FM97.5 / LIVE

‘თუ მერთან მოქალაქეების მისაცილებელ შტატებს ამატებთ, ეს ბიუჯეტის ფლანგვაა’ – ხმაური საკრებულოში შტატების დამატების გამო

მთავარიპოლიტიკა 07.09.2015
შტატები მოქალაქეების მერამდე მისაცილებლად თუ არასაკმარისი კადრები საქმის საკეთებლად. რატომ იქნება სასაცილო საორგანიზაციო განყოფილებაში, მერიის ახალ შენობაში გადასვლამდე, შტატის დამატება და რატომ მოანდომა ყველაზე მეტი დრო საკრებულომ სხდომაზე ამ საკითხის განხილვას;

‘თუ მერთან მოქალაქეების მისაცილებელ შტატებს ამატებთ, ეს ბიუჯეტის ფლანგვაა’ – ხმაური საკრებულოში შტატების დამატების გამო

ახალციხის მერია ორ შტატს ამატებს. ერთს ჯანდაცვისა და სოციალური უზრუნველყოფის სამსახურში, ჯანდაცვის განყოფილებაში და მეორეს საორგანიზაციო განყოფილებაში, მატერიალურ–ტექნიკური საკითხების სპეციალისტს.

„ამ საკითხის განხილვას ბიუროს სხდომაზე ხმაური მოყვა. ახლა საკრებულოს სხდომაზე დაგვისაბუთონ, რატომ არის საჭირო ორი შტატის დამატება“, – განაცხადა ქალაქის საკრებულოს რიგით მე–14 სხდომაზე უმცირესობის წარმომადგენელმა და იურიდიული კომისიის თავმჯდომარემ შალვა გოგოლაძემ.

დასაბუთება ერთ–ერთი შტატის დამატების ინიციატორმა და მერიის ადმინისტრაციული სამსახურის უფროსმა ნინო მიქაბერიძემ სცადა: „ჯანდაცვაში შტატის დამატების საკითხი ამავე განყოფილების უფროსის მომართვის შემდეგ გადავწყვიტეთ. ძალიან ბევრი განცხადება შემოდის, დაგვემატა ახალი პროგრამებიც და ორი ადამიანი, განყოფილების უფროსი და სპეციალისტი ფიზიკურად ამ ყველაფერს ვეღარ აუდის. დოკუმენტებს დახარისხება სჭირდება, შემდგომ კომისიის მოწვევაა საჭირო, ეს ყველაფერი დროში იწელება“.

მიქაბერიძის განცხადებითვე, მატერიალური უზრუნველყოფის საკითხებში სპეციალისტის დამატება პირადად მისი ინიციატივაა: „აქ ერთი სპეციალისტია, არადა ბევრი ფუნქცია აკისრია, ეს არის ტექნიკის, ავეჯის, მანქანების, საკანცელარიო ნივთების მოლვა–შენახვა. ახლა, ვიდრე ერთ შენობაში, გამგეობასთან ერთად ვმუშაობთ და მერიის სპეციალისტთან ერთად ამ ყველაფერზე გამგეობის მეორე სპეციალისტიც ზრუნავს, მის საჭიროებას იმდენად ვერ ვგრძნობთ, მაგრამ როგორც კი ახალ შენობაშიგადავალთ, ეს უფრო საჭირო გახდება“.

საკრებულოს უმცირესობამ შტატების დამატების საკითხი გააპროტესტა. „ნაციონალური მოძრაობის წარმომადგენლის“ მალხაზ გიქოშვილის განცხადებით, მერიაში შტატები გაბერილია. მერიას კადრების დამატება კი არა, მინიმუმ ათი შტატის შემცირება სჭირდება: „ძალიან ბევრი უმაქნისი გვყავს და არაფერს აკეთებენ, თავისი ფუნქციაც კი არ იციან. რომ ჰკითხო რისი გაკეთება გავალიაო, გეტყვიან რომ მოქალაქეებს ეხმარებიან, მაგრამ რაში კონკრეტულად ვერ გეტყვიან. თუ მერთან მოქალაქეების მისაცილებელ შტატებს ამატებთ, ეს ბიუჯეტის ფლანგვაა“.

