FM97.5 / LIVE

სახლი სასაფლაოზე, სახურავის გარეშე

მთავარიSK TV » რეპორტაჟი 07.09.2012
გაუსაძლისი ცხოვრება სოფლის სასაფლაოზე და სტიქიის შედეგად განაგდურებული უკანასკნელი პროდუქტები. სახურავის გარეშე დარჩენილი ოჯახი საცხოვრებელი ფართით დაკმაყოფილებას და 1000-ლარიანი სესხის გადავადებას ითხოვს

სახლი სასაფლაოზე, სახურავის გარეშე
ადიგენის მუნიციპალიტეტის სოფელ ხარჯამში მცხოვრები სოციალურად დაუცველი სამსულიანი ოჯახი სახელმწიფოსგან დახმარებას ითხოვს.

ძლიერმა ქარმა, რომელმაც 4 აგვისტოს ადიგენის მუნიციპალიტეტს გადაუარა, ყველაზე მეტად სოფელ ხარჯამში, სოფლის სასაფლაოზე მდებარე ხის სახლში მცხოვრები ალავიძეების ოჯახი დააზარალა.

ქარმა სახლს სახურავი მთლიანად გადახადა.ჩაიმსხვრა ფანჯრის მინებიც. სახლში ჩასულმა წვიმამ კი ყველაფერი დაასველა და გაანადგურა.

”ბანკიდან მარწყვი ბარათით 1000 ლარი გამოვიტანე. ამ ფულით ორ ოთახში შპალერი გავაკარი და საკვები პროდუქტები ვიყიდე, მაგრამ სტიქიამ ყველაფერი გამინადგურა. სახლის კედლები ჩამორეცხა, ფქვილი კი დასველდა და გაფუჭდა”, - გვიამბობს დიასახლისი ეთერ ალავიძე.

21 წელია იგი სოფლის სასაფლაოზე ორ შვილთან ერთად ცხოვრობს.

”მყავს 18 წლის უნარშეზღუდული გოგონა, რომლის ასეთ პირობებში ცხოვრება შეუძლებელია. ხის სახლია და სიძველის გამო მის შეკეთებას აზრი არ აქვს. ვთხოვ ადიგენის გამგებელს და მხარის გუბერნატორს, დამეხმარონ, ორი ოთახი მაინც გამომიყონ სადმე, ან აქვე, ჩემს ეზოში რამდენიმე ოთახის აშენებაში დამეხმარონ”, - ამბობს დიასახლისი.
ადიგენის მუნიციპალიტეტში ამბობენ, რომ სტიქიის შედეგად დაზარალებულებს უკვე დაეხმარნენ. მათ შორის, ცხადია ალავიძეების ოჯახსაც.

”იმაზე მეტი თუნუქით და ხის მასალით დავეხმარეთ, რაც გადახურვისთვის იყო საჭირო. ამ ეტაპზე მეტის საშუალება არ გვაქვს, ახალ სახლს ვერ ავუშენებთ”, - აცხადებს ადიგენის მუნიციპალიტეტის გამგებელი სიმონ პარუნაშვილი.

სამსულიანი ოჯახი კი სოფლის სასაფლაოზე წლების განმავლობაში, შიშსა და სიცივეში ცხოვრობს. ფიცრებისაგან აშენებულ სახლში ზამთარში ცხოვრება გაუსაძლისი ხდება.

” ზაფხულში მთელი ღამე არ გვძინავს, სახლი სავსეა ქვეწარმავლებთ, ზამთარში კი თივის ზვინში ვათენებთ”, - ამბობს ეთერ ალავიძე და ამატებს, რომ სახურავის გარეშე დარჩენილ ოთახებში ისევე წვიმს, როგორც გარეთ.

სახლში, ოთი პატარა ოთახია. ოთახებში ორი საწოლის, რკინის ღუმელის, ძველი მაგიდისა და კარადის მეტი არაფერი დგას.

ოჯახის ახლობელს, რომან ღვიტიძეს ყველაზე პატარა ოთახში შევყავართ და მაგიდაზე სანახევროდ დაცლილ საჭმელი ზეთის ბოთლს გვიჩვენებს.

”მივმართავ ყველას, ვისაც ამ ოჯახის დახმარება შეუძლია. ამ სახლში ცხოვრება შეუძლებელია. ამ ზეთის მეტი არაფერი აქვთ”, -ამბობს იგი.

ეთერ ალავიძემ ”სამხრეთის კარიბჭეს” დასახმარებლად წერილითაც მიმართა.

