FM97.5 / LIVE

გიორგი კოპაძე: დაგვრჩა მაჟორიტარი, მალე გამოვცვლით და ისიც ჩვენი პარტიის წარმომადგენელი იქნება

მთავარიპოლიტიკა 02.03.2016
ახალციხის მერი გიორგი კოპაძე „ქართულმა ოცნებამ“ რაიონული ორგანიზაციის თავმჯდომარედ მეორედ აირჩია. პარტიულ ყრილობაზე დასახელებულ ერთადერთ კანდიდატურას დელეგატებმა მხარი ერთხმად დაუჭირეს.

გიორგი კოპაძე: დაგვრჩა მაჟორიტარი, მალე გამოვცვლით და ისიც ჩვენი პარტიის წარმომადგენელი იქნება

ახალციხეში „ქართული ოცნების“ პარტიულ კონფერენციას, რომელზეც რაიონული ორგანიზაციის თავმჯდომარე აირჩიეს, პარტიის გენერალური მდივანი კახა კალაძე და აღმასრულებელი მდივანი ირაკლი კობახიძე ესწრებოდნენ.

შეხვედრა მესხეთის სახელმწიფო დრამატული თეატრის დარბაზში დღეს, 2 მარტს, 17:00 საათზე დაიწყო.

შეხვედრის დაწყებამდე პარტიის ლიდერებმა მედიასთან კომენტარი არ გააკეთეს. ჟურნალისტებს ჯერ დაჰპირდნენ, რომ კადრებს გადააღებინებდნენ, თუმცა, დარბაზში შევსლის უფლება იმდენად მცირე დროით მისცეს, ბევრმა ტექნიკის გამართვაც ვერ მოასწრო.

გიორგი კოპაძე: დაგვრჩა მაჟორიტარი, მალე გამოვცვლით და ისიც ჩვენი პარტიის წარმომადგენელი იქნება „ქართული ოცნების“ რაიონული ორგანიზაციის თავმჯდომარეობის კანდიდატად მხოლოდ ახალციხის მერის გიორგი კოპაძის კანდიდატურა დასახელდა და ყველა დელეგატმა ერთხმად მის კანდიდატურას დაუჭირა მხარი. ასევე აირჩიეს ბიუროს წევრებიც.

შეხვედრა დაახლოებით 40 წუთის განმავლობაში გაგრძელდა. პარტიის ლიდერებმა და გამარჯვებულმა კანდიდატმა მედიასთან კომენტარები შეხვედრის დასრულების შემდეგ გააკეთეს.

„პარტიულმა ორგანიზაციამ, მთავარმა კომიტეტმა გამომიცხადა დიდი ნდობა და თავმჯდომარედ მეორედ ამირჩიეს. ვეცდები ის წარმატებები და გამარჯვებები, რომლებიც ჩემი პარტიაში მოსვლის შედეგად მოხდა, უფრო განვამტკიცო. ახლა დაგვრჩა მაჟორიტარი დეპუტატი, რომელსაც გამოვცვლით და ისიც ჩვენი პარტიის წარმომადგენელი იქნება“, – განაცხადა გიორგი კოპაძემ.

გიორგი კოპაძე: დაგვრჩა მაჟორიტარი, მალე გამოვცვლით და ისიც ჩვენი პარტიის წარმომადგენელი იქნება „მინდა გიორგი კოპაძეს წარმატებები ვუსურვო. ჩვენ ვფიქრობთ, რომ საქართველოს მასშტაბით ყველა ქალაქში პარტიის თავმჯდომარეების არჩევა რამდენიმე დღეში დასრულდება“, – განაცხადა შეხვედრის დასრულების შემდეგ „ქართული ოცნების“ გენერალურმა მდივანმა კახა კალაძემ.

პარტიის აღმასრულებელი მდივნის ირაკლი კობახიძის თქმით, მარტში კონფერენციები დასრულდება და ამის შემდეგ პარტია მზად იქნება არჩევნებისთვის დაიწყოს მზადება: „გადავალთ აქტიურ პარტიულ მუშაობაზე“.

გიორგი კოპაძე: დაგვრჩა მაჟორიტარი, მალე გამოვცვლით და ისიც ჩვენი პარტიის წარმომადგენელი იქნება დღესვე, ახალციხემდე, „ქართული ოცნების“ კონფერენციები ჩატარდა ნინოწმინდასა და ახალაქალაქში. ახალქალაქში პარტიის რაიონული ორგანიზაციის თავმჯდომარედ გამგებელი ედუარდ აღასარიანი, ნინოწმინდაში კი ნინოწმინდის მუნიციპალიტეტის გამგეობის შესყიდვების სამსახურის უფროსი გიორგი ზემოიანი აირჩიეს.

შეგახსენებთ, რომ შეხვედრას, რომელიც ახალციხეში სამუშაო საათებში, 17:00 საათზე დაიწყო, ახალციხის ადგილობრივი თვითმმართველობების (ქალაქისა და თემის) თითქმის ყველა სამსახურის თანამშრომელი ესწრებოდა. "სამხრეთის კარიბჭეს" წყაროს ინფორმაციით, თანამშრომელთა ნაწილს დღეს დილით ერთდღიანი შვებულებები დააწერინეს, ნაწილს კი შეხვედრის დაწყებამდე რამდენიმე წუთით ადრე უთხრეს, რომ სამსახურებიდან თეატრის შენობაში უნდა გასულიყვნენ.

შეხვედრის მიმდინარეობისას, „სამხრეთის კარიბჭე“ ადმინისტრაციულ შენობაში მივიდა, სადაც კაბინეტების უმეტესობა ცარიელი აღმოჩნდა.
რატომ იყვნენ საჯარო უწყების თანამშრომლები პარტიულ შეხვედრაზე, გარკვევა შეხვედრის დასრულების შემდეგ ახალციხის მერის მოადგილესთან ზაზა გელაძესთან ვცადეთ. თუმცა, მან ამ თემაზე საუბარს თავი აარიდა.

[თინათინ ზაზაძე, ახალციხე]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.04.2020 სახალხო დამცველი საკარანტინო ზონებში ვითარების შესწავლას იწყებს

06.04.2020 სამცხე–ჯავახეთში აგრარული ბაზრები მომხმარებლებისთვის ღიაა

06.04.2020 ‘მიწა უნდა დავამუშავო და სახლიდან ვერ გავდივარ, 73 წლის ვარ’ - ახალციხელი ფერმერი

06.04.2020 ახალციხეში, საქართველოს ბანკის სახელფასო ბარათიდან პირს ფული მოუხსნეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხეში 'ოცნების' საოლქო ორგანიზაციის თავმჯდომარედ გიორგი კოპაძე აირჩიეს
ახალციხეში ‘ქართული ოცნების’  პარტიული ყრილობა ჩატარდება
'ოცნებამ' ახალციხეში პარტიის თავმჯდომარე აირჩია
ბიძინა ივანიშვილი  'ქართული ოცნების' თავმჯდომარედ  აირჩიეს
ახალციხეში „ქართული ოცნების“ შიდაპარტიული შეხვედრა მიმდინარეობს
ხვალ ახალციხეში პრემიერ–მინისტრს გიორგი კვირიკაშვილს ელოდებიან
ასპინძაში ‘ოცნების’ საოლქო ორგანიზაციის თავმჯდომარედ როსტომ მაგრაქველიძე აირჩიეს