FM97.5 / LIVE
შესახლებული. მას შემდეგ, რაც შენობა ეკონომიკის სამინისტროსგან ქალაქის მერიის ბალანსზე გადავიდა, ახალციხის მერიამ შესახლებულებს გამოსახლება მოსთხოვა. თუმცა, აქ მცხოვრებლები შენობის დატოვებას არ აპირებენ და დახმარებას ითხოვენ.">

‘შევაკვდები ამ საქმეს და ორი შვილით ხელში ქუჩაში ვერ გავალ’ – რა ბედი ელით კომისარიატში შესახლებულებს

მთავარისაზოგადოება 28.04.2015
მესამე წელია ახალციხეში, ყოფილი კომისარიატის შენობაში ოთხი ოჯახი თვითნებურადაა შესახლებული. მას შემდეგ, რაც შენობა ეკონომიკის სამინისტროსგან ქალაქის მერიის ბალანსზე გადავიდა, ახალციხის მერიამ შესახლებულებს გამოსახლება მოსთხოვა. თუმცა, აქ მცხოვრებლები შენობის დატოვებას არ აპირებენ და დახმარებას ითხოვენ.

‘შევაკვდები ამ საქმეს და ორი შვილით ხელში ქუჩაში ვერ გავალ’ – რა ბედი ელით კომისარიატში შესახლებულებს

ყოფილი კომისარიატის შენობაში შესახლებულმა ოჯახებმა ქალაქ ახალციხის მუნიციპალიტეტის მერიისგან წერილი 2014 წლის 17 დეკემბერს მიიღეს.

„გაცნობებთ, რომ შენობა, რომელიც თქვენ გაქვთ თვითნებურად დაკავებული ქ.ახალციხეში, ივერიელის ქ. N42–ში (ყოფილი კომისარიატი), წარმოადგენს ქალაქ ახალციხის მერიის საკუთრებას. შენობაში იგეგმება სასწრაფო სამედიცინო დახმარების სამსახურის განთავსება. საქართველოს კანონმდებლობის მიხედვით, ვალდებულები ხართ უმოკლეს ვადაში დატოვოთ აღნიშნული შენობა და მისი ტერიტორია“, – ნათქვამია განცხადებაში.

მას შემდეგ, რაც ქალაქის მერისგან კომისარიატის შენობაში შესახლებულებმა წერილი მიიღეს თითქმის ოთხი თვე გავიდა. ივერიელის ქ. N42–ში მცხოვრებლები შენობის დატოვებას არ აპირებენ.

„შემოდგომით ვიყავით მისული მერიაში და გიორგი კოპაძემ გვითხრა, რომ ისე არ დაგვტოვებდა, თავშესაფარს გამოგვინახავდა. ახალ წლამდე ორი კვირით ადრე მივიღეთ წერილი, სადაც ეწერა, რომ ჩვენი ნებით დაგვეტოვებინა შენობა. შემდეგ ჟურნალისტებიც დაინტერესდნენ და როგორც გიორგი კოპაძემ ჟურნალისტებთან განაცხადა, დროებით თავშესაფარში განვათავსებთო. მაგრამ, მე მყავს შვილები და დროებით თავშესაფარში ვერ გადავალ, მერე ის შენობა კიდევ ვიღაცას რაღაცაში დასჭირდება, იქიდან უნდა გამოგვყარონ, ასე ხომ არ ვიქნები“, – ამბობს მაია ლაცაბიძე.

ლაცაბიძე ამ შენობაში, სამ ოჯახთან ერთად, 2012 წლის ნოემბერში დასახლდა. შენობის დატოვებას არც სხვა ოჯახები აპირებენ.

„ორი შვილი მყავს, ერთი მესამე კლასშია, მეორე ექვსი თვისაა, აქედან გასვლას არც ჩვენ ვაპირებთ“, – ამბობს ია გელაშვილი.

კომისარიატის შენობის კედლები დაზიანებულია, გამოსაცვლელია იატაკი და სახურავიდან წვიმის დროს წყალი ჩადის. აქ მაცხოვრებლებს დასახლებიდან 10 თვის განმავლობაში არც ელექტროენერგია ჰქონდათ. თუმცა, მოგვიანებით დენი მეზობლის სახლიდან გამოიყვანეს.