”მივმართავ საქართველოს პრეზიდენტს, საქართველოს პირველ ლედის, პრემიერ-მინისტრს!. სტიქიისგან დანგრეულ სახლში მტოვებს ჩემი 21 წლის ვაჟი და სამხედრო სამსახურში მიდის.
”ჟეშტითა” და ხის მასალით უკვე დამეხმარნენ, მაგრამ ეს ქოხი აღარ აღდგება. გთხოვთ, ჩემს ეზოშივე რამდენიმე ოთახის აშენებაში დამეხმაროთ”, - ნათქვამია წერილში.

შეგახსენებთ, რომ ეს პირველი შემთხვევა არ არის. ალავიძეებმა ”სამხრეთის კარიბჭეს” 2009 წელსაც მიმართეს. ოჯახი მაშინაც დახმარებას და ყურადღებას ითხოვდა და ამის შესახებ ”სამხრეთის კარიბჭე” მაშინაც წერდა. ალავიძეები ამბობენ, რომ მაშინ მათი გასაჭირის გაზეთის ფურცლებზე გადატანამ შედეგი გამოიღო, გოგონას უფასოდ გაუკეთდა ოპერაცია, თუმცა, მისი მდგომარეობა გაცილებით მძიმე აღმოჩნდა. გოგონას თვეში ორჯერ თბილისში, ექიმთან კონსულტაცია ესაჭიროება, ალავიძეებს კი ამის საშუალება არ აქვთ.

ოჯახის შემოსავალი შვილის პენსია 70 ლარი და სოციალური დახმარებაა. მარტოხელა დედა ამბობს, რომ ეს თანხა შვილის მედიკამენტების საყიდლადაც არ ჰყოფნის.

”ექიმებმა ორ კილოზე მეტის აწევის უფლება არ მომცეს, ამიტომ ძალიან მიჭირს წიგნების ტარება”, - ამბობს თეონა და მოკრძალებულად გვიმხელს, რომ მისი ოცნება ნეთბუქია, რომელიც სწავლაში დაეხმარება.

ეთერ ალავიძეს დახმარების სათხოვნელად მხარის გუბერნატორთან სურდა შეხვედრა. თუმცა, ერთკვირიანი ლოდინი უშედეგო აღმოჩნდა. რეგიონის პირველ პირს მასთან შესახვედრად არ ეცალა. ალავიძეებმა ვერც კანცელარიაში დატოვებულ წერილზე მიიღეს პასუხი.

”15 ადამიანი ველოდებოდით გუბერნატორთან, ივანე წიკლაურთან შეხვედრას, ჩემს გოგონასთან ერთად, ყოველდღე მიწევდა სოფლიდან ჩამოსვლა, მაგრამ ნახვა მაინც ვერ მოვახერხე”, - ამბობს იგი.

მხარის გუბერნატორთან შეხვდრა ვერც ”სამხრეთის კარიბჭემ” შეძლო.

” დღეს და ხვალ ივანე წიკლაური მოქალაქეებს ვერ მიიღებს, რისთვისაც ბოდიშს გიხდით. რაც შეეხება წერილს, ის ადიგენის მუნიციპალიტეტს გადაეცა და პასუხს ათ დღეში მიიღებს”, - განგვიმარტეს კანცელარიაში.

სახლი სასაფლაოზე, სახურავის გარეშე

[თინათინ ზაზაძე, ადიგენი]


16.09.2019 ქალაქ ახალციხის სკოლებში 387 პირველკლასელი მივიდა [ფოტო]

16.09.2019 დღეს საჯარო სკოლებში სწავლა იწყება

14.09.2019 ახალციხელმა მოსწავლეებმა წიგნის კითხვის კონკურსში გაიმარჯვეს

13.09.2019 ეროვნული გამოცდებისთვის უნივერსიტეტებმა დამატებითი საგნები შეარჩიეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.09.2019 ახმეტელის თეატრი ახალციხეში – ფესტივალის მესამე დღე

15.09.2019 ფარეხასთან ავარიის შედეგად დაშავებული მკურნალობას თბილისში გააგრძელებს

14.09.2019 ასპინძაში ერთი ტრაილერი მეორეს შეეჯახა

14.09.2019 რას ნახავთ დრამატურგიის ფესტივალის მეორე დღეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

მსგავს თემაზე

ხარჯამის სასაფლაოზე მცხოვრები ალავიძეები დახმარებას ითხოვენ
უტყისუბანში მრავალშვილიანი ოჯახი უკიდურეს გაჭირვებაში ცხოვრობს
ოთხსულიანი ოჯახი დროებით საცხოვრებელში
ხარჯამში საცხოვრებელი სახლი ნაწილობრივ დაიწვა
გაჭირვებული ოჯახი ხელისუფლებას დახმარებას სთხოვს
აბასთუმანში მცხოვრებ ყვირილიანებს ჩამოშლილი კლდე სახლს უნგრევს
უტყისუბანში მრავალშვილიან ოჯახს ადიგენის გამგეობა თუნუქითა და ცემენტით დაეხმარება