სამხრეთის კარიბჭე. FM97.5 / LIVE

ახალციხის მერისა და საკრებულოს დეპუტატების ანგარიში მოსახლეობას

მთავარიპოლიტიკა 31.10.2015
ქალაქ ახალციხის მუნიციპალიტეტის საკრებულოს დეპუტატებმა და ქალაქის მერმა ამომრჩევლებს ერთწლიანი მუშაობის ანგარიში წარუდგინეს.

ახალციხის მერისა და საკრებულოს დეპუტატების ანგარიში მოსახლეობას

ანგარიშის წარდგენისას მერიც და დეპუტატებიც, 2014 წლის ადგილობრივი თვითმმართველობის არჩევნების შემდეგ განხორციელებულ პროექტებსა და შესრულებულ სამუშაოებზე საუბრობდნენ.

ახალციხის მერმა გიორგი კოპაძემ ყურადღება გაამახვილა 2014 წლის 15 ივნისიდან დღემდე ქალაქში განხორციელებულ ინფრასტრუქტულ პროექტებზე, განათლებისა და სოციალურ პროგრამებზე.

„ეს იყო ანგარიში ყველა სფეროში გაწეული საქმიანობის შესახებ, ასევე გავაცანით მოსახლეობას მერიისა და საკრებულოს მუშაობის სტრუქტურა, ბევრმა ადამიანმა არ იცის რა კეთდება“, – განაცხადა გიორგი კოპაძემ.

ქალაქ ახალციხის მუნიციპალიტეტის საკრებულოს დეპუტატმა „ერთიანი ნაციონალური მოძრაობიდან“ მერიას მუშაობის ტემპი დაუწუნა. მალხაზ გიქოშვილის რეპლიკას დარბაზში ხმაური მოჰყვა.

ახალციხის მერისა და საკრებულოს დეპუტატების ანგარიში მოსახლეობას „მე ყოველთვის მაქვს პრეტენზია ტემპზე, ყველაფერი უნდა გაკეთდეს დროულად და არ უნდა გაიწელოს საქმე. აქცენტი ადმინისტრაციულ შენობაზე გავაკეთე, რადგან ჩვენ დღეს ფაქტობრივად მუშაობის საშუალება არ გავქვს. წელიწადნახევარია რაიკომის ყოფილ შენობას არემონტებენ და დღესაც არ დაუსრულებიათ“, – განაცხადა მალხაზ გიქოშვილმა.

შეხვედრას ადგილობრივები ესწრებოდნენ, რომლებმაც ძირითადად მერიის მიერ შესრულებულ სამუშაოებზე ისაუბრეს და ადგილობრივ თვითმმართველობას მადლობა გადაუხადეს. თუმცა, აღნიშნეს, რომ პრობლემები კიდევ არსებობს.

ახალციხის მერისა და საკრებულოს დეპუტატების ანგარიში მოსახლეობას თამარაშვილის ქუჩაზე, ეგრეთ წოდებული რვასართულიანი კორპუსის მაცხოვრებელმა ქალაქის მერს შენობის ფასადის გალამაზება და ლიფტის შეკეთება სთხოვა. გიორგი კოპაძემ აღნიშნა, რომ ლიფტზე მუშაობა არ დაუწყიათ, თუმცა აღნიშნული საკითხით დაინტერესდებიან. რაც შეეხება შენობის ფასადს, რვასართულიანის ფასადი, სხვა შენობებთან ერთად, მომავალ წელს აუცილებლად გაკეთდება.

ქალაქ ახალციხის მუნიციპალიტეტის საკრებულოს თავმჯდომარის მოვალეობის შემსრულებლის თამარ გოგოლაძის თქმით, საკრებულოს დეპუტატები მოსახლეობასთან შეხვედრებს მომავალშიც გამართავენ. დღევანდელი შეხვედრის შესახებ კი მათ ინფორმაცია საკრებულოს დეპუტატებმა მიაწოდეს. ასევე საკრებულომ ინფორმაცია ინტერნეტის საშუალებითაც გაავრცელა. შესაბამისად შეხვედრაზე დასწრების უფლება ყველა მსურველს ჰქონდა.

„საკრებულოს წევრს წლიწადში ერთხელ ანგარიშის წარდგენა ევალება. შეიძლებოდა, რომ ამ ფორმით არ შევხვედროდი ამომრჩევლებს და წერილობით გამოგვექვეყნებინა ანგარიში. მაგრამ ვარჩიეთ, რომ ერთად წარვმდგარიყავით და ერთად გვესაუბრა ამ სამუშაოებზე“, – ამბობს თამარ გოგოლაძე.

ქალაქ ახალციხის მუნიციპალიტეტის საკრებულოში განმარტავენ, რომ დეპუტატების მიერ მომზადებული ანგარიში ათი დღის ვადაში მერიის ვებ–გვერდზე აიტვირთება.

შეგახსენებთ, ანგარიშის წარდგენას არ დასწრებია „გაერთიანებული დემოკრატიული მოძრაობის“ დეპუტატი ჯიმშერ გოგოლაური.

„საკრებულოს უნდა წარედგინა ანგარიში და არა კოპაძეს. დარბაზში რომ შევედი, რამდენიმე წუთი გავჩერდი, კოპაძე რაღაც ზღაპრებს ყვებოდა. გარემოცვასაც გადავხედე, იყვნენ ის ადამიანები, რომლებსაც სამსახურები აქვთ, ან მათი ნათესავები არიან. ამიტომ ავდექი და გამოვედი“, – ამბობს ჯიმშერ გოგოლაური, რომელმაც დარბაზი ანგარიშის წარდგენის დაწყებიდან მალევე დატოვა.

[თამარ თოთაძე, ახალციხე]


21.09.2017 ახალციხის საავადმყოფოდან ყველა ბავშვი გაწერეს

20.09.2017 სოფელ აბასთუმნის სკოლის ყოფილი შენობაზე დავა გრძელდება

20.09.2017 ახალციხის პირველ სკოლაში სარემონტო სამუშაოები განახლდა

18.09.2017 ახალციხის საავადმყოფოში 40–მდე ბავშვი შეიყვანეს – ბაღებში ეპიდკვლევა დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.09.2017 ხანძრის ოთხი კერა ახალციხეში [Photo]

21.09.2017 ახალციხის საავადმყოფოდან ყველა ბავშვი გაწერეს

21.09.2017 აწყვიტაში ეკლესიის გალავნის მშენებლობა დასრულდა

21.09.2017 დღეს ახალციხეში, მწვანე ბარათის გათამაშებაზე, აშშ-ის საელჩო საინფორმაციო შეხვედრას გამართავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

ჯიმშერ გოგოლაური: შეხვედრაზე ქალაქის მერის ზღაპრების მოსასმენად არ მივსულვარ
ახალციხის დეპუტატებმა მოსახლეობას 1 ნოემბრამდე ანგარიში უნდა ჩააბარონ
ახალციხის მუნიციპალიტეტის საკრებულოს თავმჯდომარემ დეპუტატებს ანგარიში წარუდგინა
ბიუჯეტის კვარტალური შესრულების ანგარიში უმცირესობის პროტესტის ფონზე
ჯიმშერ გოგოლაური: საკრებულოს თანამშრომლების ხელფასი უნდა განახევრდეს
უმცირესობამ საკრებულოს სხდომა პროტესტის ნიშნად დატოვა
ჯიმშერ გოგოლაური ახალციხის მერიას საშტატო განრიგს უწუნებს