„შევაკვდები ამ საქმეს და აქედან არ გავალ, როგორია ორი ბავშვით ხელში ქუჩაში გავიდე? არც მე ვმუშაობ, არც ჩემი მეუღლე, ჯანმრთელობა არ გვიწყობს ხელს, რითი უნდა გადავიხადო ბინის ქირა. იმდენი ვალები გვაქვს პურის ფულს ვერ ვშოულობ“, – ამბობს მაია ლაცაბიძე და ამატებს, რომ მისი ოჯახის ძირითადი შემოსავალი თვეში 204–ლარიანი სოციალური დახმარებაა.

ქალაქ ახალციხის მერი გიორგი კოპაძე ამბობს, რომ ყოფილი კომისარიატის შენობაში თვითნებურად შეჭრილი ოჯახები ადიგენში არიან რეგისტრირებული. ამიტომ, რომ არა მერიის კეთილი ნება, ამ ოჯახებს დიდი ხნის წინ გამოასახლებდნენ.

„არ არიან ახალციხელები და რატომ უნდა დაიკავონ შენობა, ბევრი ახალციხელი გვყავს უბინაოდ დარჩენილი და საშუალება რომ გვქონდეს, პირველ რიგში მათ დავეხმარებოდით. გარდა ამისა, აღნიშნული შენობა სხვა რაღაცისთვის გვაქვს გათვალისწინებული, ეს არ არის საცხოვრებელი ბინა“, – ამბობს გიორგი კოპაძე.

მაია ლაცაბიძე კი ამბობს, რომ მის ოჯახს არანაირი ფართი არ გააჩნია: „გამოიძიონ რა ქონება მაქვს, საქათმე რომ საქათმეა, ისიც კი არ გამაჩნია. რა შუაშია ახალციხე და ადიგენი, მე თუ ჩემს ქვეყანაში სამართალს ვერ ვიპოვი, მაშინ უარს ვიტყვი საქართველოს მოქალაქეობაზე. მე ვარ საქართველოს მოქალაქე და ვითხოვ დახმარებას, რომ ჩემს შვილებს ჰქონდეთ ჭერი“, – ამბობს მაია ლაცაბიძე.

კონკრეტულად რისი გაკეთება იგეგმება აღნიშნულ შენობაში, ქალაქის მერი ჯერ ვერ აკონკრეტებს. თუმცა, მისი თქმით, ვიდრე შენობის რეაბილიტაცია არ დაიწყება, შესახლებულებს არ გამოასახლებენ. როგორც კი გადაწყდება, რომ ამ შენობაში რაიმე გაკეთდეს, ოთხივე ოჯახს მისი დატოვება მოუწევს.

‘შევაკვდები ამ საქმეს და ორი შვილით ხელში ქუჩაში ვერ გავალ’ – რა ბედი ელით კომისარიატში შესახლებულებს

[თამარ თოთაძე, ახალციხე]


22.02.2020 პირველკლასელთა რეგისტრაცია მარტში დაიწყება

21.02.2020 სამცხე-ჯავახეთის უნივერსიტეტმა ავტორიზაცია გაიარა

19.02.2020 შრომატევადი და დაძლეული საქმე - მენტორის სტატუსის მქონე მასწავლებლები სამცხე-ჯავახეთიდან

13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.02.2020 ფარავანჰესის დაცლის გამო, მდინარის სიახლოვეს გადაადგილება აიკრძალა

23.02.2020 ‘ტაო’ ქუთაისის ‘არესს’ შეხვდა

23.02.2020 მთავრობა ირანთან ფრენებს აუქმებს

23.02.2020 ‘რაც საჭირო იქნება, გავაკეთებთ’ - პრემიერი ირანთან ფრენების შეზღუდვაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

კომისარიატში შესახლებულების ბედი ისევ გაურკვეველია
ახალციხის კომისარიატში შესახლებულებს ეკონომიკის სამინისტროს იმედი აქვთ

კომისარიატში შესახლებულებს გამოსახლების ეშინიათ




ვალეს საავადმყოფოს შენობა იყიდება
სადავო შენობა ხუთი ვეტერანის ოჯახმა დატოვა
ქალაქის მერია ახალ შენობაში გადასვლას აპრილის ბოლოს გეგმავს
ახალციხის მერი ადმინისტრაციული შენობის დაზღვევაზე: ‘ჩემი შვილი აქ არაფერ შუაშია’