FM97.5 / LIVE

ასპინძელებს მორწყვის იმედები გაუცრუვდათ

მთავარიეკონომიკა 26.07.2014
დაბა ასპინძაში მცხოვრებ მოსახლეობას სარწყავი წყალი უკვე წლებია არ აქვს. მიმდინარე წელს დაბაში არსებულ ოთხ არხს რეაბილიტაცია ჩაუტარდა. თუმცა, 12 ივლისს მოსული სტიქიის შედეგად არხები დაზიანდა და მოსახლეობას ისევ პრობლემა შეექმნა.

ასპინძელებს მორწყვის იმედები გაუცრუვდათ

სამცხე–ჯავახეთის სხვა მუნიციპალიტეტების მსგავსად, სარწყავი წყლის პრობლემა ასპინძის მუნიციპალიტეტშიც აწუხებთ. იმის გამო, რომ წყალსაქაჩები ყველა სოფელში არ არის, მოსახლეობა წვიმის იმედადაა დარჩენილი. მათ იმედებს კი ცხელი ზაფხული არ ამართლებს.
მიმდინარე წელს, ადგილობრივი ბიუჯეტიდან გამოყოფილი თანხებით, ასპინძაში სათავე ნაგებობა მოეწყო და დაბა ასპინძაში არსებულ ოთხ სარწყავ არხს რეაბილიტაცია ჩაუტარდა. თუმცა, ამით პრობლემა არ მოგვარდა.

„დაახლოებით 7-8 წელიწადია ასპინძაში სარწყავი წყალი საერთოდ არ არის. წელს უკვე გაკეთებული იყო სათავე ნაგებობა და არხები. იმედი გვქონდა, რომ მოვრწყავდით და თითქმის ყველამ აითვისა მიწის ნაკვეთები, მაგრამ სტიქიამ სულ დაანგრია ყველაფერი, მოშალა და იმის მერე არ გაკეთებულა“, - ამბობს დაბა ასპინძაში მცხოვრები ლუიზა ათენაშვილი.

წვიმის იმედადაა დარჩენილი დაბაში მცხოვრები თამრიკო არსენიშვილიც: „ციხისუბანში18 მეასედი მიწის ფართობი მაქვს, პომიდორი, სიმინდი, ლობიო, ბულგარული წიწაკა და კარტოფილი მქონდა დათესილი და საერთოდ აღარაფერი აღარ არის, უწყლობის გამო ყველაფერი ჩახმა. სასმელი წყალიც მხოლოდ ერთი საათით მოდის და სარწყავად ვერ გამოიყენებ“.

ადგილობრივები ამბობენ, რომ სტიქიის შემდეგ არხები მხოლოდ რამდენიმე უბანში გაიწმინდა.

„წელს გამგეობამ კარგი საქმე გაგვიკეთა, ამდენი წლის განმავლობაში ასპინძაში სარწყავი წყალი არ გვქონდა. წელს გააკეთეს, მაგრამ მერე სტიქიამ დააზიანა. მე გარეუბანში ვცხოვრობ, ტრაქტორი დაგვახმარეს და გაიწმინდა არხები, ჩვენ სარწყავი წყლის პრობლემა არ გვაქვს“, - ამბობს ნინელი ლონდარიძე.

ასპინძის მუნიციპალიტეტის გამგეობაში განმარტავენ, რომ მიმდინარე წლის გაზაფხულზე სარწყავი წყლის პრობლემა დაბაში ფაქტობრივად მოგვარებული იყო. თუმცა, ვიდრე რწყვის სეზონი დადგებოდა, ასპინძას სტიქიამ შეუტია და გაწმენდილი არხები დააზიანა.

