FM97.5 / LIVE

სომეხთა სამოციქულო და კათოლიკე ეკლესიებმა აღდგომა იზეიმეს [Video]

მთავარისაზოგადოება, რეპორტაჟი 05.04.2015
დღეს, 5 აპრილს, მსოფლიო ქრისტიანული ეკლესიების ნაწილი იესო ქრისტეს ბრწყინვალე აღდგომას ზეიმობს. ახალციხეში აღდგომას აღნიშნავენ სომეხთა სამოციქულო და კათოლიკე ეკლესიები.

ახალციხეში მცხოვრებმა სომეხი ეროვნების მოქალაქეებმა აღდგომის დღესასწაული გრიგოლ განმანათლებლის სახელობის ეკლესიაში აღნიშნეს, კათოლიკე მრევლმა კი რაბათის ღვთისმშობლის სავარდის სახელობის ტაძარში.



ახალციხის გრიგოლ განმანათლების სახელობის სომხურ ტაძარში სააღდგომო ლიტურგია 4 აპრილს, სააღამოს 5 საათზე დაიწყო და ორ საათს გაგრძელდა. ღვთისმსახურების დასრულების შემდეგ, მორწმუნეებმა ეკლესიაში წითელი კვერცხები აკურთხეს და სახლში საკურთხევლიდან გამოტანილ ცეცხლზე ანთებული სანთლებით დაბრუნდნენ. მრევლი ერთ–ერთი ადგილობრივის მიერ გამომცხვარი სააღდგომო ნამცხვრითაც დაასაჩუქრეს.

იმავე დღეს, რამდენიმე საათის შემდეგ, საღამოს 9 საათზე დაიწყო ღვთისმსახურება რაბათის ღვთისმშობლის სავარდის სახელობის ტაძარში. ლიტურგია აქაც 2 საათს გაგრძელდა.კათოლიკურ ტაძარში ღვთისმსახურებას ახალციხეში მცხოვრები კათოლიკეები დაესწრნენ. ისინი ამბობენ, რომ აღდგომა მათთვის ერთ–ერთი ყველაზე ამაღლებული დღესასწაულია.

წირვა-ლოცვა ორივე ტაძარში მეორე დღეს, 5 აპრილს, დილითაც გაიმართა. მართლმადიდებლური სამყარო კი აღდგომის ბრწყინვალე დღესასწაულს 12 აპრილს იზეიმებს. განსხვავება წელს ერთი კვირაა, მიზეზი თარიღის სხვადასხვაგვარი გამოთვლაა. კათოლიკეები იყენებენ გრიგორიანულ პასქალიას, ხოლო მართლმადიდებლები ალექსანდრიულს.

არც სომხურ და არც კათოლიკურ ტაძარში სააღდგომო ლიტურგიას არ დასწრებიან ადგილობრივი ხელისუფლების წარმომადგენლები.

ცენტრალური ხელისუფლების წარმომადგენლებმა დღევანდელ დღესთან დაკავშირებით მილოცვები გაავრცელეს.

"დღეს ქრისტიანული სამყაროს დიდი ნაწილი მაცხოვრის აღდგომის დღეს ზეიმობს. ვულოცავ ამ ბრწყინვალე დღესასწაულს ყველა ჩვენს თანამემამულეს, ვისთვისაც 5 აპრილი იესო ქრისტეს აღდგომის დღესასწაულია. აღდგომა საყოველთაო განახლების, სიცოცხლის დღესასწაულია და უდიდესი სიხარულია ყველა ქრისტიანისათვის. ვუერთდები ჩვენი თანამემამულეების ამ დიდ სიხარულს, ვუსურვებ მათ მშვიდობასა და წინსვლას",– ნათქვამია საქართველოს პრემიერ მინისტრის, ირაკლი ღარიბაშვილის მილოცვაში.

მილოცვა გაავრცელა შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმაც.

[თინათინ ზაზაძე, ნინო ნარიმანიშვილი,
ოთარ აწყურელი, ახალციხე]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სომეხთა სამოციქულო ეკლესიამ აღდგომა იზეიმა [Photo]

აღდგომა ახალციხის კათოლიკე ეკლესიაში [Photo]

კათოლიკე და სომეხთა სამოციქულო ეკლესიები  აღდგომას აღნიშნავენ
აღდგომის ღამე ახალციხის მაცხოვრის ამაღლების სახელობის ტაძარში [Photo]
აღდგომის ღამისთევა ამაღლების ტაძარში [Video]
კათოლიკე ეკლესია დღეს აღდგომას აღნიშნავს [Photo]
სომეხთა სამოციქულო ეკლესია აღდგომას ზეიმობს