FM97.5 / LIVE

გამოფენა, სპექტაკლები, სტუმრები, ფეიერვერკი - ქართული თეატრის დღე მესხეთში აღნიშნეს

მთავარისაზოგადოება 14.01.2015
ქართული პროფესიული თეატრის ცხოვრების ამსახველი გამოფენა, ქართული თეატრის მიღწევების ამსახველი ვიდეორგოლი, მესხეთის თეატრის მსახიობების დაჯილდოვება, მინისტრები და წამყვანი თეატრების მსახიობები სტუმრად, ნაწყვეტები სპექტაკლებიდან და ფეიერვერკი - მესხეთში თეატრის 140 წლის იუბილე და ქართული თეატრის დღე აღნიშნეს.

გამოფენა, სპექტაკლები, სტუმრები, ფეიერვერკი - ქართული თეატრის დღე მესხეთში აღნიშნეს

ქართული თეატრის დღისა და მესხეთის თეატრის 140 წლის იუბილეს აღნიშვნა 13 იანვრიდან დაიწყო. 13 იანვარს, მესხეთის თეატრში, თბილისის ნ. დუმბაძის სახელობის მოზარდ მაყურებელთა თეატრის სპექტაკლი „ჩვენ გველის დიდება“ გაიმართა.

14 იანვარს საზეიმო ღონისძიებები 15:30 საათზე, მესხეთის თეატრის ფოიეში გამოფენით გაგრძელდა. გამოფენა „ქართული კერა მესხეთში“, რომელიც მუსიკის, კინოსა და ქორეოგრაფიის მუზეუმის ორგანიზებით გაიმართა, ქართული პროფესიული თეატრის ყველა ღირშესანიშნავ მოვლენასა და მესხეთის თეატრის ისტორიას ასახავდა. გამოფენაზე გამოტანილი იყო სამოცამდე ფოტორეპროდუქცია: პირველი ქართული თეატრალური შენობები, როგორ გამოიყურებოდა პირველი ქართული თეატრის ჭაღი, როგორი იყო ზუბალაშვილების სახლი, ოპერის თეატრის პროექტები დააშ.

„მესხეთის თეატრმა ძალიან დიდი როლი ითამაშა რეგიონში ქართული ეროვნული სულის შენარჩუნებისა და აყვავების საქმეში. ამიტომ ჩვენს მუზეუმში საკმაოდ ბევრი და საინტერესო მასალაა დაცული, მათ შორის 1901 წლიდან“, - ამბობს საქართველოს ხელოვნების სასახლის დირექტორი გიორგი კალანდია.

გამოფენის შემდეგ სტუმრებმა თეატრის დარბაზში გადაინაცვლეს, სადაც ვიდეორგოლის პრეზენტაცია გაიმართა. ვიდეორგოლში ასახული იყო ქართული პროფესიული თეატრის 2014 წლის წარმატებები და მიღწევები.

პრეზენტაციის შემდეგ, კულტურის სამინისტროს საპატიო სიგელებით დაჯილდოვდნენ მესხეთის თეატრის ღვაწლმოსილი მსახიობები.

მოგვიანებით, სცენა სპქტაკლების ნაწყვეტებს დაეთმო. მესხეთის თეატრის მსახიობებმა სპექტაკლი „მე მინდა კნეინა გავხდე“ დადგეს. სხვადასხვა სპექტაკლები გააცოცხლეს სცენაზე საქართველოს თეატრების წამყვანმა მსახიობებმა.

მესხეთის თეატრის სამხატვრო ხელმძღვანელმა ლია სულუაშვილმა ორი ერთგული მაყურებელი ერთწლიანი უფასო აბონემენტით დააჯილდოვა.

„ჩვენ საკმაოდ ძირძველი თეატრი გვაქვს, რითაც ძალიან ვამაყობთ. დღევნადელ დღეს ქართული თეატრის 165 და მესხეთის თეატრის 140 წლის იუბილეს ვზეიმობთ“, - განაცხადა მესხეთის სახელმწიფო დრამატული თეატრის სამხატვრო ხელმძღვანელმა ლია სულუაშვილმა.

საზეიმო საღამოს საქართველოს კულტურისა და ძეგლთა დაცვის მინისტრი მიხეილ გიორგაძე, მინისტრის მოადგილე მანანა ბერიკაშვილი, იუსტიციის მინისტრი თეა წულუკიანი, ბორჯომის მაჟორიტარი დეპუტატი გედევან ფოფხაძე და თეატრის მოღვაწეები ესწრებოდნენ.

„მიგვაჩნია, რომ ძალიან მნიშვნელოვანია ამ რეგიონში ასეთი ღონისძიების აღნიშვნა. მესხეთის თეატრის მოღვაწეობა არის ძალიან მნიშვნელოვანი ქართული იდენტობის შესანარჩუნებლად, დასამკვიდრებლად და დასამტკიცებლად. ვულოცავთ 140 წლის იუბილეს ახალციხეს“, - განაცხადა კულტურის მინისტრის მოადგილემ მანანა ბერიკაშვილმა.

„ახალციხეს აქვს ძალიან დიდი ტრადიციები თეატრალური ხელვნების. მიმაჩნია, რომ ნებისმიერ ღონისძიება, რომელიც მესხეთის თეატრს გააძლიერებს, არის ძალიან მნიშვნელოვანი", - განაცხადა გედევან ფოფხაძემ.

იუბილეს აღნიშვნა ადგილობრივი ანსამბლის „მესხეთის“ მრავალჟამიერით და ფეიერვერკით დასრულდა.

[თინათინ ზაზაძე, ახალციხე


20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

19.05.2020 სამცხე-ჯავახეთის უნივერსიტეტში სწავლის საფასურის გადახდის ვადა გახანგრძლივდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.05.2020 მთავრობას საგანგებო მდგომარეობის გარეშე შეზღუდვების დაწესება შეეძლება

22.05.2020 საპატრიარქოს ეკლესიები 20 ჰექტარ ტყეს დაირეგისტრირებენ - კოდექსი დამტკიცდა

22.05.2020 ‘ტურისტებს მოუწევთ დოკუმენტის წარდგენა, რომ კოვიდზე გამოკვლეული არიან’ - გამყრელიძე

22.05.2020 გაძვირდა თუ არა სტომატოლოგიური მომსახურება ახალციხეში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

მესხეთის თეატრი 140 წლის იუბილეს ზეიმობს
ჯილდო მესხეთის თეატრის ხელმძღვანელს
მესხეთის თეატრი 140 წლის იუბილესა და ქართული თეატრის დღეს ზეიმობს [Photo]
მესხეთის თეატრში მიუზიკლი „ჩვენ გველის დიდება“ გაიმართება
ახალციხელი მსახიობები თეატრის საერთაშორისო დღეს აღნიშნავენ
14 იანვარი ქართული თეატრის დღეა
მესხეთის თეატრის მსახიობები ბათუმში სპექტაკლს გამართავენ