FM97.5 / LIVE

‘წითელი სახურავების’ საქმეს სამუშაო ჯგუფი შეისწავლის

მთავარისიახლე, საზოგადოება 24.05.2016
5 დაზიანებული სახურავი 4 წელიწადში – ეგრეთ წოდებული „წითელი სახურავების“ საქმეს, ახალციხის მერიაში შექმნილი სამუშაო ჯგუფი შეისწავლის.

‘წითელი სახურავების’ საქმეს სამუშაო ჯგუფი შეისწავლის

მას შემდეგ, რაც გუშინ, 23 მაისს, ძლიერმა ქარმა ახალციხეში, თამარაშვილის ქუჩაზე მდებარე რვასართულიან კორპუსს სახურავი გადახადა, ახალციხის მერიამ გადაწყვიტა, ქალაქში არსებული ყველა „წითელი სახურავის“ მდგომარეობა გადაამოწმოს.

ამისათვის მერიაში დღეს სპეციალური სამუშაო ჯგუფი შეიქმნა.

„ვინაიდან ეს უკვე მეოთხე შემთხვევაა და ეჭვს ბადებს შესრულებულ სამუშაოების ხარისხიანობაზე , ჩემი ბრძანებით შეიქმნა სამუშაო ჯგუფი ,რომელიც შეისწავლის ამ პერიოდში გაკეთებული სახურავების მდგომარეობას და დადებს დასკვნას, რამდენად შეესაბამება სტანდარტულ ნორმებს“, - განაცხადა ქალაქ ახალციხის მერმა გიორგი კოპაძემ.

მეოთხე შემთხვევაში მერიამ მეოთხე გადახდილი სახურავი იგულისხმა. სახურავების შეცვლიდან, 2012 წლის ზაფხულიდან დღემდე, სახურავი 4 მრავალსართულიან კორპუსს დაუზიანდა.

ქალაქ ახალციხეში მრავალსართულიანი კორპუსების სახურავების შეცვლა 2012 წელს, ყოფილმა ხელისუფლებამ დაიწყო. სახურავების შეცვლას წინ სტიქია უსწრებდა.

სტიქიის შედეგების სალიკვიდაციოდ, მაშინდელი პრეზიდენტის, მიხეილ სააკაშვილის სარეზერვო 3.576.546 ლარი გამოიყო. ამ თანხით 152 შენობა ნაგებობა (საერთო ფართობით 93105 მ2. მათ შორის ახალციხეში 93 და ქალაქ ვალეში 59 შენობა) წითლად შეღებილი რკინის ფირფიტებით გადაიხურა.

სამუშაოების დასრულებიდან რამდეიმე თვეში, სახურავების დაზიანება დაიწყო. 2013 წლის 3 მარტს, ახალციხეში თამარაშვილის ქუჩაზე N7 და N5 კორპუსებში წყალი ჩავიდა, ამავე წლის 23 აპრილს ძლიერმა ქარმა ასპინძის ქუჩაზე N28–ში მდებარე კორპუსს სახურავი მთლიანად გადახადა, 2014 წლის მაისში ძლიერმა ქარმა სახურავი კოსტავას ქუჩაზე მდებარე N184–ე კორპუსაც გადახადა. ამავე წლის 7 ივნისს სახურავიდან წყალი ჩავიდა რუსთაველის ქუჩის N103–შიც, ბოლო შემთხვევა კი გუშინ 23 მაისს მოხდა, ძლიერმა ქარმა რვასარულიან კორპუსს სახურავი თითქმის მთლიანად გადახადა.

ახალციხის მერიაში განმარტავენ, რომ სწორედ მსგავსი შემთხვევევის თავიდან ასაცილებლად შეიქმნა ჯგუფი, რომელიც სახურავების მდგომარეობას შესწავლის.

აღსანიშნავია, რომ ეს პირველი შემთხვევა არ არის, როდესაც სახურავების მდგომარეობის შესწავლას იწყებენ. 2014 წელს, მაშინდელმა საკრებულოს თავმჯდომარემ ოლეგ სანდროშვილმა იმ მშენებელ ფირმებს, რომლებმაც 2012 წელს საპრეზიდენტო პროგრამის ფარგლებში სახურავები გადახურეს, პრევენციის მიზნით სახურავების შემოწმება დაავალა.

9 მშენებელი ფირმიდან 7-მა ახალციხის მუნიციპალიტეტის გამგეობას წარადგინა დასკვნა, რომ მშენებლობა სტანდარტების შესაბამისია.

რას აჩვენებს სახურავების მდგომარეობის შესწავლის მორიგი მცდელობა, ახლო მომავალში გაირკვევა. იქამდე გასარკვევი გუშინ მომხდარი შემთხვევის მიზეზია.

შეგახსენებთ, გუშინ 23 მაისს, ძლიერმა ქარმა სახურავი რვასართულიან კორპუსს გადახადა. შემთხვევის შედეგად არავინ დაშავებულა, თუმცა, სახურავის ნარჩენებმა 5 მანქანა დაამტვრია. დასახლება დღეს საღამომდე ელექტროენერგიის გარეშე იყო დარჩენილი.

[თინათინ ზაზაძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.11.2019 თოჯინების თეატრში სპექტაკლი 'პატარა უფლისწული' გაიმართება

09.11.2019 ფილმმა 'და ჩვენ ვიცეკვეთ' მინსკის კინოფესტივალზე ჯილდო მიიღო

08.11.2019 თბილისში ფილმის ‘და ჩვენ ვიცეკვეთ’ ჩვენება პროტესტის ფონზე მიმდინარეობს

08.11.2019 ვინ იქნება სამცხე–ჯავახეთის პოლიციის დეპარტამენტის დირექტორი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხეში ძლიერმა ქარმა საცხოვრებელ კორპუსს სახურავი გადახადა
ახალციხეში საპრეზიდენტო პროგრამით გადახურული სახურავები შემოწმდება
ახალციხეში ქარმა საცხოვრებელ კორპუსს სახურავი გადახადა
ახალციხეში ძლიერმა ქარმა საცხოვრებელ სახლს სახურავი გადახადა
რატომ დაავალეს მშენებელ კომპანიებს 'პრეზიდენტის წითელი სახურავების' გადამოწმება
ახალციხეში ქარმა საცხოვრებელს სახურავი გადახადა [Video/Photo]
სახურავგადახდილ კორპუსთან ადგილობრივი ხელისუფლების წარმომადგენლები მივიდნენ