FM97.5 / LIVE

ახალქალაქში კუჭნაწლავის დაავადებები გახშირდა

მთავარი 15.05.2012
ახალქალაქის რაიონულ საავადმყოფოში იმ პაციენტთა რაოდენობა გაიზარდა, რომლებიც კუჭნაწლავის დაავადებებს უჩივიან

ახალქალაქის რაიონულ საავადმყოფოში იმ პაციენტთა რაოდენობა გაიზარდა, რომლებიც კუჭნაწლავის დაავადებებს უჩივიან

მედიკოსების თქმით, ისეთი დაავადებები, როგორიცაა: გასტრიტი, კუჭის წყლული, წყლულოვანი გასტრიტი და ასე შემდეგ, წელიწადის ამ დროს გამწვავებას იწყებს. თუმცა, ახალქალაქის რაიონული საავადმყოფოს ექიმები პაციენტთა განსაკუთრებულ მომართვიანობაზე საუბრობენ.

საავადმყოფოს ექიმი ვენერა მაიტესიანი ამბობს, რომ გასულ წელთან შედარებით კუჭნაწლავის დაავადებათა რიცხვმა საგრძნობლად მოიმატა. მისი განცხადებით, ეს დაავადება ძირითადად ავადმყოფის ჰოსპიტალიზაციის გარეშე ინკურნება, მაგრამ წელს მათ ჰქონდათ სტაციონალური მკურნალობის შემთხვევებიც: ’’ეს შეიძლება გამოწვეული იყოს სტრესით, ცხოვრების არაჯანსაღი წესით. ამას ხელს უწყობს უხარისხო პროდუქტები, კონსერვანტები, რამდენჯერმე გაყინული და გამლხვალი ხორცი’’.

კუჭნაწლავის ტრაქტის დაავადებებზე გენეტიკაც მოქმედებს. გარდა ამისა, სეზონური გამწვავება შეიძლება გამოწვეული იყოს დიეტის დარღვევით ან სხვადასხვა ვირუსული დაავადებებით.

წელს ვირუსული დაავადებები დიდხანს გაგრძელდა და ბევრმა დიდი დოზით გამოიყენა სიცხის დამწევი მედიკამენტები, მაგალითად, ასპირინი და ანალგინი. ექიმების თქმით, შესაძლოა ეს პრეპარატები კუჭნაწლავის ტრაქტის დაავადების ზრდის და გამწვავების მიზეზი გახდეს. ამიტომ, ისინი პაციენტებს ურჩევენ ექიმის დანიშნულების გარეშე არ გამოიყენონ მედიკამენტები და მუცლის ტკივილის, გულისრევის, გულძმარვის, კუჭნაწლავის ტრაქტის დარღვევის ან სისხლდენის დროს, აუცილებლად მიმართონ ექიმს.

- ”სოდიანი წყალი, რომელსაც ხშირად სვამენ, მხოლოდ ტკივილს აყუჩებს. ექიმს კი მაშინ მიმართავენ, როცა დაავდება უკვე გამწვავებულია”, - ამბობს ექიმი სოფია ალვარიანი და ამატებს, რომ ვისაც აღნიშნული დაავადება აქვს, წელიწადში ორჯერ პროფილაქტიკური მკურნალობა უნდა ჩაიტაროს.

ექიმების განცხადებით, როცა დაავადება გამწვავებულია და კლინიკური მდგომარეობა შეცვლილია, დიაგნოსტიკა და მკურნალობა რთულდება. ამ დროს აუცილებელი ხდება გასტროსკოპია, რაც რთული და არასასიამოვნო პროცედურაა.

ახალქალაქის საავადმყოფოს ქირურგის კარინე ხრიკიანის თქმით, საშუალოდ, გასტროსკოპია კვირაში ორ ადამიანს უტარდება, თუმცა, იმ ადამიანების რაოდენობა, ვისაც ეს დაავადება აწუხებს, გაცილებით დიდია.

- ”გასტროსკოპიის ჩატარებაზე თანხმდებიან მაშინ, როდესაც დიაგნოზი გაურკვეველია ან მკურნალობდა და სურს შედეგის ნახვა. ბევრ პაციენტს ესაჭიროება ამგვარი გამოკვლევა, მაგრამ ეშინიათ”, - ამბობს იგი.

მეცნიერები კუჭნაწლავის ტრაქტის დაავადებებს გელიკობაქტერმილორის მიკრობს უკავშირებენ. ბოლო წლებში დაავადების სამკურნალოდ ანტიბიოტიკებს იყენებენ, ადრე კი მკურნალობა მხოლოდ ქირურგიული ჩარევით ხდებოდა.

[შუშან შირინიანი, ახალქალაქი]


06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

05.07.2020 ეროვნული გამოცდები და რეკომენდაციები

05.07.2020 6 ივლისიდან პროფესიული კოლეჯები სასწავლო პროცესს განაახლებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

05.07.2020 ხვალ, 6 ივლისს, წყალი შეწყდება კურცხანის წყლით მოსარგებლე სოფლებში

04.07.2020 ‘მთელი მოსავალი განადგურდა’ – სტიქია ახალციხეში [ფოტო]

04.07.2020 სურსათის ეროვნული სააგენტოს ინფორმაცია

03.07.2020 შაბათ–კვირას სამცხე–ჯავახეთში იწვიმებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

მსგავს თემაზე

ექიმი გვირჩევს: კუჭ–ნაწლავის დაავადებები და მკურნალობა [Video]
ახალქალაქში შაქრიანი დიაბეტით დაავადებულთა რიცხვი იზრდება
როგორ დავიცვათ თავი ვირუსული ინფექციებისგან
ახალქალაქში სისხლის დიალიზი არ კეთდება
ახალქალაქში ციმბირის წყლული დაფიქსირდა
ბრტყელტერფიანობა - 21-ე საუკუნის დაავადება ახალგაზრდებში
ახალქალაქში ინფექციური განყოფილება არ აქვთ