შეზღუდული რაციონი - ახალციხის ბაღებში ყველა საკვები პროდუქტი არ აქვთ »
სამხრეთის კარიბჭე. FM97.5 / LIVE

შეზღუდული რაციონი - ახალციხის ბაღებში ყველა საკვები პროდუქტი არ აქვთ

მთავარისაზოგადოება 14.01.2016
ახალციხის სკოლამდელი აღზრდის დაწესებულებებში, სასწავლო წლის განახლებამდე საკვები პროდუქტების მომარაგება ვერ მოასწრეს და პატარებს კვების შეზღუდული რაციონი აქვთ.

შეზღუდული რაციონი - ახალციხის ბაღებში ყველა საკვები პროდუქტი არ აქვთ
კარტოფილი, კომბოსტო, ხორცი და წიწიბურა - ეს ის პროდუქტებია, რისი შეძენაც ახალციხის სკოლამდელი აღზრდის დაწესებულებათა გაერთიანებამ სწავლის განახლებამდე შეძლო.

პროდუქტების შესაბამისია აღსაზრდელების მენიუც. ოთხი დღეა პატარებს კვების ერთი და იგივე მენიუ აქვთ. ბაღებში ამ დრომდე არ შეუტანიათ მაგალითად, რძის პროდუქტები, ასევე, არ აქვთ მწვანილი.

„მარტო კარტოფილი, კომბოსტო, ხორცი და წიწიბურაა. სხვა არაფერი გვაქვს. რაც დღეს ვაჭამეთ ხვალაც იგივე იქნება. ამბობენ 20 იანვრისთვის შემოიტანენ პროდუქტებსო, მაგრამ მეეჭვება თვის ბოლომდე რამე შეიცვალოს“, – ამბობს ახალციხის ერთ–ერთი ბაღის თანამშრომელი.

„დილით გვქონდა წიწიბურა, შემდეგ ბოსტნეულის წვნიანი ხორცით, საღამოს კარაქიანი პური ჩაისთან ერთად“, – ამბობს N1 ბაგა–ბაღის მენეჯერი ციცო საანიშვილი.

პროდუქტების დეფიციტს ადასტურებენ ახალციხის სკოლამდელი აღზრდის დაწესებულებათა გაერთიანებაში. გაერთიანების ხელმძღვანელის ნანა ბერიძის თქმით, მიზეზი ტენდერის ჩაშლაა. მისი თქმით, მიუხედავად ამ პრობლემისა, სასწავლო პროცესი მაინც დაიწყეს: „ჩვენი მიზანი იყო მშობლებისთვის ხელი შეგვეწყო და სასწავლო პროცესი არ შეგვეჩერებინა. ერთ კვირაში ბაღები ყველა პროდუქტით მომარაგდება“.

მისი თქმით, სკოლამდელი აღზრდის დაწესებულებათა გაერთიანებამ პროდუქტების შესაძენად ტენდერი 2015 წლის 8 დეკემბერს გამოაცხადა.

„ყველა პროდუქტს აქვს თავის კოდი. სულ 10 დასახელების კოდია, აქედან 4 არ არის შეძენილი. გაჭიანურდა, ამასაც თავისი საფეხურები აქვს და კანონს ვერ დავარღვევდით“, – ამბობს ნანა ბერიძე.

გაერთიანებაში ამბობენ, რომ ვინაიდან საჭირო პროდუქტები არ ქონდათ, შაქარი ახალციხის მერიამ შეუძინათ, კარაქი კი შპს „ალპენ –მილკის“ დირექტორმა სერგეი პაპოიანმა.

[თინათინ ზაზაძე, ახალციხე]


15.08.2018 ახალი სასწავლო წელი სკოლებში 17 სექტემბერს განახლდება

13.08.2018 სამცხე–ჯავახეთის უნივერსიტეტის რექტორმა აბიტურიენტებს ფეისბუქ ლაივით მიმართა

09.08.2018 სამცხე–ჯავახეთის უნივერსიტეტში დაწყებითი განათლების პროგრამამ აკრედიტაცია გაიარა

08.08.2018 აბიტურიენტები გამოცდების შედეგების გასაჩივრებას 9 აგვისტოდან შეძლებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.08.2018 ვანო მერაბიშვილის ადვოკატი: ‘მისი ჯანმრთელობის მდგომარეობა დამაკმაყოფილებელია’

16.08.2018 ახალციხეში ელექტრონული მუსიკის საღამოები მოეწყობა

15.08.2018 ვანო მერაბიშვილი გამოკვლევებისთვის საავადმყოფოში გადაიყვანეს

15.08.2018 ვითიბი ბანკის ახალციხის ფილიალს ახალი მმართველი ჰყავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ახალციხის ბაგა – ბაღებში სასწავლო პროცესი სექტემბრამდე შეწყდა
ახალციხის ბაღებში სწავლა 5 სექტემბერს დაიწყება
ახალციხის ბაღებში დეზინფექცია ტარდება
ორთვიანი შეწყვეტის შემდეგ, საბავშვო ბაღებში სწავლა განახლდა
ახალციხის ოთხ ბაღში ისევ ღუმელებით თბებიან
ახალციხის ბაღებში საზაფხულო არდადაგები ერთ თვეს გასტანს
რატომ არ განახლდა სასწავლო პროცესი ახალციხის მუნიციპალიტეტის  ბაღებში