FM97.5 / LIVE

მოსაწყენი ყოველდღიურობა ხანჩალში

მთავარიSK TV » რეპორტაჟი 15.11.2012
მოსწავლეების რაოდენობა მცირდება, ტბაში წყალი შრება, ზამთრობით გზები იკეტება, მოსავლის გაყიდვა ვერ ხერხდება, შინაური საქონლის რიცხვი იკლებს, - რას გვიამბობენ ნინოწმინდის მუნიციპალიტეტის სოფელ ხანჩალში მცხოვრებლები

მოსაწყენი ყოველდღიურობა ხანჩალში
ნინოწმინდის შორიახლოს ორი სოფელია დიდი და პატარა ხანჩალი. ამ უკანასკნელში წასვლა მძღოლებს არ უყვართ. მართალია, სოფელი ქალაქ ნინოწმინდასთან ახლოსაა, მაგრამ იქამდე მიღწევა მართლაც რთულია.

ხანჩალში ყველა დილა ერთნაირად იწყება – რიგებით სოფლის წყაროებთან და ადგილობრივების ნაკადით რძის ქარხნისკენ, სადაც კარაქსა და ყველს ამზადებენ.

სოფლის მარჯვნივ ტბაა, ამავე სახელწოდების და დაშრობის პირას. ადგილობრივები იხსენებენ, რომ ადრე ტბა საცხოვრებელ სახლებამდე აღწევდა. ახლა ტბის ნაპირებზე ლელქაშია მოდებული. აქ ნადირობის სეზონი უკვე დაწყებულია და ჩამოსული მონადირეები იხვებსა და სხვა გარეულ ფრინველზე ნადირობენ.

მოსაწყენი ყოველდღიურობა ხანჩალში

გარდა ტბისა, სოფელს სხვა სოფლებიდან კიდევ ერთი ნიშანი გამოარჩევს. ადგილობრივები ამბობენ, რომ ხანჩალი ესოიანების სოფელია, ესოიანები სოფლის ყველაზე დიდი გვარია.

სოფლის მთავარი პრობლემა წყალი და ცუდი გზებია. `სოფლის მხარდაჭერის პროგრამით~ მიღებული 12,000 ლარით გზები ნაწილობრივ მოასწორეს, თუმცა, პრობლემა ამით არ მოგვარდა. ახლა ადგილობრივები ფიქრობენ, რომ ჯობდა ამ თანხით სასმელი წყლის პრობლემა მოეგვარებინათ.

მოსაწყენი ყოველდღიურობა ხანჩალში

სოფელში ბევრი პატარა წყაროა. ერთ-ერთისკენ დროშიანი ურიკით ორი ქალბატონი მიეშურება.

"საქონლისთვის წყალს ზამთარში ტბიდან ვეზიდებით. თოვლს ნიჩბებით ვხვეტავთ, დილას კი გაწმენდილ ბილიკს ქარბუქი კვლავ თოვლით ფარავს. კაცები ისევ წვალობენ, რომ საქონლისთვის როგორმე წყალი მოიტანონ. წყალი სასმელადაც მოგვაქვს. წყლის პრობლემა უმთავრესია. ადამიანს საკვებისა და წყლის გარეშე ცხოვრება არ შეუძლია", - გვეუბნება სონია ესოიანი.

წყაროსთან შეკრებილ ქალბატონებს სხვა პრობლემაც აწუხებთ. როგორც კი სატვირთო მანქანა გამოჩნდება, მაშინვე კითხულობენ, კარტოფილის ყიდვა ხომ არავის უნდა.

`80 მეასედზე მქონდა დარგული და კარგი მოსავალიც ავიღე. ჩვენთვის მთავარია, კარტოფილის მოსავალი კარგი იყოს და ძროხები ბევრ რძეს იწველიდნენ. აი, სულ ესაა~, - ამბობს ხაჩატურ ესოიანი.

ბევრი გვეუბნება, რომ რუსეთში სამუშაოდ უნდათ წასვლა, მაგრამ ვერ ახერხებენ.

მოსაწყენი ყოველდღიურობა ხანჩალში

"რუსეთში ვერ მივდივართ, ქართული პასპორტებით ეს შეუძლებელია. სომხეთის პასპორტის მისაღებად სომხეთის ჯარში უნდა იმსახურო და მერე შეძლებ რუსეთში წასვლას. საზღვრებს არ ხსნიან, რომ წავიდეთ", - გვეუბნება გიორგი ესოიანი.

