FM97.5 / LIVE

ავტოსადგური თუ ავტოსადგომი – რა შენდება ყოფილი ღვინის ქარხნის ტერიტორიაზე

მთავარიეკონომიკა 13.08.2015
ადგილზე, სადაც ნებართვა ავტოსადგომის მშენებლობისთვის გაიცა, ავტოსადგური შენდება; რატომ შეჩერდა ყოფილი ღვინის ქარხნის ტერიტორიაზე სამშენებლო სამუშაოები;

ავტოსადგური თუ ავტოსადგომი – რა შენდება ყოფილი ღვინის  ქარხნის ტერიტორიაზე
ახალციხეში, კოსტავას N3–ში, ყოფილი ღვინის ქარხნის ტერიტორიაზე მიწა უკვე მოსწორებულია. აქ ავტოსადგომის მშენებლობისთვის ახალციხის მერიამ ნებართვა 2015 წლის 16 მარტს გასცა.

მიუხედავად იმისა, რომ მერიასთან (ბრძანება N 202) ავტოსადგომის მოწყობის მშენებლობის პროექტია შეთანხმებული, შპს „პროფესიონალის“ დირექტორის მოადგილის აშოტ ფადარაშვილი ირწმუნება, რომ აქ ავტოსადგური შენდება.

„მანდ შენდება ავტოსადგური და არა ავტოსადგომი, გვექნება გმზავრების მოსასვენებელი ადგილი, სალარო, სადისპეჩერო, სამედიცინო პუნქტი, საპირფარეშო. ყველაფერი მაღალ დონეზე იქნება მოწყობილი“, – ამბობს ფადარაშვილი.

რაც შეეხება მშენებლობის ნებართვას, ამბობს რომ ეს საკითხი მას არ ეხება.

„ტერიტროია სანდროშვილებს ეკუთვნით, მიღებულია თუ არა მშენებლობის ნებართვა ზუსტად არ ვიცი, ამ საკითხებს თავად არკვევენ“, – ამბობს ფადარაშვილი და ამატებს – „მერიაში გვთხოვეს რომ მშენებლობა დროებით შეგვეჩერებინა, მეორე სადგური გვიჩივის. ამიტომ გვითხრეს, რომ დროებით გავჩერებულიყავით“.

ამ დროისთვის რომ სამშენებლო სამუშაოები შეჩერებული აქვთ, ყოფილი ღვინის ქარხნის მეპატრონე ლაშა სანდროშვილიც გვიდასტურებს. სანდროშვილი იმასაც გვიდასტურებს, რომ აქ სადგურს და არა სადგომს აშენებენ.

„სადგურს ავაშენებთ და მერე მივაქირავებთ „პროფესიონალს“, ჯერ მათთან ხელშეკრულება გაფორმებული არ გვაქვს, მაგრამ მშენებლობის შეჩერება მერიას არ უთხოვია, მათგან მიწის საკუთრებასთან დაკავშირებით რაღაც საბუთებზე პასუხებს ველოდებით. მიწის მცირე ნაწილი გვაქვს დასამტკიცებელი“, – გვიხსნის სანდროშვილი.

მიუხედავად სანდროშვილის განცხადებისა, მშენებლობის დროებით შეჩერების მიზეზს ახალციხის მერიაში სხვაგვარად ხსნიან.

„ჩვენ ნებართვა გაცემული გვაქვს ავტოსადგომის მშენებლობაზე, აქ კი სადგურს აშენებენ, ამიტომ ველოდებით რომ აქ სადგურის მშენებლობის ნებართვა მოიტანონ“, – ამბობს ახალციხის მერის მოადგილე ზაზა გელაძე.

ავტოსადგურის მშენებლობისთვის რომ ნებართვა მიღებული არ აქვთ, ამაზე სანდროშვილიც საუბრობს: „ავტოსადგურის მშენებლობისთვის ნებართვას მერია ვერ გასცემს, როგორც ვიცი სახმელეთო ტრანსპორტის სააგენტოდან ლიცენზია უნდა მივიღოთ“.

სახმელეთო ტრანსპორტის სააგენტოში კი აცხადებენ, რომ მშენებლობის ნებართვის გაცემა ადგილობრივი თვითმმართველობის პრეროგატივაა და კანონით ცალკე სადგურების მშენებლობისთვის ნებართვის გაცემა არ რეგულირდება.

„ადგილობრივი თვითმმართველობის პრეროგატივაა თუ რაზე გასცა მან ნებართვა, ვისია ის ადგილი და რა შენდება იქ“, – ამბობს სახმელეთო ტრანსპორტის სააგენტოს სამგზავრო გადაყვანების სამმართველოს უფროსი ალექსანდრე იანვარაშვილი.

საიას იურისტის ნიკა სიმონიშვილის განცხადებით, სამშენებლო პროექტიდან გადახვევის შემთხვევაში ზედამხედველობის სამსახურის მიერ კანონდამრღვევი უნდა დაჯარიმდეს.

„ეს სამართალდარღვევაა. უნებართვო მშნეებლობის ან რეკონსტრუქციის წარმოებისთვის ჯარიმა 8 000 ლარია“, – ამბობს სიმონიშვილი.

[თამუნა უჩიძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.11.2019 მესხეთის თეატრში სპექტაკლი 'თუ ხვალინდელი დღე არ დადგება' გაიმართება

11.11.2019 ვინ გახდნენ ადიგენის საპატიო მოქალაქეები

11.11.2019 ადიგენში ‘ზარზმობის’ დღესასწაულს აღნიშნავენ [ფოტო/ვიდეო]

11.11.2019 შსს-მ ფილმში 'და ჩვენ ვიცეკვეთ' პორნოგრაფია ვერ აღმოაჩინა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

შპს „პროფესიონალი“: ‘ცენტრალურმა ავტოსადგურმა თავის პირობებს გადახედოს’
განათლების სამინისტრომ ზაკის სკოლას საქვაბის მშენებლობის ნებართვა მისცა
სამგზავრო გადაყვანების სააგენტო: „კანონი ისეთი ლიბერალურია, სადგურის მოწყობას მფარველი არ სჭირდება“
შპს ‘ჯეოტივი’: მეორე სადგურს მფარველი რომ არ ჰყავდეს, ვერ იმუშავებდა
ახალციხეში მოქმედი ავტოსადგურების დარღვევები და ჯარიმები
მშენებლობა სამშენებლო ნებართვის გარეშე
ვანის ქვაბებში კედლის ამოშენებაზე ნებართვა 2012 წელს გაიცა