FM97.5 / LIVE

საქართველოს პატრიარქი მესხეთს სტუმრობს

მთავარისაზოგადოება 11.05.2015
საქართველოს პატრიარქმა ილია მეორემ ახალციხეში, შალვა ახალციხელის სახელობის მშენებარე ტაძარი მოილოცა და ის ოჯახი დალოცა, რომელმაც ტაძრის მშენებლობა წამოიწყო.

საქართველოს პატრიარქი მესხეთს სტუმრობს

საქართველოს პატრიარქი ილია მეორე ახალციხეს დღეს, 11 მაისს ესტუმრა. მან ჯერ აწყურში, სლესის ციხესთან შეკრებილი მოსახლეობა დალოცა, შემდეგ კი ახალციხეს ეწვია. პატრიარქმა ახალციხეში, შალვა ახალციხელის სახელობის მშენებარე ტაძარი მოილოცა.

საქართველოს პატრიარქი მესხეთს სტუმრობს საქართველოს პატრიარქს შალვა ახალციხელის სახელობის მშენებარე ტაძართან მრევლი რამდენიმე საათის განმავლობაში ელოდა. უწმინდესის ვიზიტის დაგვიანების მიზეზი ქობულეთში მომხდარი ტრაგედია იყო. ილია მეორემ ხანძრის შედეგად გარდაცვლილი ბავშვებისთვის რუსთავში პარაკლისი აღავლინა.

ახალციხეში საქართველოს პატრიარქი 16:30 საათისთვის ჩამოვიდა. მას მრევლი შალვა ახალციხელის სახელობის მშენებარე ტაძრის ეზოში დახვდა.

„ძალიან დიდი ბედნიერებაა პატრიარქის ჩამობრძანება, დიდხანს სიცოცხლე მინდა ვუსურვო, მთელი ქალაქისთვის ეს ძალიან დიდი წარმატება და ბედნიერებაა, ყველას გვფარავდეს ღმერთი“, – ამბობს ახალციხელი ლია ლაზარაშვილი.

საქართველოს პატრიარქი მესხეთს სტუმრობსახალცხელი ზაქარია ზედგინიძე მშენებარე ტაძართან იმის გამო მივიდა, რომ პატრიარქისთვის საკუთარი ლექსების წიგნი ეჩუქებინა: „ეს არის ჩემი მესამე წიგნი, სადაც ძირითადად საეკლესიო ხასიათის ლექსებია შესული“.

პატრიარქთან შესახვედრად მოსახლეობა სოფლებიდანაც ჩამოვიდა.

„დიდი სიხარულია ჩვენთვის რომ ჩამობრძანდა პატრიარქი, მის ლოცვა–კურთხევაზე დიდი სიხარული არაფერია ჩვენთვის“, – ამბობს ახალციხის მუნიციპალიტეტის ქალაქ ვალეში მცოვრები მანანა გოგოლაძე.

ილია მეორემ ის ოჯახი დალოცა, რომელმაც შალვა ახალციხელის სახელობის ტაძრის მშენებლობა წამოიწყო: „ბატონი ვასილი, ნათელში ამყოფოს მისი სული. მე მინდა დავლოცო მისი ოჯახი და ყოველი ადამიანი, რომელიც მონაწილეობს ამ ტაძრის მშენებლობაში, უპირველეს ყოვლისა მეუფე თეოდორე, რომელიც ასე თავდადებულად იბრძვის ამ ეპარქიაში. დალოცვილი და გახარებული გამყოფოთ მამა ზეციერმა და ღმერთმა მალე მოგვასწროს მისი კურთხევა“.

პატრიარქთან ერთად ტაძარში ახალციხისა და ტაო–კლარჯეთის მიტროპოლიტი მეუფე თეოდორე და სასულიერო პირები იმყოფებოდნენ. საქართველოს პატრიარქის შემდეგ მრევლს მეუფე თეოდორემ მიმართა.

საქართველოს პატრიარქი მესხეთს სტუმრობს „დღეს მთელი მესხეთი უდიდესი სიხარულით არის სავსე, ვხედავდით გზაზე გამოსულ ადამიანებს, ჩვენ გვახსოვს პერიოდი, როცა ახალციხეში არცერთი ტაძარი არ მოქმედებდა, თქვენო უწმინდესობავ, თქვენ გახსენით ახალციხეში პირველი ტაძარი, წმინდა მარინეს სახელობის ტაძარი და თქვენს მიერ არის მომოწაფებული ეს მრევლი, დიდი მადლობა რომ ჩამობრძანდით და მოგვეცით საშუალება თქვენი ლოცვა–კურთხევის მიღების“, – განაცხადა ახალციხისა და ტაო–კლარჯეთის მიტროპოლიტმა მეუფე თეოდორემ.

შალვა ახალციხელის სახლობის მშენებარე ტაძრის მოლოცვის შემდეგ საქართველოს პატრიარქმა რეზიდენციაში გადაინაცვლა, სადაც მას მეუფე თეოდორემ უმასპინძლა.

პატრიარქი ხვალ ადიგენში, ზეგ კი აწყურში, ტაძრებს მოილოცავს;

[თამარ თოთაძე, ახალციხე]


15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

13.01.2020 რომელი ფაკულტეტები იქნება უფასო სამცხე-ჯავახეთის უნივერსიტეტში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.01.2020 სამცხე–ჯავახეთში გაზრდილი პენსია 30 223 ასაკით პენსიონერმა აიღო

16.01.2020 შშმ პირთა ღონისძიება ‘ტალიტა კუმში’

16.01.2020 დავით სერგეენკოს განცხადება c ჰეპატიტის ვადაგასულ წამლებთან დაკავშირებით

16.01.2020 NDI – წინა წლებთან შედარებით ეკლესიის რეიტინგი მკვეთრად შემცირდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ილია მეორემ შალვა ახალციხელის სახელობის მშენებარე ტაძარი მოილოცა [Photo]
ორი დღეა მესხეთს საქართველოს პატრიარქი სტუმრობს [Video]
საქართველოს პატრიარქი ახალციხეში ორი საათის დაგვიანებით ჩამოვა
ახალციხეში შალვა ახალციხელის ხსენების დღე აღნიშნეს
მესხეთში საქართველოს კათოლიკოს პატრიარქს ელოდებიან
შალვა ახალციხელის სახელობის ტაძარზე ჯვარი აღიმართა [Photo]
'ახალციხელობის' აღნიშვნა წირვით დაიწყო