სოფლის მცხოვრებლების დიდ ნაწილს სამუშაოს პოვნა ადგილზე, მშენებლობებზე ურჩევნია.

"მუნიციპალიტეტში ბევრი სამშენებლო სამუშაოა, მაგრამ არ გვიღებენ. ჩამოყავთ ხალხი", - ამბობს ზორიკ ვართანიანი.

სოფლის დატოვება ძირითადად ახალგაზრდებს უნდათ. მათ აქ არც სამუშაო ადგილები აქვთ და არც გასართობი.

"სოფელში არაფერია, რომ ახალგაზრდობამ სადმე დრო გაატაროს. სამსახურს ვამთავრებთ და მერე ეზოებში ვსხედვართ. სადმე შეკრების და თამაშის ადგილიც არ არის. კლუბში თანამშრომლები არ გვიშვებენ. გვინდა ერთი ოთახი მაინც გვქონდეს, სადაც ზამთარში შევიკრიბებოდით და რაიმეს გავაკეთებდით", - ამბობს ოგანეს ესოიანი.

ზამთარში სოფლის მცხოვრებლები სახლებს შეშით ან წივით (გამხმარი ნაკელით) ათბობენ. ყველა ელოდება, როდის შევა სოფელში გაზი.

"სოფლამდე მოყვანილია, მაგრამ სოფელში ჯერ არ შემოუყვანიათ. ამბობენ, რომ სამუშაოები ჯერ არ დამთავრებულა. ამისთვის მათ ისედაც ცუდი გზა კიდევ გათხარეს. ზამთარში ჩვენი გზები, ქარბუქის დროს 2-4 დღით იკეტება", - ამბობს რაფიკ ესოიანი.

სოფელში მოსწავლეების რაოდენობაც შემცირდა. სკოლაში 80 მოსწავლეა.

"ბიბლიოთეკაში ვმუშაობ. მართალია, სკოლა შორსაა, მაგრამ 45-ლარიან ხელფასზე მაინც ყოველდღე დავდივარ. წელს სკოლას 10 მოსწავლე ამთავრებს, პირველ კლასში კი მხოლოს ოთხი ბავშვია", - ამბობს ანუშიკ ესოიანი და ამატებს, რომ სოფელში ქალებს განსაკუთრებით უჭირთ, - ყველაფერი ქალების ზურგზეა. მაგალითად, მე დღეში 7 ძროხას ვწველი. ბევრი წვალებაა, რძე კი იაფია".

ბოლო პერიოდში სოფელს მტაცებელი შეეჩვია. ზოგჯერ ადგილობრივები სისხლგამოცლილ ქათმებსა და ღორებს პოულობენ.

"ღამე ნადირობს, ვერაფრით დავიჭირეთ. ყოველდღე ვინმეს ქათმებს და წიწილებს ახრჩობს", - გვეუბნება რაფიკ ესოიანი.

პატარა ხანჩალის მოსაწყენ ყოველდღიურობაში მრავალფეროვნება მხოლოდ ტურისტებსა და მონადირეებს შეაქვთ. ამ უკანასკნელთ სოფელში დიდი ხანია შეეჩვივნენ.

მოსაწყენი ყოველდღიურობა ხანჩალში

[ქრისტინა მარაბიანი, ახალქალაქი]


10.12.2019 საფეხური: რა იცვლება საჯარო სკოლებში [აუდიო]

10.12.2019 როდის დაიწყება სკოლებში ზამთრის არდადეგები

09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.12.2019 ბორჯომსა და ბაკურიანს ევროპის ზამთრის ოლიმპიური ფესტივალის მასპინძლობის კანდიდატის სტატუსი მიენიჭა

12.12.2019 მთაში მცხოვრები პენსიონერები გაზრდილ პენსიას მიიღებენ

11.12.2019 მესხეთის ქუჩაზე დაზიანებული გზის და ცხაურების გაკეთებას ითხოვენ

11.12.2019 სამცხე–ჯავახეთის პოლიციის დეპარტამენტს ახალი დირექტორი ჰყავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

მსგავს თემაზე

კარწახში ყოველი დილა წყლის ზიდვით იწყება
სოფელ ეფრემოვკაში არც წყალი აქვთ და არც შუქი
ორ მუნიციპალიტეტად გაყოფილი სოფელი
”სოფელში ქორწილები და მშობიარობები შემცირდა”
სამი წყაროს იმედად


სოფელ ზველში შიშობენ, რომ ზამთარში სასმელი წყალი არ ექნებათ