FM97.5 / LIVE

ორ მუნიციპალიტეტად გაყოფილი სოფელი

მთავარიSK TV » რეპორტაჟი 07.09.2012
ხორენია – ერთი სოფელი, ერთი და იმავე პრობლემებით და ორი სახელით.

ორ მუნიციპალიტეტად გაყოფილი სოფელი

“დაახლოებით 20 წუთში ვიქნებით”, - გვეუბნება ტაქსის მძღოლი და ჩვენი მგზავრობაც იწყება.

ავტომაგისტრალის მოასფალტებული ნაწილი მალე სრულდება, ზაფხულის სიცხეს ამორტიზებული გზიდან ავარდნილი მტვერიც ემატება და სუნთქვა სჭირს. თუმცა, მძღოლის პროგნოზი მართლდება, სულ რაღაც 20 წუთი და სოფელ ხორენიაში ვართ.

ადგილზე მისულები ვიგებთ, რომ სოფელი ხორენია ერთი კი არა, ორია, თანაც ორივე სხვადასხვა სახელწოდებით და სხვადასხვა მუნიციპალიტეტის შემადგენლობაში. პატარა ხორენია ნინოწმინდის მუნიციპალიტეტს ეკუთვნის, დიდი ხორენია კი – ახალქალაქს.
დიდ და პატარა ხორენიას ერთმანეთისგან მდინარე ფარავანი და ძველი ხიდი ყოფს.

ადგილობრივი მცხოვრებლები ამბობენ, რომ მართალია ახლა მათ სოფელში ასასვლელად ნახევარი საათიც არ დაგვჭირდა, მაგრამ ზამთარში, უხვი თოვლის გამო, იქ საერთოდ ვერ ავალთ.

ორ მუნიციპალიტეტად გაყოფილი სოფელი

სოფელში დაახლოებით 120 ოჯახი ცხოვრობს. სოფლის მოსახლეობა ძირითადად მესაქონლეობითა და მეკარტოფილეობით ირჩენს თავს.თუმცა, ოჯახებს, რომელტა წევრებიც სამუშაოდ სხვა ქვეყანაში, ძირითადად სომხეთსა და რუსეთში არ არიან წასული, ძალიან უჭირთ.

იშვიათია სოფელში სახლი, რომლის ეზოშიც მზეზე გასაშრობად გამოფენილი ნაკელი არ იყოს. ადგილობრივების თქმით, ეგრეთ წოდებული წივა ზამთარში შეშის ალტერნატივაა.

“შეშას ცოტა ყიდულობს, გაზი კი არ არის, ამიტომ ნაკელს ვწვავთ”. – ამბობს შავარშ კირაკოსიანი.
თუმცა სოფლის ძირითადი პრობლემა არა სათბობი, არამედ სასმელი წყალია.

“მიუხედავად იმისა, რომ სოფელში მდინარე ჩამოდის, სასმელი წყალი მაინც არ გვაქვს. არც სასმელი და არც სარწყავი, ამიტომაც კარტოფილს ცოტას ვრგავთ. სასმელი წყალი კი ძალიან უხარისხოა. ყველა ოჯახს საკუთარი ჭა აქვს, საიდანაც წყალი ელექტროენერგიის დახმარებით ამოგვაქვს. თუ ელექტროენერგია არ არის, მდინარის შორიახლოს მდებარე ჭით ვსარგებლობთ, სადაც ზოგჯერ თევზები და ბაყაყებიც არის”, - გვეუბნება სოფლის მცხოვრები სამველ პეტროსიანი.

სასმელ წყალს სოფელში ძალიან უფრთხილდებიან, ამიტომაც ქალები სარეცხს მდინარეში რეცხავენ.

სოფლის შიდა გზები ქვის გროვებითა და მიწის ბელტებითაა დფარული. წვიმის შემდეგ კი გზაზე ისეთი ტალახია, გადაადგილება ჭირს.
სოფელში ყველგან მსხვილფეხა პირუტყვი და ცხვრის ფარა გვხვდება. ეზოები თივის ზვინებითაა სავსე. საქონლის საკვებ თივას მოსახლეობა უკვე აგვისტოში იმარაგებს. არსად, არცერთ ეზოში ხეხილის ხეები არ ჩანს.

“მაინც არ გაიზრდება, რისთვის დავრგოთ”, - ამბობენ სოფელში.

ორ მუნიციპალიტეტად გაყოფილი სოფელი

მთელი დღე, ვიდრე ჩვენ ხორენიას ვსტუმრობთ, სოფელჩი მუსიკისა და სიმღერის ხმა ისმის.

