FM97.5 / LIVE

მოხეში მიმდინარე მოვლენებს სახალხო დამცველი მონიტორინგს გაუწევს

მთავარი 22.10.2014
საქართველოს სახალხო დამცველი ადიგენის მუნიციპალიტეტის გამგეობას მოუწოდებს, საკითხის სენსიტიურობიდან და მნიშვნელობიდან გამომდინარე, მოხეში შენობის დემონტაჟი შეაჩეროს.

მოხეში მიმდინარე მოვლენებს სახალხო დამცველი მონიტორინგს გაუწევს

საქართველოს სახალხო დამცველის განცხადებას უცვლელად გთავაზობთ:

„მედია საშუალებებით გავრცელებული ინფორმაციით, ადიგენის მუნიციპალიტეტის სოფელ მოხეში ყოფილი მეჩეთის დემონტაჟი მიმდინარეობს. შენობა მუსლიმ მრევლს საბჭოთა პერიოდში ჩამოერთვა, და მას შემდეგ წლებია ადგილობრივი მუსლიმი მოსახლეობა მის დაბრუნებას ითხოვს.
საქართველოს სახალხო დამცველისთვის ცნობილი გახდა, რომ მიმდინარე წელს, ადიგენის მუნიციპალიტეტის გამგეობამ მიიღო გადაწყვეტილება ამ შენობის კლუბად გადაკეთებასთან დაკავშირებით. გამგეობამ „ადიგენის მუნიციპალიტეტის სოფელ მოხის კლუბის რეაბილიტაციის სამუშაოების შესყიდვის შესახებ“ ელექტრონული ტენდერი გამოაცხადა. ტენდერში გამარჯვებულმა კომპანიამ უკვე დაიწყო შენობის დემონტაჟი, რასაც ადგილობრივი მუსლიმი მრევლის პროტესტი მოჰყვა. შესაძლო დაპირისპირების თავიდან აცილების მიზნით, შენობის პერიმეტრს პოლიცია იცავდა. შეკრებილმა მოქალაქეებმა პოლიციის თანამშრომლებს სიტყვიერი შეურაცხყოფა მიაყენეს და პოლიციის ავტომანქანები დააზიანეს.
საქართველოს შინაგან საქმეთა სამინისტროს განცხადებით, დაკავებულია მუსლიმი თემის 14-მდე წარმომადგენელი. მათ შორის 11 პირი ადმინისტრაციული სამართალდარღვევის კოდექსით გათვალისწინებული ქმედებისათვის – წვრილმანი ხულიგნობა (მუხლი 166) და პოლიციის კანონიერი მოთხოვნისადმი დაუმორჩილებლობა (მუხლი 173), ხოლო 3 პირი სისხლის სამართლის კოდექსის 353–ე მუხლით (პოლიციის მიმართ წინააღმდეგობის გაწევა, ჩადენილი ჯგუფურად) გათვალისწინებული დანაშაულის ჩადენისთვის.

აღსანიშნავია, რომ სახალხო დამცველი უკვე წლებია საუბრობს სხვადასხვა რელიგიური გაერთიანებისთვის საბჭოთა პერიოდში ჩამორთმეული რელიგიური დანიშნულების შენობა-ნაგებობების საკითხის მოგვარების საჭიროებაზე, მათ შორის სოფელ მოხეში მდებარე ისტორიული მეჩეთის საკითხზე.

როგორც 2013 ასევე 2014 წელს ადგილი ჰქონდა მუსლიმთა უფლებების დარღვევის არაერთ შემთხვევას, რაც საქართველოს სახალხო დამცველის 2013 წლის ანგარიშში დეტალურად არის განხილული. სოფელ მოხეში მომხდარი ფაქტი კვლავ ქმნის რელიგიური ნიშნით დაპირისპირების საფრთხეს.

