FM97.5 / LIVE

გამგეობის ყოფილი თანამშრომლების განაჩენს დაცვის მხარე ასაჩივრებს

მთავარისამართალი 02.12.2015
ახალციხის მუნიციპალიტეტის გამგეობის ყოფილი თანამშრომლების, რევაზ მერაბიშვილისა და გიორგი ქასრაშვილის მიმართ, ახალციხის რაიონული სასამართლოს მიერ გამოტანილ განაჩენს, დაცვის მხარე გაასაჩივრებს.

გამგეობის ყოფილი თანამშრომლების განაჩენს დაცვის მხარე ასაჩივრებს

გამგეობის ყოფილ თანამშრომლებს: რევაზ მერაბიშვილსა და გიორგი ქასრაშვილს განაჩენი ახალციხის რაიონული სასამართლოს მოსამართლე, გოჩა ჯეირანაშვილმა გუშინ, პირველ დეკემბერს გამოუტანა.

წარდგენილი სამი მუხლიდან: უფლებამოსილების ბოროტად გამოყენება - 332-ე მუხლი; სამსახურეობრივი სიყალბე - 341-ე მუხლი და მითვისებასა და გაფლანგვაში დახმარება 182-ე მუხლი, სასამართლომ გამგეობის ყოფილი თანამშრომლები ორ მუხლში უდანაშაულოდ სცნო, მესამე, 341–ე მუხლი, სამსახურეობრივი სიყალბე კი სამსახურეობრივ გულგრილობაში გადააკვალიფიცირა და ორივე მათგანს დააკისრა ჯარიმა 1700 ლარის ოდენობით.

ქასრაშვილისა და მერაბიშვილის ადვოკატი, ირაკლი ბარძიმაძე მოსამართლის გადაწყვეტილებით კმაყოფილია, თუმცა, ამბობს, რომ არ ეთანხმება განაჩენის იმ ნაწილს, რომლითაც მისი დაცვის ქვეშ მყოფებს მსჯავრი დასდეს: „სამსახურეობრივი საქმიანობის დაუდევარ დამოკიდებულებას, რომლითაც სასამართლომ დამნაშავედ სცნო მერაბიშვილი და ქასრაშვილი, აუცილებლად გავასაჩივრებთ“.

განაჩენის გასაჩივრებას არ აპირებს ბრალდების მხარე. პროკურორი თამარ ზურაბაშვილი ამბობს, რომ ახალციხის რაიონული სასამართლოს გადაწყვეტლებას ამ ეტაპზე არ ასაჩივრებს.

შეგახსენებთ, რომ ახალციხის მუნიციპალიტეტის გამგეობის ყოფილი სპეციალისტები რევაზ მერაბიშვილი და გიორგი ქასრაშვილი ფინანსთა სამინისტროს საგამოძიებო სამსახურის საგამოძიებო დეპარტამენტმა გასული, 2014 წლის 11 აპრილს დააკავა. ახალციხის მუნიციპალიტეტის გამგეობის ყოფილ თანამშრომლებთან ერთად იყო ბრალდებული მშენებელი ფირმის შპს „სამცხე XXI“- ს დირექტორი გურამ ფარცახაშვილი, რომელსაც 8–წლიანი პატიმრობა მიესაჯა.

საქმე ეხებოდა ახალციხეში, ასპინძის ქუჩა N28–ში მდებარე კორპუსის სახურავის შეკეთების სამუშაოებს. საქმის მასალების მიხედვით, „2013 წლის 17 ივლისს ახალციხის მუნიციპალიტეტის საკრებულოს მიერ გამოცხადებულ ელექტრონული ტენდერში ქალაქ ახალციხეში საცხოვრებელი კორპუსის სახურავების სარემონტო სამუშაოების შესრულებაზე, გამარჯვებულად გამოცხადდა შპს „სამცხე XXI.”. ტენდერის პირობების თანახმად, შესრულებულ სამუშაოებზე კონტროლი ევალებოდათ ახალციხის მუნიციპალიტეტის გამგეობის ინფრასტრუქტურის განყოფილების სპეციალისტებს, რევაზ მერაბიშვილსა და გიორგი ქასრაშვილს, რომლებმაც შეადგინეს ყალბი მონაცემების ამსახველი სამუშაოების მიღება-ჩაბარებისა და შესრულებული სამუშაოების აქტები, სადაც არ იქნა ასახული შესრულებული სამუშაოს შესახებ რეალური მონაცემები, რომლის საფუძველზეც შესრულებულად ნაჩვენები იქნა 54 800 ლარის სამუშაოები, ხოლო ფაქტობრივად კი საწარმოს დირექტორის გიორგი ფარცახაშვილის მიერ მითვისებული იქნა 33 400 ლარი“.

[ვარლამ წიკლაური, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

სასამართლომ ახალციხის გამგეობის ყოფილი თანამშრომლები 1700 ლარით დააჯარიმა
გამგეობის ყოფილი სპეციალისტები განაჩენის მოლოდინში
სახურავის საქმეზე მსჯავრდებულთან საპროცესო გაფორმდა
ახალციხის გამგეობის ყოფილი თანამშრომლების საქმეს არცერთი მხარე არ ასაჩივრებს
სახურავის საქმის მთავარ ბრალდებულს 8–წლიანი პატიმრობა მიუსაჯეს და დარბაზში დააპატიმრეს
სააპელაციო სასამართლო სახურავის საქმეს იხილავს
საფინანსო პოლიცია ფარცახაშვილს 33 400 ლარის მითვისებას ედავება