FM97.5 / LIVE

პირველ ბაღში შესაძლო ძალადობის ფაქტზე გამოძიება დაიწყო

მთავარისამართალი, შემთხვევა 28.05.2015
„სამხრეთის კარიბჭეში“ გამოქვეყნებული სტატიის შემდეგ, რომელშიც 5 წლის ბავშვის ოჯახის წევრები აღმზრდელებს ძალადობაში ადანაშაულებენ, შსს–მ გამოძიება, სოციალურმა სამსახურმა კი მოკვლევა დაიწყო.

პირველ ბაღში შესაძლო ძალადობის ფაქტზე გამოძიება დაიწყო

ახალციხის პირველი საბავშვო ბაღის საქმეს შსს–ს ახალციხის რაიონული სამმართველო სისხლის სამართლის კოდექსის 125–ე მუხლის მეორე ნაწილით იძიებს, რაც გულისხმობს ცემას ან სხვაგვარ ძალადობას რომელიც ჩადენილია წინასწარი შეცნობით არასრულწლოვნის მიმართ. (ისჯება ჯარიმით ან გამასწორებელი სამუშაოთი ვადით თხუთმეტიდან ოცდაოთხ თვემდე ანდა თავისუფლების აღკვეთით ვადით ერთ წლამდე).

მომხდარზე უკვე დაკითხეს გოგონას დედა. დღეს კი ჩვენების მისაცემად დაიბარეს პირველი ბაღის მენეჯერი ქეთევან საანიშვილი.

გოგონას ოჯახს სამართალდამცავებისთვის არ მიუმართავს. საჩივარი მომხდარის შესახებ არც პირველ საბავშვო ბაღს, არც სკოლამდელი აღზრდის დაწესებულებათა გაერთიანებას და არც სოციალურ სასმახურს შეუტანია. როგორც სკოლამდელი აღზრდის დაწესებულებათა გაერთიანების ხელმძღვანელი ნანა ბერიძე აცხადებს, სამართალდამცავებმა ძიება „სამხრეთის კარიბჭეში“ გამოქვეყნებული სტატიის საფუძველზე დაიწყეს.

ასევე „სამხრეთს კარიბჭედან“ შესული შეტყობინების შემდეგ ჩაერთო საქმეში სოციალური სამსახურიც.

„საბავშვო ბაღში უკვე ვიყავით, ვნახავთ ბაშვს და მის ოჯახის წევრებსაც“, – ამბობს სსიპ სოციალური მომსახურების სააგენტოს სამცხე–ჯავახეთის სოციალური მომსახურების სამხარეო ცენტრის უფროსი სოციალური მუშაკი ნინო საანიშვილი.

ჯანდაცვის სამინისტროში კი განმარტავენ, რომ მას შემდეგ, რაც სოციალური მუშაკი ბავშვს ნახავს, თუ საჭირო გახდება, საქმეში ფსიქოლოგიც ჩაერთვება.

შეგახსენებთ, რომ პირველი ბაღის აღმზრდელებს მეგი გვარამაძესა და ლალი კეღოშვილს აღსაზრდელის, 5 წლის გოგონას მშობელი ძალადობაში ადანაშაულებს. მისი განცხადებით, ძიძამ ბავშვს რამდენჯერმე თავში წამოარტყა, მასწავლებლებმა კი ბავშვი არა ერთხელ აჯანჯღარეს. ასევე, აღმზრდელები ბავშვის თვალწინ ტკბილეულს მიირთმევენ და ამას პატარებს აყურებინებენ.

დღეს, 29 მაისს, მომხდარზე პირველ საბავშვო ბაღში საგანგებო თათბირი გაიმართა. თათბირს 28 მშობელი ესწრებოდა, 28–ვემ განაცხადა, რომ მსგავს ფაქტებს მათ შვილებთან მიმართებაში ადგილი არ ჰქონია.

[თამუნა უჩიძე, ახალციხე]


15.02.2019 სოფელი, რომელიც სკოლაზე ოცნებობს [Photo/Video]

14.02.2019 განათლების სამინისტრო ძირეული რეფორმისთვის ემზადება – გასვლითი სხდომა ბორჯომში

14.02.2019 სამცხე–ჯავახეთში მანდატურების ცენტრი აშენდება

13.02.2019 სოფელ ბენარაში 150 მოსწავლეზე გათვლილი სკოლა შენდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.02.2019 მართლმადიდებელი ეკლესია მირქმის დღესასწაულს აღნიშნავს

15.02.2019 სოფელი, რომელიც სკოლაზე ოცნებობს [Photo/Video]

14.02.2019 ახალციხეში ავარიის შედეგად ორი მანქანა და მაღალი ძაბვის ბოძი დაზიანდა

14.02.2019 რამდენი ბავშვი დაიბადა 2018 წელს სამცხე–ჯავახეთში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

მსგავს თემაზე

იმ საბავშვო ბაღში, სადაც აღმზრდელებს ძალადობაში ადანაშაულებენ, საგანგებო თათბირი გამართეს
პირველ საბავშვო ბაღში ბავშვზე შესაძლო ძალადობის ფაქტზე ძიება შეწყდა
კვირის აქცენტი: ბავშვზე შესაძლო ძალადობის  ფაქტები – ხმაური პირველი ბაღის ირგვლივ[Video]
ახალციხის პირველი ბაღის აღმზრდელებს ბავშვზე ძალადობაში ადანაშაულებენ
ახალციხის მეხუთე სკოლაში მოსწავლეების შესაძლო ცემის ფაქტზე გამოძიება დაიწყო
მეორე კვირაა ახალციხის პირველ საბავშვო ბაღს გათბობა არ აქვს
ახალციხის მეხუთე ბაღის ეზოში საბავშვო ატრაქციონი დადგეს