FM97.5 / LIVE
თვითმმართველობამ მუსლიმების სასაფლაოსთვის სოფელში ადგილი უნდა გამოყოს.">

ადიგენში მუსლიმები და ქრისტიანები დაუპირისპირდნენ

მთავარისაზოგადოება 29.02.2016
ადიგენის მუნიციპალიტეტის სოფელ ადიგენში, ერთმანეთს მუსლიმი და ქრისტიანი თემი დაუპირისპირდა. კონფლიქტი რელიგიის სააგენტოს რეკომენდაციამ გამოიწვია, რომლის თანახმად, თვითმმართველობამ მუსლიმების სასაფლაოსთვის სოფელში ადგილი უნდა გამოყოს.

ადიგენში მუსლიმები და ქრისტიანები დაუპირისპირდნენ

სოფლის ცენტრში შეკრებილი ქრისტანები აცხადებენ, რომ სოფელში ახალი სასაფლაოს გახსნას არ დაუშვებენ.

„ ერთი ქრისტიანული სასაფლაოა და მუსლიმებიც აქ დაიკრძალონ. გადიდდეს ტერიტორია და აქ დაასაფლაონ თავიანთი მიცვალებულები“, – ამბობენ ქრისტიანები და პროტესტს იმით ხსნიან, რომ სასაფლაოს გახსნაში გარკვეულ საფრთხეებს ხედავენ.

„ჯერ სასაფლაო გაიხსნება, მერე მეჩეთი აშენდება და მერე შეიძლება სულ გაგვასახლონ ქრისტიანები სოფლიდან“, – აცხადებენ შეკრებილები.
ქრისტიანების პროტესტის არ ესმით მუსლიმებს. ისინი ეთანხმებიან სოფლის სასაფლაოს გადიდებას, თუმცა, იმ პირობით, რომ მუსლიმებისთვის ამ საერთო სასაფლაოზე ცალკე ადგილი იქნება გამოყოფილი.

ცალკე ადგილის აუცილებლობას მუსლიმები ქრისტიანებისა და მუსლიმების განსხვავებული წესებით ასაბუთებენ. მათი განცხადებით, ზოგი ქრისტიანული წესი, მაგალითად, დღესასწაულზე ალკოჰოლის გატანა სასაფლაოზე, მიუღებელია მუსლიმებისთვის.

ადიგენში მუსლიმები და ქრისტიანები დაუპირისპირდნენ

შეგახსენებთ, 25 თებერვალს, რელიგიის საკითხთა სახელმწიფო სააგენტოსთან არსებულ, რელიგიურ გაერთიანებათა ქონებრივი და ფინანსური საკითხის შემსწავლელი სარეკომენდაციო კომისიის მეცხრე სხდომაზე გადაწყდა, რომ ადიგენში მუსლიმური თემის სასაფლაოსთვის ადგილი უნდა გამოიყოს.

სოფელში ადგილი ჯერ გამოყოფილი არ არის. რელიგიის საკითხთა სააგენტომ გადაწყვეტილება ადიგენის თვითმმართველობას უნდა გადაუგზავნოს, ტერიტორიის გამოყოფა თვითმმართველობის კომპეტენციაა.

ადიგენის ქრისტიანული თემი ირწმუნება, რომ თვითმმართველობამ ადგილის გამოყოფის გადაწყვეტილება რომც მიიღოს, საკითხი დადებითად გადაწყვეტილი მხოლოდ ფურცელზე დარჩება. სოფელში მუსლიმების სასაფლაოს გახსნას არ დაუშვებენ.

ამ წუთებში ადიგენში ვითარება დაძაბულია, ქრისტიანები და მუსლიმები ერთმანეთს სიტყვიერად უპირისპირდებიან. ადგილზე ადიგენის თვითმმართველობის წარმომადგენლები არ იმყოფებიან. სამართალდამცველებმა კი ტერიტორია იქამდე დატოვეს, ვიდრე სიტყვიერი დაპირისპირება დაიწყებოდა.

ადიგენი შერეული სოფელია, აქ დაახლოებით 100 კომლი ცხოვრობს, აქედან, 20 მუსლიმური კომლია. მუსლიმმა მრევლმა და მუსლიმთა სამმართველომ სოფელ ადიგენში სასაფლაოებისთვის ტერიტორიის გამოყოფის შესახებ ადგილობრივ თვიმმართველობას მას შემდეგ მიმართა, რაც სოფელში მუსლიმი გარდაიცვალა და მისი დაკრძალვა ქრისტიანულ სასაფლაოზე არ ისურვა. თვითმმართველობამ ეს მიმართვა რელიგიის სააგენტოში გადააგზავნა. სააგენტომ კი, შეგახსენებთ, გადაწყვეტილება 4 დღის წინ გამოიტანა.

ადიგენში მუსლიმები და ქრისტიანები დაუპირისპირდნენ

ადიგენში მუსლიმები და ქრისტიანები დაუპირისპირდნენ

[თამუნა უჩიძე, ნინო ნარიმანიშვილი, ადიგენი]


30.06.2020 საფეხური: როგორ ჩატარდება ეროვნული გამოცდები [აუდიო]

27.06.2020 აბიტურიენტებს საგამოცდო ბარათის ამობეჭდვა დღეიდან შეუძლიათ

26.06.2020 სამცხე–ჯავახეთიდან აბიტურიენტები სომხეთში წასვლას შეძლებენ – სომხური მედია

26.06.2020 სომეხი აბიტურიენტები ეროვნული გამოცდების ჩასაბარებლად ერევანში ვერ მიდიან

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.07.2020 პოლიციელებს ხელფასი 125 ლარით გაეზარდათ

01.07.2020 70 წელს ზემოთ პენსიონერებისთვის პენსია 30 ლარით იზრდება

01.07.2020 შშმ პირებს პენსია 30 ლარით ეზრდებათ

30.06.2020 სარო – დევების სამფლობელო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ადიგენში მუსლიმების სასაფლაოსთვის ადგილი უნდა გამოიყოს
ადიგენში მომხდარ რელიგიურ დაპირისპირებას EMC შეისწავლის
დავა სასაფლაოს გამო სოფელ ადიგენში [Photo]
ადიგენში სასაფლაოს  საკითხს რელიგიის სააგენტო განიხილავს
სამცხე–ჯავახეთის მუფთი ადიგენში რელიგიურ დაპირსპირებაზე რეაგირებას პრემიერისგან ელის
მუსლიმთა სამმართველო: ადიგენში მომხდარი ფაქტი ხელოვნურად არის ინსპირირებული
სოფელი ადიგენი ორად გაიყო – მხარეებს მოლაპარაკებას სთავაზობენ