FM97.5 / LIVE

ამერიკის დღეებს ახალციხეში აშშ–ს ელჩი დაესწრო

მთავარისაზოგადოება 03.06.2015
ამერიკის დღეებთან დაკავშირებით, ახალციხეს აშშ–ს ელჩი საქართველოში რიჩარდ ნორლანდი ესტუმრა. ელჩი ახალციხის ციხეზე ამერიკის დღეებისადმი მიძღვნილ ღონისძიებებს დაესწრო, მანამდე კი სამოქალაქო სექტორის წარმომადგენლებთან დახურული შეხვედრა გამართა.

ამერიკის დღეებს ახალციხეში აშშ–ს ელჩი დაესწრო
ამერიკის დღეები ახალციხეში დილის 10:00 საათზე ამერიკანისტიკის კონფერენციით გაიხსნა. კონფერენცია სამცხე–ჯავახეთის სახელმწიფო უნივერსიტეტში ჩატარდა. 15:00 საათიდან კი ამერიკის დღეებისადმი მიძღვნილი ღონისძიებები ახალციხის ციხის ტერიტორიაზე გაგრძელდა. ღონისძიების ფარგლებში ქვედა ციხეზე საინფორმაციო ბაზრობა მოეწყო, სადაც წარმოდგენილი იყო ამერიკის საელჩოსა და აშშ–ს საერთაშორისო განვითარების სააგენტოს (USAID) მიერ დაფინანსებული განათლების, დემოკრატიის განვითარების, ჯანდაცვის, სოფლის მეურნეობის, ენერგეტიკის, ეკონომიკური ზრდის პროექტები და მათი ბენეფიციარები. მოსახლეობას საშუალება ჰქონდათ საელჩოს წარმომადგენლებისგან პირადად მიეღოთ ინფორმაცია საგანმანათლებლო, საკონსულო და საიმიგრაციო მომსახურების, სხვადასხვა გრანტებისა და დახმარების პროგრამების შესახებ.

პარალელურად მიმდინარეობდა კონცერტი შოთა ადამაშვილისა და მუსიკალური ბენდების „Dangerflow“ და „Sea2Sea Dancers“ მონაწილეობით.

დაახლოებით 17:00 საათისთვის ახალციხის ციხეს ამერიკის შეერთებული შტატების ელჩი რიჩარდ ნორლანდი ეწვია. ელჩმა ჯერ საინფორმაციო ბაზრობა დაათვალიერა, შემდეგ კი სამცხე–ჯავახეთის სამხარეო ადმინისტრაციისა და ადგილობრივი თვითმმართველობის წარმომადგენლებთან ერთად ახალციხის ციხე მოინახულა.

როგორც რიჩარდ ნორლანდმა ჟურნალისტებთან საუბარში განაცხადა, ამ ღონისძიებით ამერიკის შეერთებული შტატები ახსენებს საქართველოს მოსახლეობას ორ ქვეყანას შორის არსებულ მჭიდრო პარტნიორობას.

„ამერიკა საქართველოს მჭიდრო პარტნიორია არა მხოლოდ ეკონომიკურ, პოლიტიკურ თუ სამხედრო სფეროში. ამ რეგიონისთვის მნიშვნელოვანი ასპექტი გახლავთ ის, რომ მოსახლეობის დიდი ნაწილი არის ეთნიკურად სომეხი და საქართველოსთვის გამოწვევაა უზრუნველყოს, რომ ყველა ადამიანმა მიუხედავად მისი წარმოშობისა თუ ეთნიკური წარმომავლობისა იგრძნოს თავი ქართული საზოგადოების ნაწილად. საქართველოს მთავრობა აქტიურად მუშაობს იმისთვის, რომ უზრუნველყოს ეს და ჩვენ მხარს ვუჭერთ მათ“, – განაცხადა ამერიკის შეერთებული შტატების ელჩმა საქართველოში რიჩარდ ნორლანდმა.

ახალციხის ციხეზე სტუმრობამდე ამერიკის ელჩი „ახალციხის დემოკრატიული ჩართულობის ცენტრში“ სამოქალაქო სექტორის წარმომადგენლებს შეხვდა. შეხვედრა მედიისთვის დახურული იყო, თუმცა, როგორც არასამთავრობო ორგანიზაციების წარმომადგენლებმა განაცხადეს, შეხვედრაზე რეგიონის მნიშვნელოვან საკითხებზე ისაუბრეს.

შეგახსენებთ, რომ ამერიკის დღეებისადმი მიძღვნილი ღონისძიებები საქართველოს მასშტაბით 2 ივნისს ზუგდიდიდან დაიწყო, ახალციხის შემდეგ კი ღონისძიება 4 ივნისს გორში გაიმართება. ხოლო 6 ივნისს თბილისში, რიყის პარკში ამერიკის დღეების დასკვნითი ღონისძიება მოეწყობა.

[თამარ თოთაძე, ახალციხე]


03.06.2020 ახალციხის ბაღებში აღსაზრდელთა რეგისტრაცია მიმდინარეობს – რა დოკუმენტებია საჭირო

01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.06.2020 ‘სოფელი არ ჩაიკეტება, იგეგმება მოსახლეობის თერმოსკრინინგი’ – სამხარეო ადმინისტრაცია

04.06.2020 ‘ინფიცირებული სოფელში ორ გასვენებაში იმყოფებოდა’ - ნინოწმინდის ჯანდაცვის ცენტრი

04.06.2020 ‘სოფლის ჩაკეტვა იგეგმება’ – ყაურმის რწმუნებული

04.06.2020 '44 წლის ნინოწმინდელ კაცს, რომელიც შეცდომით სახლში გაუშვეს კორონავირუსი დაუდასტურდა' – ჯანდაცვის ცენტრი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

3 ივნისს ახალციხეს აშშ–ს ელჩი რიჩარდ ნორლანდი ესტუმრება
ამერიკის დღეები ახალციხეში ამერიკანისტიკის კონფერენციით გაიხსნა
სოზარ სუბარი რიჩარდ ნორლანდს შეხვდა
ამერიკის დღეები ახალციხის ციხეზე [Photo]
აშშ-ის მთავრობის მორიგი მხარდაჭერა  საქართველოს სოფლის მეურნეობის სამინისტროს [R]
რა არის ამერიკის შეერთებული შტატების როლი  საქართველოს უსაფრთხოებაში?
ბორჯომში 18 დევნილ ოჯახს საცხოვრებელი ბინა გადაეცა