FM97.5 / LIVE

ადიგენის სკოლაში ბავშვებს სასმელი წყალი სახლიდან მიაქვთ

მთავარისაზოგადოება » განათლება 17.10.2014
დაბა ადიგენის საჯარო სკოლაში თითქმის ერთი თვეა სასმელი წყლის მილია დაზიანებული რის გამოც მოსწავლეებს წყალი სახლიდან მიაქვთ. აღნიშნული პრობლემის შესახებ ადიგენის მუნიციპალიტეტის გამგეობაში იციან, თუმცა დაზიანებული მილი ამდრომდე არ შეკეთებულა.

ადიგენის სკოლაში ბავშვებს სასმელი წყალი სახლიდან მიაქვთ დაბა ადიგენის საჯარო სკოლაში სასმელი წყლის პრობლემა მიმდინარე სასწავლო წლის დასაწყისიდან არსებობს. ბავშვები სასმელ წყალს სახლიდან ეზიდებიან.

ადიგენის საჯარო სკოლის ერთ–ერთი პირველკლასელის მშობელი, რომლის სახელს და გვარს რესპოდენტის თხოვნით არ ვასახელებთ ამბობს, რომ შვილს სასმელ წყალს ყოველ დღე სახლიდან ატანს.

„სკოლაში წელს მივიყვანეთ და მას შემდეგ წყალს ჩანთით ატარებს. სკოლის ეზოში წყალი საერთოდ არ არის, ბალონებით მოაქვთ საიდანღაც, ერთ ოთახში უდევთ გრაფინი და ერთი ჭიქა, ამ ერთი ჭიქით სვამს ყველა და ამიტომ მირჩევნია, რომ სახლიდან წაიღოს“, – ამბობს დაბა ადიგენის საჯარო სკოლის ერთ–ერთი მოსწავლის მშობელი და ამატებს, რომ აღნიშნულ სკოლაში პირველკლასელების უმეტესობა ასე იქცევა.

მისივე თქმით, სკოლა მათი სახლიდან მოშორებითაა და ბავშვს სკოლაში სიარული ხშირად ფეხითაც უწევს.

„გარდა ამისა ბავშვს ჩანთაში წიგნები და კომპიუტერიც უდევს, ამიტომ როცა სკოლაში ფეხით მიდის მეზობელ გოგონებს ვაყოლებ და მათ უწევთ ჩემი შვილის ჩანთის ტარება“, – ამბობს იგი.

ადიგენის მუნიციპალიტეტში 25 საჯარო სკოლაა, აქედან ერთი დაბაშია. არსებობს თუ არა სასმელი წყლის პრობლემა ადიგენის მუნიციპალიტეტის საჯარო სკოლებში ადიგენის საგანმანათლებლო რესურსცენტრში კომენტარს არ აკეთებენ. როგორც რესურსენტრში „სამხრეთის კარიბჭეს“ განუცხადეს ამის შესახებ თავად სკოლის დირექტორებს უნდა ვკითხოთ.

დაბა ადიგენის საჯარო სკოლაში, რომ წყლის სისტემა დაზიანებულია ამას სკოლის დირექტორიც გვიდასტურებს, თუმცა აღნიშნავს, რომ ბავშვებს სასმელი წყლის პრობლემა არ აქვთ, რადგან ადმინისტრაცია წყალს ახლომდებარე ონკანიდან ეზიდება.

„სასმელი წყლის მილი ეზოში შემოყვანილია, მაგრამ ძველი კორპუსის რეაბილიტაციის დროს მილი დაზიანდა და შესაკეთებელია. ახალი სასწავლო წელი, რომ დაიწყო ეს პრობლემა მაშინ გაჩნდა, მანამდე წყალი ჩვეულებრივად გრაფიკით მოდიოდა. გამგეობა დაგვპირდა, რომ დაზიანებულ მილს შეაკეთებენ“, – ამბობს დაბა ადიგენის საჯარო სკოლის დირექტორი ალექსანდრე ბერიძე.

ადიგენის მუნიციპალიტეტის გამგეობაში აღნიშნული პრობლემის შესახებ იციან და ამბობენ, რომ შესაძლებლობის ფარგლებში დაეხმარებიან.

„აღნიშნული პრობლემა ჩვენთვის ცნობილია, ადრე ჩამაყენეს საქმის კურსში. ამისთვის კომისიაც გამოვყე და საქმე შესწავლილია. მოგეხსენებათ, რომ სკოლა განათლების სამინისტროს დაქვემდებარებაშია და ჩვენი ქონება არ არის, ამიტომ ზუსტად ვერ გეტყვით როდის, მაგრამ კანონისა და ჩვენი ბიუჯეტის ფარგლებში რისი შესაძლებლობაც გვექნება აუცილებლად დავეხმარებით“, – ამბობს ადიგენის მუნიციპალიტეტის გამგებელი ზაქარია ენდელაძე.

[თამარ თოთაძე, ადიგენი]


20.08.2019 ჯილდოს მიღების მსურველი პედაგოგებისთვის განცხადების შეტანის ვადა იწურება

19.08.2019 მასწავლებელთა გამოცდის შედეგები და გასაჩივრების ვადები ცნობილია

16.08.2019 სამაგისტრო გამოცდის შედეგები ცნობილია

16.08.2019 ახალციხელი სოფიო ტაბატაძე ლიეტუვაში სრული დაფინანსებით ისწავლის

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.08.2019 სოციალური მუშაკი: ‘ტყემლანაში მცხოვრები ოჯახიდან ბავშვების წამოყვანას არ ვგეგმავთ’

20.08.2019 ბორჯომ–ხარაგაულის პარკში საფეხმავლო ხიდებს მოაწყობენ

20.08.2019 სამოქალაქო ინიციატივებისთვის ხმის მიცემის პროცესი დაიწყო

20.08.2019 ‘თორი-დინამო’ - ბორჯომში რეგიონული ლიგა განახლდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

ერთი კვირაა დაბა ასპინძას სასმელ წყალს სახანძრო-სამაშველო სამსახური აწვდის
ადიგენის მერია  ჩორჩნის სკოლის ეზოში გამავალ არხს მოაწესრიგებს
ნინოწმინდის სკოლების ნაწილს სასმელი წყალი არ აქვს-რას გეგმავს მერია

ორ კვირაზე მეტია ვარხნის მოსახლეობას სასმელი წყალი არ მიეწოდება
სახიფათო გზა სახლიდან სკოლამდე - მოსწავლეებს ტრანსპორტით მომსახურება შეუწყდათ
განათლების სამინისტრომ საჯარო სკოლებს დირექტორობის კანდიდატები წარუდგინა