FM97.5 / LIVE

ნუ გაათხოვებ! – იწყება კამპანია ადრეული ქორწინების წინააღმდეგ [Video]

მთავარისაზოგადოება 22.11.2015
ნუ გაათხოვებ! ადრეული ქორწინება გოგონებზე ძალადობაა! მიეცით გოგონებს ის, რაც ეკუთვნით: საკუთარი ცხოვრება, არჩევანი, სწავლა, დამოუკიდებლობა! – ადრეული ქორწინების წინააღმდეგ მასშტაბური კამპანია იწყება.

ნუ გაათხოვებ! – იწყება კამპანია ადრეული ქორწინების წინააღმდეგ [Video]
კამპანიის ინიციატორი ქალთა მოძრაობაა. მათი ორგანიზებით 25 ნოემბერს (ქალთა მიმართ ძალადობის აღმოფხვრის საერთაშორისო დღეს), 20:00 საათზე, თბილისში, საქართველოს მთავრობის კანცელარიასთან ქალთა მოძრაობის აქცია გაიმართება. პარალელურად, აქციები გაიმართება საქართველოს რეგიონებშიც.

აქციებამდე, თბილისშიც და რეგიონებშიც დაგეგმილია სხვადასხვა ღონისძიებები , რომელთა მიზანი ნაადრევი ქორწინების შესახებ საზოგადოების ცნობიერების ამაღლებაა.

ნუ გაათხოვებ! – იწყება კამპანია ადრეული ქორწინების წინააღმდეგ [Video] „საზოგადოებამ უფრო მეტი ყურადღება უნდა დაუთმოს აღნიშნულ საკითხს და უფრო კონკრეტული ნაბიჯები გადადგას ამ პრობლემის მოსაგვარებლად“, – ამბობენ აქციის ორგანიზატორები.

საქართველოს სახალხო დამცველის მონაცემებით, 2011 წლიდან 2013 წლის იანვრამდე, 7367-მა გოგონამ მე-7-9 კლასში შეწყვიტა სკოლაში სიარული, როგორც წესი, ადრეული ქორწინების და მასთან დაკავშირებული პრობლემების გამო.

„საქართველოს კანონმდებლობით ადამიანი 18 წლამდე არასრულწლოვნად ითვლება და ამიტომაც სწორედ 18 წლიდან იწყება ქორწინების ასაკი. მაგრამ, საქსტატის მონაცემებით, მხოლოდ 2014 წელს, 16-19 წლის ასაკის 3984-მა გოგონამ იქორწინა. საქართველოში ყოველ დღე 4 არასრულწოვანი გოგონა ხდება დედა. ადრეული ქორწინების გამო გოგონები წყვეტენ სწავლას, განათლების მიღებას. სწავლის შეწყვეტა კი აფერხებს პიროვნულ განვითარებას და გოგონებს უკარგავს სამომავლო დასაქმების პერსპექტივას“, – აცხადებენ აქციის ორგანიზატორები.

კამპანიის ფარგლებში მომზადდა ვიდეორგოლიც.



"ბავშვები თამაშობენ. ბავშვები სწავლობენ. ზოგჯერ ბავშვები ნაადრევად ქორწინდებიან უფროსებზე. საქართველოში ყოველდღე 12 არასრულწლოვან გოგონას ათხოვებენ. გოგონები გათხოვების შემდეგ წყვეტენ სწავლას. მათ არ აქვთ პროფესია და კარიერა. საქართველოში ყოველდღე 4 არასრულწლოვანი გოგონა ხდება დედა. გოგონები მზად არ არიან ორსულობისთვის. არასრულწლოვნებში მაღალია დედათა და ჩვილთა სიკვდილიანობა. ადრეული ქორწინება გოგონებზე ძალადობაა. ნუ გაათხოვებ!" – ისმის რგოლში.

[ნინო ნარიმანიშვილი, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

‘ნუ გაათხოვებ’ –  ახალციხეში ნაადრევი ქორწინება გააპროტესტეს
სამცხე-ჯავახეთი ნაადრევი ქორწინების წინააღმდეგ დაწყებულ კამპანიას უერთდება
გამოკითხვა: ახალციხელები ადრეული ქორწინების შესახებ [Video]
ახალგაზრდული პროექტი ადრეული ქორწინების პრევენციისთვის
ოჯახი, სკოლის ნაცვლად [ინფოგრაფიკა]
ადრეული ქორწინების პრევენცია – კონკურსი ახალგაზრდებისთვის [R]
სტენსილები ახალციხის ქუჩებში [Photo]