FM97.5 / LIVE

'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა

მთავარიპოლიტიკა 16.03.2015
საქართველოს პრემიერ–მინისტრმა ირაკლი ღარიბაშვილმა ახალციხეში , სამცხე–ჯავახეთის სამხარეო ადმინისტრაციაში, პროექტის „ძლიერი რეგიონი ძლიერი საქართველოსთვის“ პრეზენტაცია გამართა. მთელი შეხვედრის განმავლობაში, სამხარეო ადმინისტრაციის შენობასთან პრემიერს ელოდა 10 ადგილობრივი, თუმცა, პრემიერმა შენობა ისე დატოვა, მათ არ შეხვედრია.

'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა

პრეზენტაციაზე ირაკლი ღარიბაშვილმა განაცხადა, რომ მთავრობა მზადაა დაეხმაროს რეგიონებს განვითარებაში: „ჩემი დავალებით რამდენიმე სამინისტრო თვეების განმავლობაში მუშაობდა ამ პროექტზე. სრულად შევისწავლეთ რეგიონებში არსებული პოტენციალი. მიმაჩნია, რომ ვართ მზად განვავითაროთ რეგიონები“.

პრემიერმა განაცხადა, რომ მთავრობა მაქსიმალურად დაეხმარება მეწარმეებს ბიზნესის განვითარებაში: „დღეს გამოიკვეთა, რომ ადგილზე არიან მეწარმეები, რომლებსაც აქვთ განვითარების საშუალება, ჩვენ ამაში დავეხმარებით. ასევე ძალიან ბევრი საწარმო დაკეტილია, რომლის აღდგენა და განვითარება შესაძლებელია. გამოიკვეთა, რომ კარტოფილი შემოგვაქვს საქართველოში, რაც არის სირცხვილი. ჩვენი მთავარი დევიზია რეგიონი გავხადოთ ძლიერი და ვაწარმოოთ ადგილობრივი პროდუქცია“.

'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა პრემიერ–მინისტრმა ბიზნესმენებს პროექტში ჩართვისკენ მოუწოდა: „მე იმედი მაქვს, რომ ამ პროექტში ჩაერთვებიან ბიზნესმენები. მზად ვართ ნებისმიერი მხარდაჭერა გამოვუცხადოთ, იქნება ეს ნაწილობრივი დაფინანსება თუ სხვა, ასევე ქონების გადაცემა სიმბოლურ ფასად. ანუ ის, რაც გაწერილია პროგრამაში „აწარმოე საქართველოში“.

პრეზენტაციას ესწრებოდნენ ეკონომიკის, გარემოს დაცვის, ინფრასტრუქტურის, ენერგეტიკის, სოფლის მეურნეობისა და ფინანსთა მინისტრები.

„საქართველო ძალიან მდიდარია თავისი რესურსებით და ეს რესურსები მაქსიმალურად უნდა იქნეს გამოყენებული. მთავრობა მაქსიმალურად ხელს შეუწყობს ადგილობრივ ბიზნესს განვითარებისთვის. ყველაფერი გაკეთდება, რომ ეს პროექტები განხორციელდეს“, – განაცხადა ენერგეტიკის მინისტრმა კახა კალაძემ.

ფინანსთა მინისტრის ნოდარ ხადურის თქმით, მნიშვნელოვანია რომ შედგა პირდაპირი ინტერაქცია ხელისუფლებასა და ბიზნესმენებს შორის: „ასევე ძალიან კარგია, რომ აქ იყო ბიზნესმენებს შორის კომუნიკაცია და ახალი იდეები დაიბადა“.

'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა შეხვედრას ესწრებოდნენ როგორც ადგილობრივი, ასევე მსხვილი ბიზნესის წარმომადგენლები.

„ბევრს ჰქონდა კომუნიკაციის პრობლემა. არაქართველ მოსახლეობას კი არ აქვს ინფორმაცია იმ ეკონომიკურ პროგრამებზე, რომლებიც ხორციელდება საქართველოში“, – ამბობს კომპანია „მესხური ბრენდის“ დამფუძნებელი გიორგი ნათენაძე.

„ვისოლ ჯგუფის“ ბიზნეს–გეოგრაფია საკმაოდ ფართოა, ჩვენ რეგიონებში ვართ გასული და ბუნებრივია ასეთი ტიპის შეხვედრები ძალიან კარგია. ჩვენ განვიხილავთ ამ შემოთავაზებებს და არ გამოვრიცხავთ, რომ გავზარდოთ ინვესტიციები ამ რეგიონში“, – განაცხადა „ვისოლის“ გენერალურმა დირექტორმა ვასილ ხორავამ.

'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა მთელი შეხვედრის განმავლობაში, პრემიერთან შეხვედრის იმედით სამხარე ადმინისტრაციის შენობასთან იცდიდა 10–მდე მოქალაქე. თუმცა, ირაკლი ღარიბაშვილმა და სხვა მინისტრებმაც, ისე დატოვეს შეხვედრა, მათ არ შეხვედრიან.

როგორც შეკრებილებმა „სამხრეთის კარიბჭეს“ განუცხადეს, ისინი პრემიერთან თავიანთ პრობლემებზე აპირებდნენ საუბარს. მათ შორის იყო ქალბატონი ახალქალაქიდან, რომელმაც განაცხადა რომ პრემიერთან შეხვედრის იმედით ახალქალაქიდან ახალციხეში სპეციალურად ჩამოვიდა.


'კარტოფილი შემოგვაქვს საქართველოში, რაც არის სირცხვილი', - პრემიერმა ახალციხეში რეგიონის განვითარების გეგმა წარადგინა პრეზენტაციის შემდეგ, პრემიერ მინისტრს ახალციხისა და ტაო-კლარჯეთის ეპისკოპოსმა, მეუფე თეოდორემ უმასპინძლა. მეუფემ პრემიერს ღვთისმშობლის ხატი, ხოლო პრემიერის მეუღლეს მონაზვნების ხელნაკეთი ჩანთა უსახსოვრა.

[თამარ თოთაძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

05.04.2020 '4 დღეში დაახლოებით 45 დაჯარიმების შემთხვევა გვაქვს' – ამირანაშვილი საგანგებო მდგომარეობის რეჟიმის დარღვევაზე

05.04.2020 გაიხსნება თუ არა ორშაბათს ახალციხის ბაზარი – ბესიკ ამირანაშვილის განმარტება

04.04.2020 5 აპრილს ახალქალაქის ბაზარი არ იმუშავებს

04.04.2020 ‘თვალყურს ვადევნებ სახლიდან, ტელევიზორით’ – გახარია სააღდგომო ლიტურგიაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

პრემიერმა რეგიონების განვითარების გეგმის წარდგენა სამცხე–ჯავახეთიდან დაიწყო [Video]
მთავრობა რეგიონებში პროექტების სუბსიდირებას აპირებს
პრემიერის დავალებები რეგიონულ წარმომადგენლებს [video]
თურქეთის დელეგაცია რეგიონის ფერმერებსა და ბიზნესმენებს შეხვდა
სამცხე–ჯავახეთს მინისტრთა კაბინეტი სტუმრობს
‘უმასპინძლე საქართველოში’ – ახალი სამთავრობო პროგრამა
მთავრობა მუშაობას ძველი შემადგენლობით განაგრძობს