თუ მერიაში ისეთი ადამიანები მუშაობენ, რომლებიც დაკისრებულ მოვალეობას თავს ვერ ართმევენ, დაკავებული თანამდებობებიდან რომ უნდა გათავისუფლდნენ, ამაზე გიქოშვილს საკრებულოს წევრი უმრავლესობიდან მამუკა მიქელაძეც დაემოწმა: „თუ ვინმე ვერ ასრულებს მასზე დაკისრებულ მოვალეობას და ამაზე მოქალაქეების საჩივრებიც შემოვა, დავაყენოთ მისი გათავისუფლების საკითხი მერთან, საქმეს რატომ ვაფუჭებინებთ?! ბიუჯეტის ფული მხოლოდ ხელფასებში არ უნდა წავიდეს“.

შალვა გოგოლაძე, რომლისთვისაც შტატების დამატების არგუმენტი არც თუ ისე საფუძვლიანია, დაინტერესდა, თუ რა დრო დასჭირდება პროცედურების გავლას ახალი კადრების დასანიშნად.

„როგორც კი გადმოიგზავნება საკრებულოდან დამტკიცებული საშტატო ნუსხა, უფლება მექნება დავნიშნო დროებით მოვალეობის შემსრულებელი კონკურსის წესით შევსებამდე“, – განარტა სხდომაზე მიქაბერიძემ.

„დავუშვათ საშტატო ნუსხა მოვიწონეთ, მაგერამ ახალ შენობაში ნოემბრის ბოლომდე ვერ გადავდივართ, მატერიალური უზრუნველყოფის საკითხებში სპეციალისტის დამატება მანამდე ხომ სასაცილო იქნება?!“ – იკითხა გოგოლაძემ.

„რატომ?! მანამდე შენობას შეეჩვევა, ხელფასს აიღებს“, – უპასუხა გოგოლაძეს დეპუტატმა „ნაციონალური მოძრაობიდან“ ზურა სადათიერაშვილმა.

„ალბათ სწორი იქნება რომ კონკურსი გამოცხადდეს და ეს შტატები კონკურსის წესით შეივსოს, თორემ მოვალეობის შემსრულებლებს თუ დავნიშნავთ ასე მართლა სასაცილოები ვიქნებით“, – განაცხადა გოგოლაძემ.

მიქაბერიძემ კი განმარტა, რომ მერიას კანონით 79 შტატის ქონის უფლება აქვს, ამჟამად ბრძანებით 67 თანამშრომელია და მხოლოდ ორი ემატება.
მიუხედავად სხდომაზე დაფიქსირებული აზრთა სხვადასხვაობისა, გარდა „ნაციონალური მოძრაობის“ წევრებისა, საშტატო ნუსხაში ცვლილებას მხარი ყველამ ერთხმად დაუჭირა.

[თამუნა უჩიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 სეს-მა ახალციხეში მუსლიმური სკოლა-პანსიონი დააჯარიმა

18.11.2019 'პოლიციამ გამოიჩინა პროფესიონალიზმი და იმოქმედა კვალიფიციურად'– კახა კალაძე

18.11.2019 პარლამენტთან აქციის დაშლის შემდეგ საავადმყოფოში სამი პირი გადაიყვანეს

18.11.2019 არასამთავრობო ორგანიზაციების საგანგებო განცხადება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხის მუნიციპალიტეტის გამგეობაში სამ შტატს ამატებენ
‘ყავის მომდუღებლების შტატებს ამატებთ?’– ხმაურიანი სხდომა ახალციხის მუნიციპალიტეტის საკრებულოში
ახალციხის მერია ხელშეკრულებით ორ თანამშრომელს აიყვანს
უმცირესობის წინააღმდეგობის მიუხედავად, ახალციხის მერიას შტატები და სამსახურები დაემატა
ახალციხის მერია შტატებს ამატებს
სტატისტიკოსი - თვითმმართველობაში ახალ შტატს ამატებენ
ენმ ახალციხე:  ‘ოცნებამ’ გადაწყვიტა უკმაყოფილო აქტივისტები და ახლობლები დაასაქმოს’