FM97.5 / LIVE

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტი

მთავარიეკონომიკა 17.08.2015
ახალციხის ინფრასტრუქტურის სამსახურის უფროსისთვის სახლამდე, დანარჩენ ჩიხებში კი სანახევროდ დაგებული ასფალტი. გურამიშვილის ქუჩაზე ასფალტის ჩიხებში და თანაც, ხარისხიანად დაგებას ითხოვენ. გელვასი გელაძე, კი ვის სახლთანაც ასფალტიან გზას მივყავართ, ჯიუტად დუმს.

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტი

ახალციხეში, რაბათის უბანში, გურამიშვილის ქუჩაზე დღეს დილიდან ხმაური იყო. ადგილობრივებმა დასახლებაში მიმდინარე სამუშაოების ხარისხი და დაპროექტება გააპროტესტეს.

მოსახლეობა ამბობს, რომ გუშინ, 16 ივლისს მოვარდნილმა ძლიერმა წვიმამ ახალდაგებული ასფალტის საფარის ნაწილი დახეთქა და წყალი ეზოებში შეუვარდათ. მიზეზი კი ისაა, რომ ქუჩაზე სანიაღვრე არხი ყველგან არაა. გარდა ამისა, ასფალტი ყველა ჩიხში არ იგება.

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტი „ვთხოვე ასფალტის დახრა გზის მხარეს გაეკეთებინათ, რომ წყალი ეზოში არ შემომსვლოდა, თუმცა უარი მითხრეს, მეტიც, მუშები იერიშით წამოვიდნენ ჩემსკენ“, – ამბობს გურამიშვილის ქუჩაზე მცხოვრები გულიკო აიწურაძე.

გურამიშვილის ქუჩის 45–ე , 46–ე და 47–ე ჩიხის მაცხოვრებლებს ასფალტის საფარი სანახევროდ დაუგეს. როგორც თვითონ ამბობენ, ხათრით, რადგან ჩიხებში ასფალტის დაგება პროექტით გათვალისწინებული არ არის.

„ამ ჩიხში ხუთი ოჯახი ვცხოვრობთ. აქ, მარტო არჩევნების დროს მოდიან, თორემ ისე არასდროს. გუშინ ნიაღვარი მოვარდა, ტალახი და წყალი ეზოში შემოგვივარდა, დღეს მერიაში მივედი, ვთხოვე დაგველაპარაკეთ–მეთქი, მაგრამ მითხრეს, თქვენი ჩიხი პროექტში არ არის, რა ასფალტიც დაიგო, ეგეც ხათრით გაგიკეთეთო. ამ ქვეყანაში ხათრით ვიცხოვროთ?“– გაოცებას ვერ მალავს გაგი პარუნაშვილი.

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტი გურამიშვილის ქუჩის მცხოვრებლებს დღეს „ერთიანი დემოკრატიული მოძრაობის“ სამცხე–ჯავახეთის კოორდინატორი ჯიმშერ გოგოლაური შეხვდა.

„ამ ასფალტზე რომ დაათოვს, მთლიანად დასკდება“, – ამბობს გოგოლაური და ამატებს, რომ მაშინ, როცა ფინანსების სიმწირის გამო ჩიხების პროექტში არმოხვედრაზე საუბრობენ, საინტერესოა ის ფაქტი, რომ იქ სადაც ახალციხის მერიის ინფრასტრუქტურის სამსახურის უფროსი გელვასი გელაძე ცხოვრობს, ასფალტის საფარი სახლამდე მიდის: „თუ შენ სახლამდე მიგყავს ასფალტი, მაშინ მეზობლებსაც გაუკეთე. თუ ჩიხებს არ უასფალტებენ, მაშინ თავის ჩიხში რატომ მოიასფალტა?“

გელვასი გელაძე ამ საკითხთან დაკავშირებით დუმს: „რომ დასრულდება, მერე ვილაპარაკოთ“.

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტიახალციხის მერის წარმომადგენელი დავით სამსონიძე კი ირწმუნება, რომ პროექტით რა სამუშაოებიც არის გათვალისწინებული, ყველაფერი გაკეთდება: „მე ყოველდღე დავდივარ გურამიშვილის მოსახლეობასთან და ყველა კმაყოფილია. რაც შეეხება სანიაღვრე არხებს, ქუჩის რაღაც ნაწილში არ მოხერხდა გაკეთება“.

შეგახსენებთ, გოგებაშვილის, თაყაიშვილის, მიქუტიშვილისა და გურამიშვილის ქუჩებზე ასფალტის საფარს აგებენ. სამუშაოებს შპს „არალი“ ასრულებს. პროექტები, რეგიონებში განსახორციელებელი პროექტების ფონდიდან, 380 ათასი ლარით ფინანსდება.

სამუშაოები ორ ეტაპად იყოფა, პირველი ეტაპი 2015 წელს დასრულდება, მეორე ეტაპი კი 2016 წლისთვისაა დაგეგმილი.

ხალხისთვის ხათრით და სანახევროდ, ინფრასტრუქტურის სამსახურის უფროსისთვის კი სახლამდე დაგებული ასფალტი
გელვასი გელაძის სახლამდე მისასვლელი გზა

[ვარლამ წიკლაური, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ახალციხის მერია ქალაქში მიმდინარე სარეაბილიტაციო სამუშაოებს გაეცნო
გზა ყველას, ორი ოჯახის გარდა – უკმაყოფილება ხმალაძის ქუჩაზე
ზარზმელის ქუჩაზე ასფალტს აგებენ
გუბერნატორმა და მერმა ახალციხეში მიმდინარე ინფრასტრუქტურული სამუშაოები მოინახულეს
ზარზმელის 51–ე კორპუსის 51 მცხოვრები მერიას გზის გაფართოების მოთხოვნით მიმართავს
ახალციხეში გვარამაძის ქუჩის რეაბილიტაცია სრულდება
წვიმამ განსაკუთრებით სამი ქუჩა დააზარალა