FM97.5 / LIVE

არათანაბარი პირობები პენსიონერებისათვის

მთავარიეკონომიკა 09.02.2012
საქართველოს პრეზიდენტის ახალი ინიციატივის თანახმად, 67 წელს ზემოთ ასაკის პენსიონერებს პენსია 140 ლარამდე გაეზრდებათ, ამ თანხაში შევა დაზღვევაც. ოპოზიციურ პარტიებს იდეა არ მოსწონთ და ამბობენ, რომ ასე პენსიონერების დისკრიმინაცია ხდება

საქართველოში საპენსიო ასაკი ქალებისთვის 60, ხოლო მამაკაცებისთვის 65 წლით განისაზღვრება. პენსიის მომატება მხოლოდ 67 წელს გადაცილებულებს ეხებათ. სექტემბრიდან მათი პენსია 140 ლარამდე გაიზრდება, თუმცა, ამ თანხას ჩამოეჭრება სადაზღვევო პაკეტის ღირებულება, 15 ლარი. გამოდის, რომ საბოლოოდ, პენსიონერი ხელზე 125 ლარს აიღებს.

საპარლამენტო ოპოზიციას ინიციატივა არ მოსწონს. საპენსიო რეფორმასთან დაკავშირებით შენიშვნები აქვს ქრისტიან-დემოკრატიულ მოძრაობასაც. საპარლამენტო მოძრაობის წევრები ამბობენ, რომ ახალი საპენსიო და სოციალური პაკეტი პენსიონერების დიდი ნაწილისთვის რეალურად არაფერს შეცვლის, რადგან პენსია არ გაეზრდებათ შეზღუდული შესაძლებლობების მქონე პირებსა და მარჩენალ დაკარგულ ოჯახებს.

- “დღეს სოციალური ფონის გათვალისწინებით, ქვეყანაში კრიტიკული მდგომარეობაა. პირდაპირ ჩნდება ასოციაცია, რომ ეს გადაწყვეტილება უკავშირდება არჩევნებს. საინტერესოა, რა ლოგიკით ირჩევთ 67 წელს?! გაზრდილი პენსიის მისაღებად მამაკაცებს 2 წელი მოუწევთ ლოდინი და ქალებს _ 7 წელი. კიდევ არის მეორე კატეგორია, მარჩენალ დაკარგულები და შეზღუდული შესაძლებლობების მქონე პირები. ის მაინც გავაკეთოთ, რომ მათ სამედიცინო დაზღვევა მივცეთ”, - ამბობს “ქრისტიან-დემოკრატიული მოძრაობის” წევრი მაგდა ანიკაშვილი.

სადაზღვევო პაკეტის და მომატებული პენსიის გარეშე რჩება 16 წლის რუბიკ გევორქიანიც, რომელიც დაუნის სინდრომითაა დაავადებული. მისი ინვალიდობის პენსია მხოლოდ 70 ლარს შეადგენს. იმისათვის, რომ მან სრულფასოვანი განათლება მიიღოს, ძვირადღირებული მკურნალობა ესაჭიროება.

- “გონებისა და მეტყველების განვითარებისთვის საჭირო მკურნალობის ორი კურსის ჩატარება 2000 ლარამდე დამიჯდა. დანარჩენი ორი კურსის გავლა ვეღარ მოვახერხეთ. მას მერე ბავშვისთვის არც მკურნალობა და არც სხვა სახის კურსები არ ჩამიტარებია”, - ამბობს რუბიკ გევორქიანის დედა მაყვალა ხმალაძე.

მესამე წელია გევორქიანი მეშვიდე საჯარო სკოლაში დადის. პედაგოგები ამბობენ, რომ მისი მდგომარეობა რთულია. მათ დედაც ეთანხმება. “ბავშვს ათის ფარგლებში დათვლაც კი უჭირს. მისი მდგომარეობა სულ უფრო მძიმდება”, - ამბობს იგი.

რუბიკ გევორქიანის გარდა ინვალიდობის პენსიას მისი 64 წლის ბიძაც იღებს. მას ნერვული სისტემა აქვს დაზიანებული. თენგიზ ხმალაძე ახალციხის სარაიონთაშორისო ფსიქო-ნერვოლოგიურ დისპანსერში უკვე რამდენიმე წელია აღრიცხვაზეც იმყოფება.

- “ჯარში რომ მსახურობდა, იქ დაემართა ეს დაავადება. მას მერე სულ წამლებზეა დამოკიდებული. ფსიქო-ნერვოლოგიურ დისპანსერში მხოლოდ რამდენიმე აბს აძლევენ, ეს წამლებიც თვიდან თვემდე არ ჰყოფნის”, -ამბობს მაყვალა ხმალაძე.

