FM97.5 / LIVE

შშმ ძმის ერთადერთ მომვლელს სოციალური დახმარება მოუხსნეს

მთავარისაზოგადოება 02.10.2015
ვარხანში მცხოვრებ გორგოძეებს სოციალური დახმარება მოეხსნათ. უკიდურესად გაჭირვებული ოჯახი, რომელიც ავარიულ ხის სახლში ცხოვრობს, უსახსროდ დარჩა.

შშმ ძმის ერთადერთ მომვლელს სოციალური დახმარება მოუხსნეს

ადიგენის მუნიციპალიტეტის სოფელ ვარხანში მცხოვრები დალი გორგოძე ავარიულ სახლში, შეზღუდული შესაძლებლობების მქონე ძმასთან ერთად ცხოვრობს. ოჯახი წლების განმავლობაში იღებდა სოციალურ დახმარებას, ორი თვის წინ კი იმ მოტივით შეუწყვიტეს, რომ ახალი მეთოდოლოგიით გადაემოწმებინათ.

სოციალური დახმარების გაცემის წესში შესული ცვლილებების მიხედვით, საარსებო შემწეობას ის ოჯახი მიიღებს, ვისი სარეიტინგო ქულაც 65 ათასზე დაბალია. გორგოძეების ქულამ 74.170 შეადგინა, მაშინ, როდესაც ოჯახში არაფერი შეცვლილა. შესაბამისად, გორგოძეებს დახმარება მოუხსნეს.

დალი გორგოძის ერთადერთ შემოსავლად, ამ ეტაპზე ძმის ყოველთვიური დახმარება 100 ლარი რჩება. ოჯახს თანხა მედიკამენტების შესაძენადაც არ ჰყოფნის.

სოციალური მომსახურების ადიგენის რაიონული განყოფილების უფროსის პეტრე აფრიამაშვილის განმარტებით, გორგოძეებს დახმარების დანიშვნის მოთხოვნით განცხადების დაწერა ერთი წლის შემდეგ შეუძლიათ. განცხადების დაწერა შესაძლებელია იმ შემთხვევაშიც, თუ ოჯახის წევრს დაუდგინდა შშმ სტატუსი, ან წევრის დემოგრაფიული ცვლილება მოხდა, ან შეიცვალეს საცხოვრებელი ადგილი.

პეტრე აფრიამაშვილის განმარტებით, ძმა რომ შშმ პირი ჰყავს, დალი გორგოძეს დეკლარაციაში მითითებული აქვს, თუმცა მუდმივად რომ საჭიროებს მკურნალობასა და ამბულატორიულ მომსახურებას, ეს არსად აქვს აღნიშნული.

მისივე თქმით, ბენეფიციარს შეუძლია დეკლარაციის შევსებიდან 90 დღის განმავლობაში ფორმა 100 წარადგინოს, თუმცა ამით შეიცვლება თუ არა სარეიტინგო ქულა, ამის თქმა ძნელია.

„როდესაც მოქალაქეს აქვს შშმ პირის სტატუსი მინიჭებული და დეკლარაციაშია დაფიქსირებული, ამ შემთხვევაში გაწეული აქვს მაქსიმალური შეღავათი. ზოგჯერ ფორმა 100, როდესაც საქმე ეხება შშმ პირის სარეიტინგო ქულას, აღარაფერს ნიშნავს. მაგრამ მას აქვს უფლება აღნიშნული დოკუმენტი მოიტანოს. დეკლარაციის შევსებიდან 90 დღეში და ამის შემდეგაც“, – განმარტავს პეტრე აფრიამაშვილი.

ოჯახებს ახალი მეთოდოლოგიით მიმდინარე წლის ივნისიდან ამოწმებენ. თუ აქამდე დახმარება 57.000 ქულაზე გაიცემოდა, ახლა ამ ციფრმა 65.000–მდე აიწია. მართალია ქულათა რაოდენობა გაიზარდა, თუმცა, სხვაგვარად ნაწილდება თანხები, – რაც უფრო მაღალია ქულა, მით უფრო ნაკლებია დახმარების ოდენობა.

0–დან 30.000–მდე ქულის მქონე ოჯახის თითო წევრს 60 ლარი ეკუთვნის; 30.000–დან 57.000–მდე ქულის შემთხევაში – 50 ლარი გაიცემა; 57.000– დან 60.000–მდე – 40 ლარი; 60.000 – დან 65.000–მდე კი 30 ლარი; გარდა ამ თანხებისა, ყველა ამ შემთხვევაში, დამატებით 10 ლარი ერიცხება ოჯახის 16 წლამდე ასაკის წევრს.

ის ოჯახები კი რომელთა სარეიტინგო ქულა 65.000–დან 100.000–მდეა საარსებო შემწეობას ვერ იღებენ, თუმცა 10 ლარი, 16 წლამდე ასაკის წევრზე, მათაც ერიცხებათ.

სწორედ აღნიშნულმა ცვლილებებმა გამოიწვია ის, რომ ბევრი სოციალურად დაუცველი ოჯახი, ვინც ადრე შემწეობით სარგებლობდა, ახლა თანხას ან ვეღარ იღებს, ან შედარებით ნაკლებს.

შეგახსენებთ, გორგოძეების ოჯახის შესახებ "სამხრეთის კარიბჭემ" სიუჟეტი გასულ კვირას მოამზადა. სიუჟეტში დალი გორგოძე სწორედ დახმარების საჭიროებაზე საუბრობს.

[თინათინ ზაზაძე, ადიგენი]


01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.06.2020 ‘გაუშვეს რატომღაც ერთი ტესტის საფუძველზე, მეორე იყო სუსტად დადებითი’ - გამყრელიძე ნინოწმინდელ კაცზე

03.06.2020 ‘ეს არ არის დადასტურებული’ - მარინა ეზუგბაია ნინოწმინდის შემთხვევაზე

03.06.2020 300-ზე მეტი ფერმერი სასოფლო-სამეურნეო ტექნიკას თანადაფინანსებით შეიძენს

03.06.2020 ‘კარანტინიდან დაბრუნებულ კაცს დაახლოებით 100 ადამიანთან ჰქონდა კონტაქტი’ – მერის წარმომადგენელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სამცხე–ჯავახეთში სოციალური დახმარება 405 ოჯახს  შეუწყდა
COVID-19: რამდენ ლარს მიიღებენ სოციალურად დაუცველი ოჯახები
ვარხანში სოციალურად დაუცველ ოჯახს დახმარება მოუხსნეს[Video]
ვინ მიიღებს 600 ლარიან დახმარებას
ოჯახს, რომელიც პროტესტის ნიშნად შვილს სააგენტოში ტოვებდა, დახმარება არ ექნება

სოციალურად დაუცველი ოჯახი პროტესტის ნიშნად შვილს სოც.სამსახურში ტოვებს