“ეს სოფლის მომღერალი გადის საქორწილო სიმღერების რეპეტიციებს”, - გვიხსნიან ადგილობრივები.

სოფლის ახალგაზრდობა მდინარის პირასაა შეკრებილი. ზოგი იქვე ხიდთან, საუბარშია გართული. ერთ-ერთი მდინარეში მანქანას რეცხავს. ზოგიც ცოტა მოშორებით თევზაობს.

ხორენიის კიდევ ერთი პრობლემა ძველი ეკლესიის სახურავია. რკინის სახურავს სიძველე და ჟანგი მოსდებია.

“დიდი ხანია, ეკლესიის გადარჩენას ვცდილობთ. გვყავს სპონსორი ჩვენივე სოფლიდან, რომელიც ამჟამად რუსეთში ცხოვრობს. მან ახალი სახურავისთვის რკინის მასალა შეიძინა, თუმცა, საქართველოს კულტურისა და ძეგლთა დაცვის სამინისტრო არც მისი შეცვლის უფლებას გვაძლევს და XX საუკუნის ეკლესიის გადარჩენისთვის არც თავად აკეთებს რაიმეს”, - გვეუბნება სოფლის ერთ-ერთი მკვიდრი, რომელიც ვინაობას არ გვიმხელს.

ორივე, დიდსა და პატარა ხორენიაშიც, მრავალი უძველესი ძეგლია. სოფელს ნახევრად დანგრეული ციხე-სიმაგრე გადმოჰყურებს, უამრავი შესასვლელ-გამოსასვლელით. მოსახლეობას სიმაგრეში შესვლის ეშინია
.
“საით მიემართება ეს მიწისქვეშა ბილიკები არავის აინტერესებს. არაოსდეს არავინ მოსულა”, - ამბობენ სოფელში და ფიქრობენ, რომ ამ ციხის მიხედვა სოფლისთვისაც მომგებიანი იქნებოდა და ტურიზმის განვითარების თვალსაზრისითც.

სოფელში გენოციდის მსხვერპლთა პატივისცემად ორი ძეგლია აღმართული.

“სომეხთა გენოციდის ძეგლები იმ საწყობების ადგილას აღვმართეთ, რომლებიც თურქებმა მთა აბულის საძოვრებიდან დაბრუნებული ადგილობრივი მცხოვრებლებით აავსეს. 800 ადამიანი დახვრიტეს და შენობის ნანგრევებში სასიკვდილოდ განწირულები დატოვეს. დანარჩენები, ვინც წალკაში გაქცევა მოახერხა, გზაში სიცივისგან დაიხოცნენ. ჩვენ ყოველ წელს, 24 აპრილს, დაღუპულთა მოხსენიების დღეს ძეგლებთან მოვდივართ და მათ ყვავილებით ვამკობთ”, - ამბობს სოფლის მცხოვრები შავარშ კირაკოსიანი.

ორ მუნიციპალიტეტად გაყოფილი სოფელი

უკან ვბრუნდებით. გზაზე ადგილობრივების იმედიანი მზერა მოგვაცილებს.

იქვე, მდინარის პირას, ერთი დიასახლისი თეთრეულს რეცხავს. დიდი ხორენიის მკვიდრია თუ პატარა ხორენიის, აღარ ვეკითხებით. სოფელს, ორი სახელწოდებით, ერთი, საერთო პრობლემა აქვს, დიასახლისებს იმედი აქვთ, რომ წყლის პრობლემა დაზამთრებამდე მაინც მოგვარდება და ტანისამოსის დარეცხვა გაყინულ წყალში აღარ მოუხდებათ.

ორ მუნიციპალიტეტად გაყოფილი სოფელი

[ქრისტინა მარაბიანი, ახალქალაქი]


23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

15.10.2020 უნივერსიტეტებს შეუძლიათ ლექციები 19 ოქტომბრიდანაც დისტანიურად ჩაატარონ – გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

20.10.2020 ისრაელის ელჩმა ახალციხის უძველესი სინაგოგა მოინახულა

20.10.2020 ახალციხის მუნიციპალიტეტი ღია მმართველობის გლობალურ პარტნიორობას შეუერთდა ®

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

ხმა სოფლიდან: პატარა ხორენია [Audio]
კარწახში ყოველი დილა წყლის ზიდვით იწყება

სამი წყაროს იმედად

” სოფელში ახალგაზრდას ვეღარ ნახავ”
მოსაწყენი ყოველდღიურობა ხანჩალში
წყალი, გზა და გაზი –  წინუბნელები  ხელისუფლებისგან ყურადღებას ითხოვენ