საქართველოს სახალხო დამცველი მოუწოდებს ადიგენის მუნიციპალიტეტის გამგეობას, საკითხის სენსიტიურობიდან და მნიშვნელობიდან გამომდინარე, შეაჩეროს შენობის დემონტაჟი. მნიშვნელოვანია, ყველა მსგავსი საკითხი, ადგილობრივმა თვითმმართველობებმა მოსახლეობის და განსხვავებული შეხედულებების მქონე პირების მაქსიმალური ჩართულობით განიხილონ და ისე მიიღონ გადაწყვეტილება. მითუმეტეს, რომ საკითხი კონსტიტუციით გარანტირებული რელიგიის თავისუფლებით სარგებლობის უფლებაში ჩარევას შეიძლება შეეხებოდეს.

განსაკუთრებით შემაშფოთებელია სოფელ ჭელის მეჩეთის წინამძღვრის განცხადება, რომლის მიხედვით 20 ოქტომბერს, ადგილობრივ თვითმმართველობასა და მუსლიმებს შორის სოფელ მეხის მეჩეთთან დაკავშირებულ საკითზე გამართულ შეხვედრაზე, სამცხე–ჯავახეთის გუბერნატორი მუსლიმებს დაემუქრა, არ მოისმინა მათი პოზიცია და განუცხადა, რომ გადაწყვეტილება უკვე მიღებულია და კულტურის სახლი მაინც გაიხსნება.

სახალხო დამცველი მოუწოდებს საქართველოს ხელისუფლებას, ადგილობრივ თვითმმართველობას, ასევე საქართველოს შინაგან საქმეთა სამინისტროს, იმოქმედოს საქართველოს კანონმდებლობით გარანტირებული თანასწორუფლებიანობის და რელიგიის თავისუფლების პრინციპების დაცვით.

საქართველოს სახალხო დამცველი შეისწავლის სადავო შენობასთან დაკავშირებულ საკითხებს და მონიტორინგს გაუწევს დღეს დაკავებულ პირთა საქმეების სასამართლოში განხილვა".


შეგახსენებთ, რომ სოფელ მოხეში დღეს დილიდან ხმაური იყო. მუსლიმმა მოსახლეობამ ძველი მეჩეთის შენობის დემონტაჟი გააპროტესტა, რასაც პოლიციასთან დაპირისპირება მოყვა. ამ დროისთვის დაკავებულია 14 მუსლიმი.

[ნინო ნარიმანიშვილი, ახალციხე]


14.07.2020 საფეხური: 'კითხვები რომ სომხურად იყოს, გამოცდას ყველა პედაგოგი ჩააბარებს' [აუდიო]

12.07.2020 აბიტურიენტები ეროვნულ გამოცდებს ისტორიაში აბარებენ

11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.07.2020 სამცხე-ჯავახეთის რომელ სოფლებში დაიწყება 2020 წელს გაზიფიცირება

14.07.2020 გადამფრენ ფრინველებზე ნადირობის სეზონი 22 აგვისტოს დაიწყება

13.07.2020 რამდენი ლარით დაჯარიმდებით გარემოს დანაგვიანებისთვის - ნარჩენების მართვის კოდექსში ცვლილებები შევიდა

13.07.2020 200 კაცი რომ ნასვამი იქნება, იქ რაიმე დისტანციის დაცვაზე შეიძლება იყოს ლაპარაკი? – პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

შსს მოხეში მოქალაქეების დაკავების მოტივს განმარტავს
ომბუდსმენი: „სწრაფად გადაწყვიტეთ მოხეში სადავო შენობის კუთვნილების საკითხი“
მოხეში ძველი მეჩეთის დემონტაჟი პოლიციის დაცვით მიმდინარეობს
რელიგიის საკითხთა სახელმწიფო სააგენტოს განცხადება მოხეში მიმდინარე მოვლენებზე
უჩა ნანუაშვილი სოფელ მოხეში მუსლიმებს ხვდება [Photo]
მოხეში ძველი მეჩეთის შენობის დემონტაჟი გაგრძელდა
მოხის მეჩეთი და კომისია  სახალხო დამცველის ანგარიშში