სამხრეთის კარიბჭე. FM97.5 / LIVE

ახალციხის ტბა სეზონს ჩაბნელებული შეხვდა

მთავარისაზოგადოება, მოქალაქე ჟურნალისტები 12.07.2015
ახალციხის ხელოვური ტბა ტურისტულ სეზონს მოშლილი ინფრასტრუქტურითა და ჩაბნელებული გარემოთი შეხვდა. ამ დრომდე არ გახსნილა ტბაზე მდებარე კერძო კაფე, ამფითეატრში კი ამ სეზონზე არაფერი გამართულა.

ახალციხის ტბა სეზონს ჩაბნელებული შეხვდა

ახალციხის ხელოვნურ ტბაზე მდებარე გასართობი კომპლექსი, რომლის მოწყობაზე 2012 წელს 2 მილიონ ლარზე მეტი დაიხარჯა, ჩაბნელებულია და უფუნქციოდაა დარჩენილი. ადგილობრივები და ტურისტები, საღამოს, სიბნელეში სეირნობენ.

გარდა ამისა, დამსვენებლები ტბაზე დაუსუფთავებლობასაც უჩივიან.

„უფრო ლამაზი და სუფთა იყო აქაურობა. კარგი იქნება თუ ბავშვებისთვის გასართობებიც დაემატება“, – ამბობს თამუნა ქურდაძე.

„დაუმთავრებელია აქაურობა“, – გვეუბნება ადგილობრივი დავით აზარიაშვილი.

ახალციხის მერიაში ტბის მდგომარეობის შესახებ იციან. მეტიც, მერიას ტბასთან დაკავშირებით სერიოზული გეგმები აქვს, რომლის განსახორციელებლად პირველ ეტაპზე ტბის ააიპ–ად ჩამოყალიბებას აპირებს.

ახალციხის მერიაში განმარტავენ, რომ იურიდიული პროცედურები დაახლოებით 10 დღეში მოგვარდება. ამის შემდეგ კი ტბის სარემონტო სამუშაოები დაიწყება.

„დარეგისტრირდება ააიპ–ი, შემდეგ მისი დირექტორი და თანამშრომლები დაინიშნებიან . ამის შემდეგ კი დაიწყება ტბის რეაბილიტაცია“, – ამბობს ახალციხის მერის მოადგილე ზაზა გელაძე.

გელაძე ირწმუნება, რომ ყველა ის დანაპირები, რაც ტბასთან დაკავშირებით გაისმა შესრულდება.

შეგახსენებთ, ქალაქ ახალციხის მერმა გიორგი კოპაძემ განაცხადა, რომ ტბის სრული რეაბილიტაციისთვის 100 ათასი ლარი დაიხარჯება. პირველ რიგში ახალციხის ტბაზე სანაპიროსა და ტბაზე შემავალი წყლის სათავე ნაგებობის გაკეთება იგეგმება.მოეწყობა სანაპირო, რისთვისაც მერია საჩხერიდან 1000 კუბური მეტრი სილის ჩამოტანას გეგმავს. გარდა ამისა, მერის თქმით, ტბაზე იქნება ოთხი ნავი და წყლის ველოსიპედები. გამოიყოფა ადგილი, სადაც უცხოელ ტურისტებს კარვების დადგმა და ღამის გათენება შეეძლებათ. ამოქმედდება ის საზოგადოებრივი საპირფარეშო, რომელიც ტბის ტერიტორიაზე ჯერ კიდევ გასულ წელს გაკეთდა. იგეგმება ტრენაჟორების დადგმაც.

[ვარლამ წიკლაური, ახალციხე]


22.06.2018 საქართველოდან სომხეთში... და უკან

21.06.2018 უნივერსიტეტში საგამოცდო ტესტების შტრიხ–კოდების ამოცნობა ვერ ხერხდება

18.06.2018 გამოცდებზე ვიდეოთვალთვალის სისტემის გამოყენება იქნება შესაძლებელი

14.06.2018 მეცხრე კლასის გამოცდები მეექვსე სკოლაში დაპირისპირების მიზეზი გახდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.06.2018 საპატრიარქომ ზედოზირებით გარდაცვლილებს შესაძლოა წესი არ აუგოს

22.06.2018 საქართველოდან სომხეთში... და უკან

21.06.2018 250–მდე სოფელი 10 ვეტერინარის იმედად – ნაკლებად მოთხოვნადი პროფესია

21.06.2018 ‘ძალოვანების კორპუსის’ მშენებლობა ივნისის ნაცვლად ივლისში დასრულდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

მერია ახალციხის ტბის რეაბილიტაციას იწყებს
ქვეწარმავლები ‘ახალციხის ტბაზე’ – რას აპირებს ტბის ადმინისტრაცია [Video]
ახალციხის ტბა  სეზონის ბოლოს – დაპირებები და შედეგი
რა ეღირება ახალციხის ტბაზე ნავით გასეირნება
ახალციხის ტბაზე შადრევანი ამუშავდა
ტბაზე სეზონი ისე გაიხსნა, რომ დაზიანებული ინფრასტრუქტურა ვერ მოწესრიგდა
ახალციხის ხელოვნურ ტბაზე შადრევნები აღარ მუშაობს