ხუთწევრიანი ოჯახის შემოსავალი კი მხოლოდ 340 ლარით განისაზღვრება. “ასეთ კატეგორიის პირებს როგორ არ უნდა ეკუთვნოდეს პენსიის მომატება ან სადაზღვევო პაკეტი?! აბა ვის სჭირდება დახმარება, თუ არა ამათ?! ასეთი კატეგორიის ხალხს მთავრობა არც აცხოვრებს და არც კლავს”, - ამბობს მაყვალა ხმალაძე.

ქრისტიან-დემოკრატები აცხადებენ, რომ იმ შემთხვევაში თუ მათი შენიშვნები გათვალისწინებული არ იქნება, ჯანდაცვის მინისტრის პასუხისმგებლობის საკითხს დააყენებენ

ოპოზიციურ პარტიებს შენიშვნები აქვთ სადაზღვევო პაკეტთან დაკავშირებითაც. ახალციხის მუნიციპალიტეტის საკრებულოს წევრის და “კონსერვატიული პარტიის” წარმომადგენლის ოლეგ სანდროშვილის თქმით, სადაზღვევო პაკეტში ისეთი მომსახურება შედის, რომლის გამოყენებასაც პენსიონერები ვერ მოახერხებენ.

- “მოსახლეობისთვის რაც უფრო მოთხოვნადია მომსახურება, იმას 15 ლარად არცერთი სადაზღვევო არ აზღვევს. ამას გაცილებით მეტი ღირებულების პაკეტი სჭირდება. ეს დაზღვევაც ისევე კრახით დამთავრდება, როგორც რამდენიმე წლის წინ 5-ლარიანი დაზღვევის პროგრამა დასრულდა”, - ამბობს იგი და გვიხსნის, რატომ არ არიან დაზღვევაში შესული შეზღუდული შესაძლებლობების მქონე პირები და მარჩენალ დაკარგულები, - ამ კატეგორიის პირებს მეტი დახმარება სჭირდებათ: წამლები, ოპერაციები და პერიოდულად, სხვადასხვა სახის კურსები. სახელმწიფო მათ 15 ლარში არ დააზღვევს, რადგან მოვლა უფრო მეტი დაუჯდებათ. არცერთ სადაზღვევო კომპანიას არ აწყობს იმ მცირე სადაზღვევო პაკეტში ასეთი კატეგორიის პირები დააზღვიოს”.

ულიმიტო გადაუდებელი ოპერაციები 20-პროცენტიანი თანადაფინანსებით; ნებისმიერი გეგმიური ოპერაცია 15'000 ლარის ფარგლებში; ქიმიოთერაპი და სხივური თერაპია ასევე 20-პროცენტიანი თანადაფინანსებით; უფასო კონსულტაცია ექიმთან; 50-პროცენტიანი თანადაფინანსება მედიკამენტების შეძენისას (ლიმიტი 200 ლარი); შარდის და სისხლის უფასო ანალიზები, - ეს ის მომსახურებებია, რასაც პენსიონერებს სექტემბრიდან, გაზრდილ პენსიასთან ერთად შესთავაზებენ.

[მანანა სარაშვილი, ახალციხე]


20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

13.03.2020 ამერიკელი დიპლომატები ქართველ ბავშვებს წიგნებს ონლაინ წაუკითხავენ

11.03.2020 სასწავლო დაწესებულებებში არდადეგები 1-ელ აპრილამდე გახანგრძლივდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

27.03.2020 ‘მორწმუნე საზოგადოებას დიდი გამოცდის ჩაბარება უწევს’- დეკანოზი ნიკოლოზ აბრამაშვილი

27.03.2020 ‘ამბობდნენ, მოკალით პეტროსიანიო’ – რას ჰყვება ყოფილი დეპუტატი ახალქალაქში მომხდარ სროლაზე

27.03.2020 ბავშვთა ვაქცინაცია უწყვეტად უნდა გაგრძელდეს - დაავადებათა კონტროლის ცენტრი

27.03.2020 დღეს არსად არ არის შეკრების დრო, არც სამეგობროში და არც ეკლესიებში - პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

დაზღვევა საპენსიო დანამატის სანაცვლოდ
იანვრიდან პენსია და სოციალური პაკეტები იზრდება
კუთვნილი, მაგრამ მიუწვდომელი პენსია
წინასაარჩევნოდ  გააქტიურებული დაზღვევის თემა
დღეიდან სადაზღვევო პოლისების დარიგება დაიწყო
ხვალიდან პენსია 20 ლარით იზრდება