FM97.5 / LIVE

ახალციხის ცენტრალური სტადიონის რეაბილიტაცია გადაიდო

მთავარისაზოგადოება 08.09.2014
ახალციხეში, მიხეილ იაძის სახელობის ცენტრალური საფეხბურთო სტადიონის სარეაბილიტაციო სამუშაოები მომავალი წლისთვის გადაიდო. თუმცა, შესაძლოა რეაბილიტაციის გეგმაში ცვლილებები შევიდეს.

ახალციხის ცენტრალური სტადიონის რეაბილიტაცია გადაიდო

სტადიონის აღდგენა–რეაბილიტაციისთვის 2014 წლის ადგილობრივ ბიუჯეტში 300 ათასი ლარი იყო გათვალისწინებული. თუმცა, ქალაქის მერის გიორგი კოპაძის თქმით, აღნიშნული თანხა მუნიციპალიტეტის არასწორ ლიკვიდაციას შეეწირა: „საბიუჯეტო ცვლილებები განხორციელდა, არასწორად გაიცა ხელფასები და კომპენსაციები. თითქმის 300 ათას ლარზე მეტი იყო გამოყოფილი და სხვა რამეში დაიხარჯა. მაგრამ ახლა ამ თანხის მობილიზებას ვახდენთ, პარალელურად ვაწარმოებთ მოლაპარაკებებს იმ ადამიანებთან, ვინც ძირითადი თანხა გამოყო, ეს არის მძლეოსნობის ფედერაცია“.

საქართველოს მძლეოსნობის ეროვნულ ფედერაციას ახალციხის ცენტრალური სტადიონის 50–პროცენტიანი წილი გასული წლის ბოლოს გადაეცა. აქ დაახლოებით მილიონნახევრიანი ინვესტიციის განხორციელება იგეგმება. გეგმის თანახმად, რეაბილიტაციის შემდეგ ახალციხის ცენტრალური სტადიონი მრავალფუნქციური უნდა გახდეს. თუმცა, შესაძლოა სპორტსკოლის მიმდებარე ტერიტორიაზე საცურაო აუზის აღარ გაკეთდეს.
ახალციხის მერის განმარტებით, მომავალ წელს საქართველოს სპორტისა და ახალგაზრდობის სამინისტრო ახალციხეში სპორტის სასახლის გაკეთებას გეგმავს. სამინისტრომ ქალაქის მერიას შესაბამისი ტერიტორიის გადაცემა უკვე მოსთხოვა.

„მეორე სკოლასა და სპორტსკოლას შორის ეს ტერიტორია უკვე მოვძებნეთ, მოვამზადეთ შესაბამისი წერილი, რომ ეკონომიკის სამინისტრომ გადმოგვცეს ეს ადგილი და შემდგომ ჩვენ გადავცემთ სპორტისა და ახალგაზრდობის სამინისტროს. იქ 2,5 ჰექტარზე იგეგმება სპორტის სასახლისა და საცურაო აუზის გაკეთება. აქედან გამომდინარე, საცურაო აუზი ახლანდელი სპორტსკოლის ტერიტორიაზე შესაძლოა აღარ გავაკეთოთ“, – ამბობს გიორგი კოპაძე.

მომავალი წლიდან სტადიონის რეაბილიტაცია კი იწყება, მაგრამ, ეყოლება თუ არა ქალაქს გუნდი, ეს ჯერ გაურკვეველია.

„ჩვენ ვიფიქრებთ ამაზე, მაგრამ ჩემი გამოცდილებიდან ვიტყვი, რომ უზარმაზარი თანხები იხარჯებოდა და პირველ ლიგაში ვერ ათამაშებდნენ. ვიწვევდით სხვადასხვა რაიონებიდან და ძალიან დიდი თანხები გვიჯდებოდა. თუ ადგილობრივი რესურსი მოგვცემს ამის საშუალებას ამ შემთხვევაში შეიძლება. ამიტომ ჩვენ ვიმუშავებთ სპორტსკოლების განვითარებაზე და აქვე გაიზრდებიან ფეხბურთელები“, – ამბობს კოპაძე.

[თამარ თოთაძე, ახალციხე]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.04.2020 დაგვიცავს თუ არა ვირუსისგან ქართული წარმოების პირბადეები

10.04.2020 როგორ ახერხებენ ვარჯიშს კარანტინში მყოფი სპორტსმენები [ვიდეო]

09.04.2020 აბასთუმნის მიწათსარგებლობის და განაშენიანების გენგეგმა დამტკიცდა

09.04.2020 ბორჯომში მე–12 სართულიდან ძაღლის გადმოგდებისთვის 31 წლის კაცი დააკავეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხეში ცენტრალურ სტადიონის აღდგენა დაიწყო
აშენდება თუ არა საცურაო აუზი ახალციხეში - გამოცხადებული ტენდერი ჩავარდა
ახალციხის ცენტრალურ სტადიონს სტატუსი ეცვლება
რატომ არ არის ახალციხეში ფეხბურთი პოპულარული [ფოტო/ვიდეო]
ბორჯომში ცენტრალური სტადიონის ინფრასტრუქტურა მოეწყობა
ახალციხეში 16 ქუჩის რეაბილიტაცია იგეგმება
”მესხეთი” ისევ დამფინანსებელს ეძებს [Photo]