FM97.5 / LIVE
სახურავის საქმეზე საფინანსო პოლიციის, ფინანსთა სამინისტროს მომსახურების სააგენტოსა და ახალციხის მუნიციპალიტეტის გამგეობის თანამშრომლები დაიკითხნენ; მხარეების შეკითხვებს მშენებლობაზე დასაქმებულმა მუშამაც უპასუხა;">

რას ამბობენ მოწმეები ხე-მასალის შესახებ სახურავის საქმეზე

მთავარისამართალი 21.01.2015
სახურავის საქმეზე საფინანსო პოლიციის, ფინანსთა სამინისტროს მომსახურების სააგენტოსა და ახალციხის მუნიციპალიტეტის გამგეობის თანამშრომლები დაიკითხნენ; მხარეების შეკითხვებს მშენებლობაზე დასაქმებულმა მუშამაც უპასუხა;

რას ამბობენ მოწმეები ხე-მასალის შესახებ სახურავის საქმეზე

ახალციხის მუნიციპალიტეტის გამგეობის ინფრასტრუქტურის სამსახურის ყოფილი სპეციალისტების რევაზ მერაბიშვილისა და გიორგი ქასრაშვილის საქმეზე დღეს, 21 იანვარს, ოთხი მოწმე დაიკითხა.

პირველად ჩვენება ფინანსთა სამინისტროს საგამოძიებო სამსახურის საგამოძიებო დეპარტამენტის სამცხე-ჯავახეთის სამმართველოს უფროს ინსპექტორ–გამომძიებელმა მისცა. გამოძიება აღნიშნულ საქმეზე სწორედ მისი პატაკით დაიწყო. ასევე,იგი მონაწილეობდა ახალციხის მუნიციპალიტეტის გამგეობისა და „სამცხე 21-დან“ დოკუმენტების ამოღებაში.

ინსპექტორ–გამომძიებელის განმარტებით, სატენდერო დოკუმენტების მიხედვით, ამ სახურავზე უნდა გაკეთებულიყო პარიპეტის კედელი, თუმცა არ გაკეთებულა. ასევე, მშენებელი კომპანია დღგ-ს გადამხდელი არ იყო, მაგრამ თანხა დღგ-ს გათვალისწინებით ჩაერიცხა. გარდა ამისა, მშენებელს დაახლოებით 54 კუბური მეტრი ხე მასალა სჭირდებოდა, რისთვისაც ხარჯთაღრიცხვით 10 438 ლარი იყო გათვალისწინებული, თუმცა, მას მხოლოდ 2 800 ლარის, 7 კუბური მეტრის შესყიდვა უფიქსირდება. როგორც იგი ამბობს, გამოძიება საქმეზე სწორედ ამ საეჭვო გარემოებების გამო დაიწყო.

საიდან და როგორ მიიღო დანარჩენი ხე მასალა „სამცხე 21-ის“ დირექტორმა გურამ ფარცახაშვილმა, ინსპექტორ–გამომძიებლის შემდეგ დაკითხულმა მოწმეებმა ისაუბრეს.

ფინანასთა სამინისტროს მომსახურების სააგენტოს თანამშრომელის გიორგი ნოზაძის განცხადებით, 2013 წლის აგვისტოში, ახალციხის მუნიციპალიტეტის გამგეობას ასპინძის ქუჩაზე კორპუსის დაზიანებული სახურავის შესაკეთებლად 54, 988 კუბური მეტრი მასალა მან გადასცა: „ვინ წაიღო ეს მასალა და როგორ ნამდვილად აღარ ვიცი“.

მასალა რომ გურამ ფარცახაშვილმა წაიღო და ამისთვის ხარჯი გამგეობას არ გაუწევია, ახალციხის მუნიციპალიტეტის გამგეობის ეკონომიკისა და ინფრასტრუქტურის სამსახურის სპეციალისტმა ზურაბ სამსონიძემ ისაუბრა. მისი თქმით, მან ფარცახაშვილთან ერთად შემოიარა ბორჯომის მუნიციპალიტეტის სოფლები და თითოეული კუბური მეტრი პირადად მიუთვალა.

