FM97.5 / LIVE

ბორჯომის საკრებულოს დეპუტატი: ‘ბესარიონ ფოფხაძეს სახეში შევაფურთხე’

მთავარიპოლიტიკა 19.09.2014
დაპირისპირება ბორჯომის საკრებულოში და ჩაშლილი საკრებულოს სხდომა. რატომ იჩხუბეს დეპუტატებმა და რატომ შეაფურთხა უმცირესობის წევრმა გიორგი გიუაშვილმა უმრავლესობის წევრს ბესარიონ ფოფხაძეს;

ბორჯომის საკრებულოს დეპუტატი: ‘ბესარიონ ფოფხაძეს სახეში შევაფურთხე’
გიორგი გიუაშვილი

ბორჯომის მუნიციპალიტეტის საკრებულოში დღეს, 19 სექტემბერს, 12:00 საათზე დაგეგმილი სხდომა ჩაიშალა. მიზეზი დეპუტატებს შორის ფიზიკური დაპირისპირება გახდა.

საკრებულოს დეპუტატი „ლეიბორისტული პარტიიდან“ გიორგი გიუაშვილი ყვება, რომ საკრებულოს სხდომის შესახებ მას ინფორმაცია არ მიაწოდეს და გასარკვევად საკრებულოში მივიდა.

„სრულიად შემთხვევით გავიგე, რომ საკრებულოს სხდომა იყო, არავინ გამაფრთხილა. შევედი შენობაში და ამ დროს დავინახე საკრებულოს წევრი ბესარიონ ფოფხაძე, მინდოდა გასაუბრება, წინა კონფლიქტთან დაკავშირებით რა პრეტენზიები ჰქონდა, დავუძახე, ყურადღება არ მომაქცია და პირდაპირ სახეში შევაფურთხე. მომიბრუნდა დასარტყმელად და ამ დროს წაიქცა. სერიოზეული დაზიანებები არ ექნება“, – აცხადებს უმცირესობის წარმომადგენელი გიორგი გიუაშვილი და ამატებს, რომ სწორედ ფოფხაძე იყო 29 აგვისტოს მისი საკრებულოს ოთახში ჩაკეტვის ორგანიზატორი.

ბორჯომის საკრებულოს დეპუტატი: ‘ბესარიონ ფოფხაძეს სახეში შევაფურთხე’ ბესარიონ ფოფხაძე, რომელიც ბორჯომის მაჟორიტარი დეპუტატის, საპარლამენტო უმრავლესობის წევრის გედევან ფოფხაძის ძმაა, ამ დროისთვის ბორჯომის პოლიციაში დაკითხვაზე იმყოფება.

როგორც ბესარიონ ფოფხაძე „სამხრეთის კარიბჭესთან“ განმარტავს, მას სახეზე დაზიანებები აქვს: „არ ვიცი რა მოხდა, მოქალაქეს ვესაუბრებოდი და პირდაპირ წამოვიდა აგრესიაზე“.

ბორჯომის მუნიციპალიტეტის საკრებულოს თავმჯდომარე ზაზა ჩაჩანიძე გიორგი გიუაშვილის ბრალდებას სიცრუეს უწოდებს და ამბობს, რომ გიუაშვილმა სხდომის შესახებ იცოდა.

„დეპუტატს მაშინ ვაფრთხილებთ, როცა რიგგარეშე სხდომაა. ეს იყო დაგეგმილი სხდომა. დებულებაში წერია, რომ სხდომა ყოველი თვის მესამე კვირის პარასკევს, 12:00 საათზე იმართება. ამ ყველაფრის მიუხედავად, გიუაშვილი საკრებულოს აპარატმა სხდომის შესახებ გააფრთხილა“, – განმარტავს ზაზა ჩაჩანიძე და დღევანდელი ინციდენტის დეტალებს იხსენებს: „ძალიან ცუდი ფაქტი მოხდა. იწყებოდა სხდომა, დეპუტატი, იურიდიული კომისიის თავმჯდომარე ბესარიონ ფოფხაძე ესაუბრებოდა მოქალაქეს, გიორგი გიუაშვილი უკნიდან მიეპარა და დაარტყა ხელი, მიაყენა სერიოზული დაზიანებები. ამ ყველაფერზე დაიწყება მოკვლევა, ვიდეოკამერებზე ყველაფერია აღბეჭდილი“.

შეგახსენებთ, რომ ეს ბორჯომის საკრებულოში დეპუტატებს შორის დაპირისპირების პირველი შემთხვევა არ არის.

დეპუტატებს შორის ურთიერთობა პირველად 29 აგვისტოს დაიძაბა. ფიზიკური დაპირისპირება გიორგი გიუაშვილსა და საკრებულოს წევრ ალეკო გელაშვილს შორის მოხდა, გიუაშვილმა გელაშვილს სახეში მძიმე საგანი ჩაატყა. ამ საქმეს სსკ–ის 125–ე მუხლით იძიებენ.

[თინათინ ზაზაძე, ბორჯომი]


19.06.2019 საგამოცდო ბარათების ამობეჭდვა აპლიკანტებს 20 ივნისიდან შეეძლებათ

19.06.2019 სკოლებში დასაქმებული მასწავლებლებიდან საპენსიო ასაკის მქონე 16 406 პედაგოგია

17.06.2019 17 ივნისს სკოლებში სამეურვეო საბჭოს არჩევნები გაიმართება

16.06.2019 ახალციხის N1 საბავშვო ბაღს სრული რეაბილიტაცია ჩაუტარდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.06.2019 დააკლდნენ ახალციხეს რუსი ტურისტები?

25.06.2019 ადიგენის ცხრა სოფელში ამბულატორია მოეწყობა

25.06.2019 ინფორმაცია მიწის რეგისტრაციის მსურველთათვის

25.06.2019 26 ივნისს უდეში სახალხო დღესასწაული 'ანთიმოზობა' გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

ბორჯომში დეპუტატები ერთმანეთს ფიზიკურად დაუპირისპირდნენ
დეპუტატი გიორგი გიუაშვილი: 'თანამდებობას ვტოვებ'
რას იძიებს პოლიცია ბორჯომის საკრებულოში
გედევან ფოფხაძე ბორჯომის საკრებულოს ხელახალი არჩევნების საჭიროებაზე ალაპარაკდა
ბორჯომის საკრებულოში მომხდარზე შსს–მ ძიება მუქარის მუხლით დაიწყო
ბორჯომის საკრებულოში პოლიცია გამოიძახეს [Video]
ბორჯომის საკრებულოში მომხდარ დაპირისპირებაზე ძიება დაიწყო