FM97.5 / LIVE

მკვლელობაში ბრალდებულ საჯარო მოხელეს 7 წლით თავისუფლების აღკვეთა შეეფარდა

მთავარისამართალი 02.07.2014
80 წლის ქალის მკვლელობაში ბრალდებული მარინე სიმონიანის საქმეს ნაფიც მსაჯულთა სასამართლო აღარ განიხილავს. მას ახალციხის რაიონულმა სასამართლომ 7 წლით თავისუფლების აღკვეთა შეუფარდა;

მკვლელობაში ბრალდებულ საჯარო მოხელეს 7 წლით თავისუფლების აღკვეთა შეეფარდა

ახალციხის მუნიციპალიტეტის სოფელ წყალთბილის ტერიტორიული ორგანოს ყოფილ სპეციალისტს მარინე სიმონიანსა და პროკურატურას შორის საპროცესო შეთანხმება გაფორმდა. ამიტომ თბილისის საქალაქო სასამართლოში გადაგზავნილი საქმე, რომელიც ნაფიც მსაჯულებს უნდა განეხილათ, ახალციხის რაიონულ სასამართლოს უკან დაუბრუნდა.

მარინე სიმონიანს ახალციხის რაიონულმა სასამართლომ 25 ივნისს 7 წლით თავისუფლების აღკვეთა შეუფარდა.

სიმონიანი პროკურატურის შეთავაზებას საპროცესო გარიგების შესახებ მაშინ დასთანხმდა, როცა ბრლადებისა და დაცვის მხარე ნაფიც მსაჯულთა შერჩევის პროცედურაზე გადადიოდა.

„ნაფიცი მსაჯულები თუ ბრალს დაუმკტიცებდნენ და ალბათ ასეც იქნებოდა, სიმონიანს თავისუფლების აღკვეთა 16-დან 20-წლამდე ან უვადოდ ელოდებოდა. ამიტომ მან განზრახ მკვლელობა დამამძიმებელ გარემოებაში და ქურდობა აღიარა, რისთვისაც სასჯელი პროკურატურის შეთავაზებით შეუმცირდა და 7 წელი შეეფარდა“, - ამბობს მარინე სიმონიანის ადვოკატი ნუგზარ სამარჯიშვილი.

მისი თქმით, სიმონიანმა მკვლელობის დეტალები თანმიმდევრულად გაიხსენა: „ამბობს, რომ ვიდრე მასთან მივიდოდით სახლში მე და ს.ბ-მ მოვილაპარაკეთ თავიდანვე არ მოგვეკლა, რადგან მას ფული კიდევ ექნებოდა და ჯერ ის უნდა გაგვეგო ფულს და ძვირფასეულობას სად ინახავდაო. გვეხვეწებოდა არ მომკლათ, არც ის ფული მინდა რაც გასესხე და არც გიჩივლებთო. მაგრამ, როდესაც დავრწმუნდით, რომ მას ფული აღარ ჰქონდა, მაინც მოვკალითო“.

სიმონიანთან ერთად მკვლელობაში ბრადებული ს.ბ-ს საქმე საქალაქო სასამართლოში ნაფიც მსაჯულთა განსახილველად დარჩა. იგი დანაშაულს არ აღიარებს.

სამარჯიშვილის თქმით, ამ დროისთვის თბილისის საქალაქო სასამართლოში ნაფიცი მსაჯულობის 6 კანდიდატი უკვე შერჩეულია და დანარჩენების შერჩევის პროცესი მიმდინარეობს.

შეგახსენებთ, გარდაცვლილი ბაბოევი სამართალდამცავებმა 16 თებერვალს საკუთარ ბინაში იპოვეს. 17 თებერვლას კი მარინე სიმონიანი, ს.ბ. და მ.ს. დააკავეს. მომხადარზე ძიება სსკ-ის 109-ე მუხლის მე-2 ნაწილით (განზრახ მკვლელობა დამამძიმებელ გარემოებებში ჩადენილი ჯგუფურად) და 177-ე მუხლის მესამე ნაწილით (ჯგუფური ქურდობა) დაიწყო.

[თამუნა უჩიძე, ახალციხე]


24.01.2020 რა გზით შეუძლიათ პედაგოგებს გამოცდაზე დაკლებული 5 კრედიტქულის შევსება

22.01.2020 სამცხე-ჯავახეთის საჯარო სკოლებში 39 ვაკანტური ადგილია

20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.01.2020 ასპინძაში სახალხო დღესასწაული ‘ასპინძობა’ პირველად ჩატარდება

24.01.2020 ბორჯომის მხარეთმცოდნეობის მუზეუმს რეაბილიტაცია ჩაუტარდება

24.01.2020 კოხტა-პლატოს სასრიალო ტრასა გაიხსნა

24.01.2020 მესხეთის ქუჩიდან სამშენებლო ნარჩენები გაიტანეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

მსგავს თემაზე

ნაფიც მსაჯულთა სასამართლოზე მკვლელობაში ბრალდებული საჯარო მოხელე დაკითხეს
მკვლელობაში ბრალდებული საჯარო მოხელის საქმეზე ნაფიც მსაჯულთა შერჩევა დაიწყო
მკვლელობაში ბრალდებული საჯარო მოხელის საქმეს ნაფიცი მსაჯულები განიხილავენ
ნაფიცმა მსაჯულებმა მკვლელობაში ბრალდებული სერგეი ბაბოიანი გაამართლეს
პირველი საქმე სამცხე-ჯავახეთიდან, რომელსაც, სავარაუდოდ, ნაფიცი მსაჯულები განიხილავენ
დაუშვებელი მტკიცებულებები მკვლელობაში ბრალდებული საჯარო მოხელის საქმეში
80 წლის ქალის მკვლელობაში ბრალდებული საჯარო მოხელის წინასასასამართლო სხდომა