„გასულ წელს შევქმენით ახალი სამსახური ააიპ „ასპინძის მელიორაცია“, გამოიყო თანხები, შესრულდა სამუშაოები, მოეწყო სათავე ნაგებობები, ზოგან ბეტონი ჩაისხა, ზოგან მილები გაკეთდა და მარტის ბოლოს იმ ოთხივე არხში, რომელიც დაბა ასპინძაში ფუნქციონირებს, წყალი გამოყვანილი იყო. თუმცა სტიქიამ ყველაფერი გააფუჭა“, - განმარტავს ასპინძის მუნიციპალიტეტის გამგებლის მოადგილე ალექსანდრე პაპაშვილი.

მისივე თქმით, დაბაში პრობლემა ნაწილობრივ უკვე მოგვარებულია. მოსახლეობა ნათესებს უკვე რწყავს, თუმცა იქ სადაც პრობლემა ისევ არის, მელიორაციის სამსახური არხების გაწმენდას ეტაპობრივად ახორციელებს.

„ამ სტიქიამ დაგვანახა, რომ სარწყავ არხებს თუ კაპიტალურად, რკინა-ბეტონით არ ჩაუტარდება რეაბილიტაცია, პატარა წვიმაზეც პრობლემა შეგვექმნება, კარგად გაკეთებულ არხს კი ვერ დააზიანებს“, - განმარტავს პაპაშვილი.

რაც შეეხება ასპინძის მუნიციპალიტეტის სოფლებს, გამგეობაში განმარტავენ, რომ მოსახლეობის ნაწილი არსებული წყალსაქაჩებით, ნაწილი კი თვითდინებით რწყავს მიწებს.

ამ ეტაპზე ააიპ „ასპინძის მელიორაციის“ ბალანსზე მხოლოდ ორი მოქმედი წყალსაქაჩია. ერთი სოფელ რუსთავში, მეორე კი დაბაში.
„გარდა ამისა, წელს რეაბილიტაცია ჩაუტარდა სოფელ ივერიის წყალსაქაჩს. ხიზაბავრა ირწყვება საგუბრით და სოფელი საროა დარჩენილი, სადაც ძველი საქაჩის აღდგენას ვფიქრობთ. ასევე გვინდა სოფელ აწყვიტის საქაჩის აღდგენა, რომელიც უფრო მეტად დაზიანებულია. სხვა სოფლებში თვითდინებით რწყავენ“, - ამბობს გამგებლის მოადგილე.

მისივე თქმით, სამართლებრივად დასარეგულირებელია ჯარიმები და სანქციები, რაც მელიორაციის სამსახურმა მოსახლეობას არასწორად დახარჯულ წყალზე უნდა დააკისროს. პაპაშვილი განმარტავს, რომ თუ მოსახლეობას გარკვეული ჯარიმები დაეკისრება, ყველა იმ რაოდენობის სარწყავ წყალს გამოიყენებს, რაც სჭირდება და შესაბამისად ნაკვეთების მორწყვას ყველა შეძლებს.

სოფლის მხარდაჭერის პროგრამის ფარგლებში ასპინძის მუნიციპალიტეტში წელს სარწყავ წყალზე თანხა გამოყოფილი არ არის. ალექსანდრე პაპაშვილის თქმით, სასმელი წყლის პრობლემაც არ არის საბოლოოდ მოგვარებული და თუ სადმე წყალზეა საუბარი, მოსახლეობა უპირატესობას სასმელ წყალს ანიჭებს.

[თამარ თოთაძე, ასპინძა]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

ასპინძაში ხეხილის ბაღები ხმება
ასპინძაში სოფლების უმრავლესობა რწყვის სეზონს წვიმის იმედად ხვდება
წვიმაზე დამოკიდებული მოსავლიანობა
წვიმის იმედად დარჩენილი კლდის მოსახლეობა
ერთი კვირაა დაბა ასპინძას სასმელ წყალს სახანძრო-სამაშველო სამსახური აწვდის
დაბა ასპინძაში სარწყავი არხის რეაბილიტაცია იგეგმება
ორი დღეა დაბა ასპინძაში სასმელი წყალი არ აქვთ