FM97.5 / LIVE

მიკრო და მცირე მეწარმეებს სახელმწიფო პროგრამის დეტალები გააცნეს

მთავარიეკონომიკა 16.04.2015
სამცხე–ჯავახეთის მიკრო და მცირე მეწარმეებს, ვისაც საქმიანობის გაფართოება სურს, მიკრო და მცირე მეწარმეობის ხელშეწყობის პროგრამის დეტალები გააცნეს. შეხვედრა ახალციხეში, მეწარმეობის განვითარების სააგენტოს ორგანიზებით გაიმართა.

მიკრო და მცირე მეწარმეებს სახელმწიფო პროგრამის დეტალები გააცნეს

ახალციხის მუნიციპალიტეტის სოფელ მუსხის მკვიდრი ზაზა ივანიძე მეფუტკრეობის განვითარებას გეგმავს.

„ვარ მეფუტკრე და ამავდროულად მაქვს კოოპერატივი. ამ პროექტის დახმარებით მინდა, რომ ჩემი ბიზნესი გავაფართოვო და შევიძინო ახალი აღჭურვილობა“, – ამბობს ზაზა ივანიძე. ივანიძემ პროგრამის შესახებ დამატებითი ინფორმაცია ახალციხეში, შეხვედრაზე შეიტყო.

სახელმწიფო პროგრამის პრეზენტაცია ახალციხეში, ახალქალაქსა და ბორჯომში დღეს, 16 აპრილს, მეწარმეობის განვითარების სააგენტოს ორგანიზებით გაიმართა. ახალციხეში პრეზენტაცია მეწარმეობის განვითარების სააგენტოს თავმჯდომარემ გიორგი ციკოლიამ გააკეთა. იგი ადგილობრივ მიკრო და მცირე მეწარმეებს ბენეფიციარის შერჩევის კრიტერიუმებზე, დაფინანსების გაცემასა და იმ დეტალებზე ესაუბრა, რაც ახალი პროგრამითაა გათვალისწინებული.

„ყოველ წელს ახალ კომპონენტებს ვუმატებთ, რომლის მიზანიცაა კერძო ბიზნესის, მეწარმეობის, მცირე და საშუალო ბიზნესის წახალისება და განვითარება“, – განაცხადა ციკოლიამ.

მისი თქმით, პროგრამის ერთ – ერთი ძირითადი მიზანია ბიზნეს უნარების გაღრმავება იმ მეწარმეებისთვის, ვისაც სურს წამოიწყოს და განავითაროს საკუთარი ბიზნესი და ამავე დროს გარკვეული დაფინანსება მიიღოს სახელმწიფოს მხრიდან: „სახელმწიფო თითოეულ მეწარმეს 5.000 ლარის ფარგლებში დააფინანსებს. ის ბენეფიციარები, რომლებიც პროგრამის მიკრო და მცირე მეწარმეობის ხელშეწყობის კომპონენტის ფარგლებში, გრანტის სახით 5 000 ლარს მიიღებენ, საშემოსავლო გადასახადისგან გათავისუფლდებიან".

პრეზენტაციას მიკრო და მცირე მეწარმეების გარდა, სამცხე – ჯავახეთის გუბერნატორი აკაკი მაჭუტაძე, სამხარეო ადმინისტრაციის, ქალაქ ახალციხის მუნიციპალიტეტის მერიისა და გამგეობის თანამშრომლები ესწრებოდნენ. შეხვედრაზე იმყოფებოდნენ თითქმის ყველა მუნიციპალიტეტის გამგებლები და მათი მოადგილეები.

„ეს პროგრამა ჩვენი რეგიონისთვის ძალიან მნიშვნელოვანია. ეს ხელს შეუწყობს თვითდასაქმებულ ხალხს და მიკრო და მცირე მეწარმეებს,განავითარონ საკუთარი ბიზნესი რაც თავისთავად გააუმჯობესებს ეკონომიკურ მდგომარეობას“, – ამბობს აკაკი მაჭუტაძე.

საქართველოს რეგიონებში მიკრო და მცირე მეწარმეობის ხელშეწყობის პროექტის განხორციელება, პრემიერ-მინისტრის მიერ ინიცირებული პროგრამის „აწარმოე საქართველოში“ ფარგლებში დაიწყო.

პრეზენტაციის ბოლოს შეხვედრა კითხვა – პასუხის რეჟიმში წარიმართა. კითხვები პროგრამის შესახებ ძირითადად მეწარმეებს ჰქონდათ. სააგენტოს წარმომადგენლებმა მათ ამომწურავი პასუხი გასცეს.

[მანანა სარაშვილი, ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.05.2020 საპატრიარქომ ადიგენში სასულიერო პირს 25 წლიანი იჯარით მიწის ნაკვეთი გადასცა

28.05.2020 ახალციხის მერის მრჩეველმა იმ კომპანიის წილი დათმო, რომლითაც ტენდერებს იგებდა

28.05.2020 საქართველოს მთავრობამ ტურიზმის გახსნისთვის რეგულაციები შეიმუშავა

28.05.2020 ახალციხის მერის წარმომადგენელების ნაწილი მათთვის გამოყოფილი საწვავით ვერ სარგებლობს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

რას სთავაზობს მიკრო და მცირე მეწარმეებს სახელმწიფო – შეხვედრა ახალციხეში
მიკრო და მცირე მეწარმეებს სახელმწიფო პროგრამაში ჩართვის დეტალებს გააცნობენ
'მიკრო გრანტები მთის განვითრებისთვის'- პროექტის პრეზენტაცია ახალციხეში
სამცხე–ჯავახეთში მიკრო და მცირე მეწარმეობის პროგრამაზე იმსჯელებენ
მიკრო და მცირე მეწარმეობის ხელშეწყობის პროექტის მეორე რაუნდი იწყება
მცირე მეწარმეობის ხელშეწყობის პროექტი ახალი პირობებით დაიწყო [VIDEO] [R]
ეკონომიკის მინისტრი  ახალციხეში სამთავრობო პროგრამის გამარჯვებულებს შეხვდება