FM97.5 / LIVE

შეცვლილი გადაწყვეტილება ზურა ხუციშვილის საქმეზე

მთავარისამართალი 13.07.2015
თბილისის სააპელაციო სასამართლომ საპატრულო პოლიციის საჩივარი, რომელიც ყოფილი პოლიტპატიმრის ზურა ხუციშვილის ადმინისტრაციული წესით დაკავებას ეხებოდა, ნაწილობრივ დააკმაყოფილა. თუმცა, მანამდე აღნიშნული გადაწყვეტილების შესახებ სხვა ინფორმაცია ვრცელდებოდა.

შეცვლილი გადაწყვეტილება ზურა ხუციშვილის საქმეზე
თბილისის სააპელაციო სასამართლოს მოსამართლემ თეა თადაშვილმა ზურაბ ხუციშვილის ადმინისტრაციულ საქმეზე ახალციხის რაიონული სასამართლოს გადაწყვეტილება შეცვალა.

ახალციხის რაიონული სასამართლოს მოსამართლის ნათია მერაბიშვილისგან განსხვავებით თადაშვილმა აღნიშნულ საქმეში ზურაბ ხუციშვილი სამართალდამრღვევად მიიჩნია, თუმცა მცირე მნიშვნელობის. ამიტომ სასამართლომ ხუციშვილი ადმინისტრაციული პასუხისმგებლობისგან გაათავისუფლა და მხოლოდ სიტყვიერი შენიშვნით შემოიფარგლა. ამდენად, თადაშვილმა შსს საპატრულო პოლიციის დეპარტამენტის სამცხე–ჯავახეთის მთავარი სამმართველოს საჩივარი ნაწილობრივ დააკმაყოფილა.

„გადაცდომის მცირე მნიშვნელობის გამო უნდა შეწყდეს ზურაბ ხუციშვილის მიმართ აღძრული ადმინსიტრაციული სამართალდარღვევის საქმე“, – ვკითხულობთ თადაშვილის დადგენილებაში, რომელიც მიმდინარე წლის 24 მარტით თარიღდება. თუმცა, მანამდე აღნიშნული გადაწყვეტილების შესახებ, ინფორმაცია სხვაგვარად გავრცელდა.

როგორც მიმდინარე წლის 10 აპრილს, ხუციშვილის ინტერესების დამცველმა ნუგზარ სამარჯიშვილმა „სამხრეთის კარიბჭესთან“ განაცხადა, სააპელაციო სასამართლომ ახალციხის რაიონული სასამართლოს გადაწყვეტილება ძალაში დატოვა.

„მაშინ სააპელაციო სასამართლოში მოსამართლის თანაშემწეს ვესაუბრე და მითხრა, რომ ახალციხის სასამართლოს გადაწყვეტილება ძალაში დატოვეს. საბოლოოდ კი როცა დადგენილება ჩაგვბარდა, აღმოჩნდა რომ ახალციხის რაიონული სასამართლოს გადაწყვეტილება შეცვლილი იყო.
ასე რომ არ ყოფილიყო მე მაშინ არ დამესიზმრებოდა იმის შესახებ, რომ სააპელაციომ რაიონულის გადაწყვიტილება ძალაში დატოვა“, – ამბობს სამარჯიშვილი.

თბილისის სააპელაციო სასამართლოს თეა თადაშვილის თანაშემწე ინგა ახვლედიანი „სამხრეთის კარიბჭესთან“ იმას, რომ აღნიშნული საქმის შესახებ ნამდვილად დაუკავშირდნენ ადასტურებს, თუმცა, ვერ იხსენებს ეს ადვიკატი იყო თუ ადმინისტრაციული ორგანოდან ურეკავდნენ.

„არ ვიცი ვინ მესაუბრა, მაგრამ წავუკითხე იმ დადგენილების ნაწილი მე რაც გადმომეცა“, – ამბობს ახვლედიანი.

