დაყადაღებულია. ყადაღა ამ დროისთვის 46 ნაკვეთს ადევს. ბოლოთაშვილის ნაკვეთი მათ შორის ერთ–ერთია.

[თამუნა უჩიძე, ახალციხე]


19.04.2018 სოფელ კარტიკამში რეაბილიტირებული სკოლა გაიხსნა

13.04.2018 კოსმოსურ ჰაკათონში გამარჯვებული ახალციხელები ნიდერლანდებიდან დაბრუნდნენ

10.04.2018 ‘ოპიზარში’ პროფესიულ პროგრამებზე რეგისტრაცია დაიწყო

10.04.2018 დღეიდან პირველკლასელთა რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.04.2018 ახალციხეში გენოციდის 103–ე წლისთავს აღნიშნავენ [Photo/Video]

23.04.2018 რაგბით შეპყრობილები სამცხე–ჯავახეთიდან

23.04.2018 მკითხველის არჩევანი - რას კითხულობენ ახალციხეში

23.04.2018 „წიგნის დღე“ – ახალციხეში მოსწავლეებისთვის ვიქტორინა ჩატარდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

ბაკურიანის მიწების საქმეზე კიდევ ერთი პირი დააკავეს
ბაკურიანის მიწების საქმეში ბრალდებულთან საპროცესო გაფორმდა
ბაკურიანის მიწების საქმეზე კომპანია „X ჯგუფის“ მფლობელი დააკავეს
„X ჯგუფის“ მფლობელს აღკვეთის ღონისძიებად პატიმრობა შეეფარდა
3 გასამართლებული და სახელმწიფოსთვის დაბრუნებული 1,5 მლნ–ის ქონება
ბაკურიანის საქმეზე ბრალი მერვე პირს წაუყენეს
ბაკურიანის მიწების საქმეში  ბრალდებულებთან საპროცესო გაფორმდა