FM97.5 / LIVE

ვანო მერაბიშვილის ბიძას სასამართლომ გამამტყუნებელი განაჩენი გამოუტანა

მთავარისამართალი 03.07.2014
ახალციხის რაიონულმა სასამართლომ შპს „ტაოს“ დირექტორს ლევან თუმანიშვილსა და მასთან ერთად ბრალდებულ შპს „ტაოს“ ბუღალტერს თენგიზ ფარცახაშვილს გამამტყუნებელი განაჩენი გამოუტანა.

ვანო მერაბიშვილის ბიძას სასამართლომ გამამტყუნებელი განაჩენი გამოუტანა

„ერთიანი ნაციონალური მოძრაობის“ ყოფილი გენერალური მდივნის, ვანო მერაბიშვილის ბიძას ლევან თუმანიშვილსა და თენგიზ ფარცახაშვილს ბრალი სსკ-ის 210-ე მუხლის მეორე ნაწილის ა ქვე პუნქტით ედებოდათ, რაც ყალბი საანგარიშგებო დოკუმენტის დამზადება-გამოყენებას გულისხმობს და მძიმე კატეგორიის დანაშაულს მიეკუთვნება.

სასამართლომ დაადგინა, რომ მათ დანაშაული ჩაიდინეს, მაგრამ არა ჯგუფურად, არამედ ერთმანეთისგან დამოუკიდებლად. ამიტომ თუმანიშვილიცა და ფარცახაშვილიც დამნაშავედ იქნენ ცნობილი სსკ-ის 210-ე მუხლის პირველი ნაწილით.

სასჯელის სახედ და ზომად ორივე მათგანს განესაზღვრა თავისუფლების აღკვეთა 2 წლითა და 6 თვის ვადით. თუმცა, 2012 წლის 28 დეკემბრის ამნისტიის შესახებ აქტით, ორივე მათგანი გათავისუფლდა სასჯელის მოხდისგან.

გადაწყვეტილება ახალციხის რაიონული სასამართლოს მოსამართლემ მარიკა ჩიტაშვილმა, დღეს 3 ივლისს გამოაცხადა. პროცესს ბრალდების მხარე არ ესწრებოდა: პროკურორი რევაზ მამადაშვილი, სავარაუდოდ გულის შეტევით, ხუთი დღის წინ გარდაიცვალა.

გადაწყვეტილების გამოცხადების შემდეგ თუმანიშვილმა სასამართლო კომენტარის გარეშე დატოვა. მისმა ადვოკატმა სტეფანე თუმანიშვილმა კი განაცხადა, რომ მოსამართლეზე ზეწოლა განხორციელდა, წინააღმდეგ შემთხვევაში იგი მსგავს გადაწყვეტიელბას ვერ გამოიტანდა.

„6 თვეზე მეტი ველოდებოდით პროკურორის საბოლოო სიტყვას. საქმეში არ იყო არცერთი ისეთი მტკიცებულება, რომელიც მოსამართლეს ასეთი გადაწყვეტილების გამოტანის საფუძველს მისცემდა“, - განაცხადა ადვოკატმა და დაამატა, რომ ახალციხის რაიონული სასამართლოს გადაწყვეტილებას სააპელაციო სასამართლოში აუცილებლად გაასაჩივრებს.

ახალციხის რაიონულ სასამართლოში თუმანიშვილისა და ფარცახაშვილის საქმის განხილვა გასული წლის ოქტომბერში დაიწყო. მას ბრალდების მხარე, შპს „ტაოში“, 18 საანგარიშგებო დოკუმეტის გაყალბებაში ადანაშაულებდა. სასამართლოს გადაწყვეტილების თანახმად, თუმანიშვილმა და ფარცახაშვილმა დანაშაული 2008-2010 წლებში ჩაიდინეს.

ლევან თუმანიშვილისა და თენგიზ ფარცახაშვილის წინააღმდეგ ახალციხის რაიონულ სასამართლოში კიდევ ერთი საქმე განიხილება. აქაც ბრალდების მხარე მათ შპს „ტაოში“ დოკუმენტების გაყალბებას ედავება. სასამართლოში საქმის განხილვა სსკ-ის 210 მუხლით რამდენიმე თვეა რაც მიმდინარეობს. თუმანიშვილის ადვოკატის განცხადებით, ამ საქმეზე დასაკითხი ჯერ კიდევ 60-მდე მოწმე დარჩა.

[თამუნა უჩიძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.11.2019 ‘ფილმის გამშვებიცა და მნახველიც იესო ქრისტეს მაგინებელია’– თბილისში აქცია განახლდა

09.11.2019 აუქციონზე კურორტ აბასთუმანში სამი მიწის ნაკვეთი 584 000 ლარად გაიყიდა

09.11.2019 ოლავერდის სკოლაში 40 000 ლარად საპირფარეშო გააკეთეს, მაგრამ ვერ იყენებენ

09.11.2019 თოჯინების თეატრში სპექტაკლი 'პატარა უფლისწული' გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხის სასამართლომ ვანო მერაბიშვილის ბიძა გაამართლა
ლევან თუმანიშვილის  ადვოკატი: „ბრალდების მხარე საქმის განხილვას აჭიანურებს“
ადიგენის ყოფილი გამგებლის საქმის განხილვა სააპელაციო სასამართლოში გრძელდება
ახალციხის ყოფილი გამგებელი და პროკურატურა სასამართლოს გადაწყვეტილებას ასაჩივრებენ
ბორჯომში დაკავებული ექიმი ბრალს არ აღიარებს
ვინ ჩაანაცვლებს რევაზ მამადაშვილს პროკურატურაში?
ქეთევან ხმალაძის საქმის განხილვა სააპელაციოში არაერთხელ გადაიდო