FM97.5 / LIVE

ახალციხის მუნიციპალიტეტის საკრებულოს დეპუტატი და "ახალციხის ტბის" დირექტორი დააკავეს

მთავარისამართალი 28.11.2015
ახალციხის მუნიციპალიტეტის საკრებულოს დეპუტატი „ნაციონალური მოძრაობიდან“ კახაბერ მოდებაძე და ააიპ „ახალციხის ტბის“ დირექტორი გაგა ღავთაძე სამ პირთან ერთად დააკავეს.

ახალციხის მუნიციპალიტეტის საკრებულოს დეპუტატი და "ახალციხის ტბის" დირექტორი დააკავეს
ადიგენის რაიონული სამმართველოს თანამშრომლებმა ახალციხეში მცხოვრები ხუთი პირი დააკავეს. მათ შორის ოთხი ადმინისტრაციული სამართალდარღვევის გამო, ერთი კი სისხლის სამართლის პასუხისგებაში მისცეს.

შემთხვევა, გუშინ ადიგენის მუნიციპალიტეტში მოხდა. ხუთივე მათგანი სოფელ წყალთბილის მიმდებარე ტერიტორიაზე ნადირობდა და ნანადირევი ტახი მოჰქონდათ. სამართალდამცავებმა მათი გაჩერება სწორედ ამ დროს სცადეს.

შინაგან საქმეთა სამინისტროში განმარტავენ, რომ ხუთიდან ერთ–ერთმა პოლიციის თანამშრომლებს წინააღმდეგობა გაუწია და სისხლის სამართლის პასუხისგებაში მიეცა.

როგორც „სამხრეთის კარიბჭემ“ გაარკვია, აღნიშნული პიროვნება ახალციხის მუნიციპალიტეტის საკრებულოს დეპუტატი „ნაციონალური მოძრაობიდან“ კახაბერ მოდებაძეა. ასევე იგი, გასულ წლებში შინაგან საქმეთა სამინისტროს, საპატრულო პოლიციის დეპარტამენტის შიდა ქართლისა და სამცხე-ჯავახეთის მთავარი სამმართველოს მეორე სამმართველოს (სამცხე-ჯავახეთის) უფროსი იყო.

მოდებაძე სსკ–ის 353–ე მუხლითაა დაკავებული, რაც საზოგადოებრივი წესრიგის დამცველის ან ხელისუფლების სხვა წარმომადგენლის მიმართ წინააღმდეგობის გაწევას, ასევე მუქარას ან ძალადობას გულისხმობს და ისჯება ჯარიმით, ან თავისუფლების შეზღუდვით ვადით სამ წლამდე, ანდა თავისუფლების აღკვეთით ვადით ორიდან ხუთ წლამდე.

მასთან ერთად დაკავებულ დანარჩენ ოთხ პირზე, რომელთა შორის ერთ–ერთი ააიპ „ახალციხის ტბის“ დირექტორი გაგა ღავთაძეა, დაუმორჩილებლობის გამო ადმინისტრაციული სამართალდარღვევათა კოდექსის 173–ე მუხლით, შესაბამისი ოქმი გაფორმდა.

ადმინისტრაციული წესით დაკავებულების სასამართლო სხდომა დღეს გაიმართა. საქმე ახალციხის რაიონული სასამართლოს მოსამართლემ გია ბერაიამ განიხილა. როგორც სასამართლოში განმარტავენ, მოსამართლემ დაკავებულები სამართალდამრღვევებად მიიჩნია, თუმცა, მხოლოდ სიტყვიერი შენიშვნით შემოიფარგლა და დარბაზიდან გაათავისუფლა.

„არცერთი არ დაუჯარიმებია, მოსამართლემ ოთხივე მათგანზე თქვა, რომ პოლიციელებისთვის არცერთს არ უგინებია. ეს დავადასტურეთ პროცესზე და გადაწყვეტილებაც შესაბამისი დადგა“, – ამბობს ადვოკატი ირაკლი ბარძიმაძე, ადმისისტრაციული წესით ოთხვე დაკავებულ პირს სწორედ ის იცავდა.

რაც შეეხება, სისხლის სამართლის კოდექსის 353–ე მუხლით დაკავებულ კახაბერ მოდებაძეს, მისი საქმე ცალკე გამოიყო და მომხდარზე ძიება მიმდინარეობს. „სამხრეთის კარიბჭის“ ინფორმაციით მას ამ დრომდე ბრალი არ წარდგენია. აღკვეთის ღონისძიების შეფარდებაზე კი სასამართლო, ხვალ 29 ნომებერს იმსჯელებს.

[თამუნა უჩიძე, ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.05.2020 საპატრიარქომ ადიგენში სასულიერო პირს 25 წლიანი იჯარით მიწის ნაკვეთი გადასცა

28.05.2020 ახალციხის მერის მრჩეველმა იმ კომპანიის წილი დათმო, რომლითაც ტენდერებს იგებდა

28.05.2020 საქართველოს მთავრობამ ტურიზმის გახსნისთვის რეგულაციები შეიმუშავა

28.05.2020 ახალციხის მერის წარმომადგენელების ნაწილი მათთვის გამოყოფილი საწვავით ვერ სარგებლობს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის მუნიციპალიტეტის საკრებულოს დეპუტატი გაათავისუფლეს
ახალციხის მუნიციპალიტეტის საკრებულოს დეპუტატის საქმეზე ძიება შეწყდა
თურქულ ბართან დაკავებული ახალგაზრდები პასუხისგებაში მისცეს
ბორჯომის საკრებულოს თავმჯდომარის მანქანის დაწვის საქმეზე დაკითხულს აღკვეთის ღონისძიებად პატიმრობა შეეფარდა
ახალციხის სასამართლოს შენობის დაზიანების გამო სამი პირი დააკავეს
ახალციხეში სახლის გაქურდვის ბრალდებით 2 პირი დააკავეს
3 პირის წინააღმდეგ სისხლის სამართლის საქმე აღიძრა