კითხვაზე, მაშინ რასთან გვაქვს საქმე, გვპასუხობს: „არ ვიცი ვერაფერს გეტყვით“.

ადვოკატი კი დარწმუნებულია, რომ მოსამართლეზე საპატრულო პოლიციის მხრიდან ზეწოლა განხორციელდა და შესაძლოა, აღნიშნული გადაწყვეტილება მას შემდეგაც შეიცვალა, რაც იგი თადაშვილის თანაშემწეს ესაუბრა: „სამწუხაროდ, არ მაქვს ამ სატელეფონო საუბრის ჩანაწერი, ამიტომ ამის მტკიცება გამიჭირდება“.

აღნიშნულის შესახებ შინაგან საქმეთა სამინისტრო კომენტარს ამ დრომდე არ აკეთებს. მომხდარზე აღარც ხუციშვილი საუბრობს.
სამარჯიშვილი კი სააპელაციო სასამართლოს გადაწყვეტილებას სასაცილოს უწოდებს.

„ამ გადაწყვეტილებით მკვიდრდება პრაქტიკა, რომ პოლიციელთან საუბარი, ისეთი საუბარი როგორიცაა: „გენაცვალე, ამიხსენი რა დავარღვიე“, შესაძლოა სამართალდარღვევად ჩაითვალოს, შემდეგ კი ვიღაცამ გამოიჩინოს კეთილი ნება და 22–ე მუხლით სიტყვიერი გაფრთხილებით შემოიფარგლოს“, – აცხადებს სამარჯიშვილი.

შეგახსენებთ, იმ ვიდეომასალაში, რომელიც „სამხრეთის კარიბჭემ“ გაავრცელა, ზურა ხუციშვილის დაკავების ბრძანება სამცხე–ჯავახეთის საპატრულო პოლიციის მთავარი სამმართველოს უფროსის მოადგილემ და მაშინ უფროსის მოვალეობის შემსრულებელმა დავით მაღრაძემ გასცა: „დაადეთ ბორკილები, ამის ნერვები აღარ მაქვს!“

[თამუნა უჩიძე, ახალციხე]


13.08.2019 რას მოუტანს Erasmus + სამცხე-ჯავახეთის უნივერსიტეტს

13.08.2019 ახალციხელმა თამთა პეტაშვილმა ლიეტუვის სახელმწიფო დაფინანსება მოიპოვა

12.08.2019 ჯილდოს მსურველი პენსიონერი პედაგოგები სკოლაში ახალი კადრის შერჩევამდე დარჩებიან

10.08.2019 ახალციხელი მასწავლებელი დაჯილდოვდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.08.2019 ვინ იმღერებს 'ბორჯომობის' დღესასწაულზე

14.08.2019 დიდ პამაჯში ხანძარი ლიკვიდირებულია [ფოტო/ვიდეო]

14.08.2019 სამცხე-ჯავახეთში რაგბის განვითარების პერსპექტივებზე იმსჯელეს ®

14.08.2019 ბაკურიანში სამი ახალი საბაგირო აშენდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

სააპელაციო სასამართლომ დაადასტურა ზურა ხუციშვილის უკანონოდ დაკავება
უკანონოდ დაკავებული ადვოკატი საპატრულოს მორალური ზიანისთვის 100. 000 დოლარს სთხოვს
სააპელაციო სასამართლომ ვეფხვია ხუციშვილის სარჩელი არ დააკმაყოფილა
საპატრულო პოლიცია ყოფილი პოლიტპატიმრის საქმეს სააპელაციოში ასაჩივრებს
ადვოკატის უკანონოდ დაკავების საქმეს სააპელაციო სასამართლო ზეპირი მოსმენის გარეშე განიხილავს
ახალციხის მერიამ უმცირესობის დეპუტატის საქმეზე გადაწყვეტილება გაასაჩივრა
ყოფილი პოლიტპატიმარი ახალციხეში უკანონოდ დააკავეს [video]