FM97.5 / LIVE

მეთორმეტეკლასელები ქართული ენისა და ლიტერატურის გამოცდას აბარებენ

მთავარისაზოგადოება » განათლება 21.05.2015
საქართველოს სკოლებში გამოსაშვები გამოცდები დაიწყო. მეთორმეტეკლასელები დღეს გამოცდას ქართულ ენასა და ლიტერატურაში აბარებენ.

მეთორმეტეკლასელები ქართული ენისა და ლიტერატურის გამოცდას აბარებენ
საქართველოს მასშტაბით ყველა სკოლაში გამოცდა დილის 09:00 საათზე დაიწყო. მოსწავლეები დღეს ქართული ენისა და ლიტერატურის გამოცდას აბარებენ. გამოცდა კომპიუტერული სისტემით მიმდინარეობს და მას შეფასებისა და გამოცდების ეროვნული ცენტრის დამკვირვებლები ესწრებიან.

ახალციხის მეექვსე საჯარო სკოლაში გამოცდას დღეს 27 მოსწავლე აბარებს, 26–მა მოსწავლემ სკოლა წელს დაამთავრა, ერთმა კი გასულ წელს და იმის გამო, რომ შარშან ფიზიკის გამოცდა ვერ ჩააბარა, ახლა გამოცდაზე კიდევ გადის.

"გუშინ იყო პრეტესტები, დღეს კი გამოცდას აბარებენ. ამ დროისთვის დაახლოებით 18–20 ბავშვმა ჩააბარა და 7–8 ქულები გამოიტანეს. კომპიუტერული სისტემა კარგ მდგომარეობაშია, არანაირი შეფერხება არ ყოფილა", – ამბობს მეექვსე საჯარო სკოლის დირექტორი გია კაპანაძე.

ახალციხის პირველ საჯარო სკოლაში წელს 98 კურსდამთავრებულია. 11 კი ისეთი მოსწავლეა, რომელსაც შარშან გამოცდა არ ჩაუბარებია.

"ამ ეტაპისთვის არსებული შედეგებით ძალიან კმაყოფილები ვართ, არცერთი მოსწავლე არ ჩაჭრილა. არანაირი შეფერხება არ ყოფილა, კომპიუტერები კარგად მუშაობს. თუმცა, ბუნებრივია მოსწავლეები ცოტას ღელავენ. კითხვები არის საპროგრამო მასალიდან, რთული არაა, მოსწავლემ უნდა იცოდეს ეს და ვინც სწავლობდა, მათთვის რთული არაა ჩაბარება", – ამბობს პირველი საჯარო სკოლის დირექტორი ჟუჟუნა გოგოლაური.

მეთორმეტეკლასელები ამბობენ, რომ გამოცდა საშუალო სირთულისაა და ჩაბარება არ უჭირთ. პირველ საჯარო სკოლაში ამ დროისთვის ყველაზე მაღალი ქულა 9,83 მარიამ გაჩეჩილაძემ მიიღო.

"რთული არ ყოფილა, ყველაფერი ნასწავლი გვქონდა, საშუალო სირთულის ტესტები იყო. ამ გამოცდიდან გამომდინარე სხვა გამოცდების ჩაბარების აღარ მეშინია და ვფიქრობ, რომ წარმატებით ჩავაბარებ და მაღალ ქულებს ავიღებ", – ამბობს მარიამ გაჩეჩილაძე.

"ჩემთვის საშუალო სირთულის იყო დღევანდელი გამოცდა, ჩაბარება არ გამჭირვებია და ნორმალური ქულაც მივიღე", – ამბობს მეექვსე საჯარო სკოლის მოსწავლე ნათია კვიჟინაძე.

შეგახსენებთ, რომ მე-12 კლასელები გამოცდებს 21, 22, 23, 24 მაისს ჩააბარებენ. 25 მაისი სარეზერვო დღეა. გამოცდები შემდეგი თანმიმდევრობით ჩატარდება – ქართული ენა და ლიტერატურა, უცხო ენა, ისტორია და მათემატიკა.

[თამარ თოთაძე, ახალციხე]


23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

18.09.2020 1046 სტუდენტი სწავლის გასაგრძელებლად სომხეთში დაბრუნდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.09.2020 26 სექტემბერი წმინდა დიდმოწამე ქეთევანის ხსენების დღეა

25.09.2020 6:0 – ‘ბორჯომმა’ თბილისის ‘დიდუბე’ დაამარცხა

25.09.2020 რუსთავთან ავარიის შედეგად დაშავებული ქალი თბილისში გადაიყვანეს

25.09.2020 რუსთავთან ავარიისას დაშავებულ მცირეწლოვნებს იაშვილის კლინიკაში გამოკვლევები უტარდებათ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.09.2020 SKამბები: 'მრავალგვაროვანი' კლდე [აუდიო]

22.09.2020 როცა მუდმივად ეძებ - ახალგაზრდა არქეოლოგი ახალციხიდან [ვიდეო]

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

მსგავს თემაზე

სკოლებში გამოსაშვები გამოცდები მიმდინარეობს
მეთორმეტეკლასელები დღეს ფიზიკის გამოცდას აბარებენ
მეთორმეტეკლასელები დღეს ფიზიკის გამოცდას აბარებენ
მეთორმეტეკლასელები დღეს ფიზიკის გამოცდას აბარებენ
ახალციხეში 284 მეთორმეტეკლასელიდან გამოსაშვები გამოცდა 25–მა ვერ ჩააბარა
საატესტატო გამოცდები დაიწყო
მე–12 კლასელები გამოსაშვებ გამოცდას ქართულ ენასა და ლიტერატურაში აბარებენ