„ორი რეისი“ ერთად ჩამოვიტანეთ და საბარგო სადგურზე დავდეთ, დანარჩენი, სადაც ისეთი ადგილი იყო, რომ მანქანა ვერ მიუდგებოდა, ფარცახაშვილმა ჩემს გარეშე, თავად ჩამოიტანა“, - განაცხადა სამსონიძემ სასამართლო დარბაზში და დაამატა, რომ დავალება, ფარცახაშვილისთვის გადაეცა მასალა, ახალციხის მუნიციპალიტეტის მაშინდელი გამგებლის ბესიკ ბლიაძისგან მიიღო.

მისივე თქმით, მასალა ფარცახაშვილს გამგეობისთვის მაშინ უნდა დაებრუნებინა, როცა ეს გამგეობას დასჭირდებოდა. თუმცა, როცა ამ მოთხოვნით ფარცახაშვილს მიმართეს, მან მასალა ვერ დააბრუნა: „მიზეზად განმარტა, რომ გამოძიება იყო დაწყებული და მის დასრულებამდე მასალას ვერ გადმოგვცემდა, თუმცა აცხადებდა, რომ მასალა ჰქონდა. იმის შესახებ, ეს მასალა ფარცახაშვილმა სახურავის მშენებლობისას გამოიყენა თუ არა, ნადვილად არ ვიცი“.

კონკრეტულად ეს, ანუ საფინანსო სააგენტოს მიერ გადაცემული მასალა იყო თუ არა რასაც სახურავის მშენებლობისას იყენებდნენ, მუშამ გერონტი კურტანიძემაც არ იცის. თუმცა, მისი თქმით, ხე-მასალას სწორედ საბარგო სადგურიდან მიჰქონდათ.

მომავალი სასამართლო პროცესი 28 იანვარს 16:00 საათზე გაიმართება.

შეგახსენებთ, რომ საფინანსო პოლიციამ მერაბიშვილი, ქასრაშვილი და ფარცახაშვილი 11 აპრილს დააკავა. მათ ბრალი სისხლის სამართლის კოდექსის სამი მუხლით ედებათ: უფლებამოსილების ბოროტად გამოყენება - 332-ე მუხლი; სამსახურეობრივი სიყალბე - 342-ე მუხლი და მითვისებასა და გაფლანგვაში დახმარება 182-ე მუხლი; გამამტყუნებელი განაჩენის გამოტანის შემთხვევაში, ქასრაშვილსა და მერაბიშვილს თავისუფლების აღკვეთა შვიდიდან 11 წლამდე ემუქრებათ. გამგეობის ყოფილ თანამშრომლებთან ერთადაა ბრალდებული მშენებელი ფირმის შპს „სამცხე 21“- ს დირექტორი გურამ ფარცახაშვილი, თუმცა მისი საქმე მერაბიშვილისა და ქასრაშვილის საქმეს ცალკე გამოეყო.

[თამუნა უჩიძე, ახალციხე]


05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

05.08.2020 განათლების მინისტრი – სწავლა 15 სექტემბერს საკლასო ოთახებში დაიწყება

05.08.2020 საფეხური: 'ოპიზარი' პროფესიული განათლების მსურველებს სწავლას 16 პროგრამაზე სთავაზობს [აუდიო]

04.08.2020 ბიოლოგიისა და ფიზიკის გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

05.08.2020 ‘ფინანსები არ გვაქვს’ - ბორჯომის მუზეუმის რეაბილიტაცია გადაიდო

04.08.2020 ხულო-ზარზმის გზის აღდგენისთვის ტენდერში გამარჯვებული გამოვლინდა

04.08.2020 ტურისტულ სეზონზე ბორჯომის მუზეუმი დაკეტილია

31.07.2020 ცოტა რამ გიორგიწმინდაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

მსგავს თემაზე

სახურავის საქმეზე მუშები დაიკითხნენ
რას ამბობენ მოწმეები სახურავის საქმეზე
სახურავის საქმეზე მოწმეების დაკითხვა გრძელდება
სახურავის საქმეზე ბოლო პროცესი უნდა გამართულიყო, თუმცა გადაიდო
ახალციხეში სახურავის საქმე დასკვნით ეტაპზე გადავიდა
ახალციხეში სახურავის  საქმეზე არსებითი განხილვა დაიწყო
სახურავის საქმეზე დამდგარ შედეგში ოლეგ სანდროშვილს ადანაშაულებენ