FM97.5 / LIVE

ახალქალაქში საწყისი საბრძოლო მომზადების ცენტრს ზაზა ფერაძის სახელი მიენიჭა

მთავარისაზოგადოება 11.08.2015
ახალქალაქის საწყისი საბრძოლო მომზადების ცენტრს 2008 წელს, რუსეთ-საქართველოს ომში დაღუპული ქართველი სერჟანტის, ზაზა ფერაძის სახელი მიენიჭა. საზეიმო ღონისძიებას, რომელიც გუშინ,10 აგვისტოს გაიმართა, თავდაცვის მინისტრი თინათინ ხიდაშელი დაესწრო.

ახალქალაქში საწყისი საბრძოლო მომზადების ცენტრს  ზაზა ფერაძის სახელი მიენიჭა
ღონისძიების საზეიმო ცერემონიალი სასწავლო ცენტრის ახლად აშენებული შტაბის შენობის წინ გაიმართა.

„ვფიქრობ, ახალქალაქი ერთ-ერთი მნიშვნელოვანი გეოგრაფიული ადგილი უნდა იყოს საქართველოს შეიარაღებული ძალებისთვის. აქ სრულფასოვანი სასწავლო ცენტრის დაფუძნება, დამკვიდრება და საქმიანობის დაწყება ძალიან ბევრი მიზეზის გამო არის საინტერესო. ბევრი პროექტის განხორციელებას შეუწყობს ხელს და მნიშვნელოვან წვლილს შეიტანს ქვეყანაში მიმდინარე ინტეგრაციულ პროცესში. ცენტრის გახსნა მინდა მივულოცო ჩვენს შეიარაღებულ ძალებს, პირველ რიგში, განათლების სარდლობას. გაზაფხულზე ცენტრი სრულფასოვნად ამოქმედდება და ყველანი ერთად ჩამოვალთ კურსანტებთან შესახვედრად“, - განაცხადა თინათინ ხიდაშელმა.

ღონისძიებას შეიარაღებული ძალების გენერალური შტაბის უფროსი, გენერალ მაიორი ვახტანგ კაპანაძე, თავდაცვის მინისტრის მოადგილეები - დავით ებრალიძე და ანა დოლიძე, ახალქალაქისა და კუმურდოს ეპარქიის მღვდელმთავარი, მიტროპოლიტი ნიკოლოზი; სამცხე-ჯავახეთის გუბერნატორი აკაკი მაჭუტაძე, ახალქალაქისა საკრებულოს თავმჯდომარე ჰამლეტ მოვსესიანი, ნინოწმინდის გამგებელი გაგიკ კასრელიანი და ადგილობრივი თვითმმართველობის სხვა წარმომადგენლები დაესწრნენ. ღონისძიებაზე ასევე იმყოფებოდნენ სერჟანტ ზაზა ფერაძის ოჯახის წევრები.

საქართველოს თავდაცვის მინისტრსა და გენერალური შტაბის უფროსს საწყისი საბრძოლო მომზადების ცენტრის ხელმძღვანელობამ სასწავლო გეგმის შესახებ პრეზენტაცია წარუდგინა.

პრეზენტაციის დასრულების შემდეგ თავდაცვის მინისტრმა მშენებარე სასადილო დაათვალიერა და სამუშაოების მიმდინარეობას გაეცნო.
სასადილოს მშენებლობა მიმდინარე წლის ნოემბერში დასრულდება. სამომავლოდ დაგეგმილია ყაზარმისა და საკლასო ოთახების მოწყობაც. სამშენებლო სამუშაოებს „სამშენებლო კომპანია N1“ აწარმოებს.

შეგახსენებთ, რომ 10 აგვისტოს ახალციხეში ტანკისტის პროფესიული დღისადმი მიძღვნილი საზეიმო ღონისძიება ლეიტენანტ შოთა ხურციძის სახელობის ჯავშანსატანკო სასწავლო ცენტრში გაიმართა. თავდაცვის სამნისტროს წარმომადგენლები ახალქალაქში გამგზავრებამდე ახალციხეში იმყოფებოდნენ. საზეიმო ღონისძიებას უნდა დასწრებოდა თინათინ ხიდაშელიც, თუმცა არ დასწრებია. როგორც „სამხრეთის კარიბჭეს“ სამინისტროს პრესსამსახურის წარმომადგენელმა 10 აგვისტოს, დღის ბოლოს განუცხადა, თავდაცვის მინისტრი „ორფოლოს“ პოლიგონზე იმყოფებოდა და ამის შემდეგ პირდაპირ ახალქალაქში გაემგზავრა.

[sknews.ge]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

08.04.2020 ბორჯომში ბაზარი და ხილ–ბოსტნეულის მაღაზიები დაიკეტა

08.04.2020 ‘ოჯახში ძალადობის მსხვერპლთა მომართვიანობა 25%-ით გაიზარდა’ – NGO ახალციხეში

08.04.2020 ქართული წარმოების პირბადეების გაყიდვა იწყება – რა ფასად და სად შეიძენთ

07.04.2020 დაიხურება თუ არა ახალციხის ბაზარი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხეში ტანკისტის დღე თინათინ ხიდაშელის გარეშე იზეიმეს
ახალქალაქში საწყისი საბრძოლო მომზადების ცენტრი შენდება
თავდაცვის მინისტრი თინათინ ხიდაშელი 10 აგვისტოს სამცხე-ჯავახეთს ესტუმრება
ახალციხეში ჯავშანსატანკო სასწავლო ცენტრის კურსდამთავრებულებს დიპლომები გადასცეს
ახალციხეში რეკრუტების საბრძოლო მომზადების კურსის გამოშვების ცერემონია გაიმართა
ჯავშანსატანკო სასწავლო ცენტრის კურსების დასრულების ცერემონიალი ახალციხის ციხეზე [Photo]
ახალციხეში თინა ხიდაშელს ელოდებიან