FM97.5 / LIVE

Summer Job-ი დაიწყო

მთავარისაზოგადოება 20.07.2012
დღეიდან სტუდენტთა დასაქმების პროგრამა - Summer Job-ი დაიწყო. სამცხე-ჯავახეთის მასშტაბით პროექტში 240 სტუდენტი ჩაერთო

Summer Job-ი  დაიწყო

სტუდენტები ერთი თვის განმავლობაში, 20 ივლისიდან 20 აგვისტომდე იმუშავებენ და ხელფასის სახით 500 ლარს მიიღებენ. თანხის მიღება სტუდენტებს პლასტიკური ბარათების საშუალებით შეუძლიათ, რომელიც მათთვის უფასოდ საქართველოს ბანკმა დაამზადა.

პროგრამის მონაწილეებს პლასტიკურ ბარათებთან გადაეცათ ქუდები და სამაჯურები, წარწერით - „Summer Job”.

ნათია ზაზაშვილი ახალციხის სახელმწიფო-სასწავლო უნივერსიტეტის სტუდენტია. იგი უნივერსიტეტის ბიბლიოთეკაში დასაქმდა.

- ”პირველი დღეა და ჩემი სამუშაო უკვე მომწონს, წიგნების ელექტრონული ვერსია შემაქვს კომპიუტერში. აღებული თანხით დასვენებას ვაპირებ”, - ამბობს იგი.

გენადი ნიკადიმოვი კი აღებული თანხით ვალების დაფარვას გეგმავს: ”უნივერსიტეტის ეზოში მოედნის მოსაპირკეთებელ სამუშაოებს ვასრულებ. სიმართლე გინდათ გითხრათ? ხელფასით ვალების გადახდას ვაპირებ”.

ახალციხის უნივერსიტეტში 44 სტუდენტია დასაქმებული.
ამათგან, 14 უნივერსიტეტის სამეცნიერო ბიბლიოთეკაში, 2 - ბუღალტერიაში, 2 - ადამიანური რესურსების მართვის სამსახურში, 5 - უნივერსიტეტის გამომცემლობაში მუშაობს.

44 სტუდენტიდან 15 ვაჟია და ისინი ძირითადად ეზოში, ბილიკების კეთილმოწყობაზე, გამწვანებასა და ღობეების შეკეთებაზე მუშაობენ.

საზოგადოებასთან ურთიერთობის სამსახურის მთავარი სპეციალისტის გურანდა მოდებაძის თქმით, უნივერსიტეტში დასაქმებაზე რეგისტრაცია 50-მა სტუდენტმა გაიარა, თუმცა, ხელშეკრულების გასაფორმებლად მხოლოდ 44 გამოცხადდა: ”ექვსი ვაკანტური ადგილია, ხელმეორე რეგისტრაციის შემდეგ, ვიმედოვნებთ, რომ ეს ადგილებიც შეივსება”.

სარეზერვო სიაში დარეგისტრირება მსურველთათვის 18 ივლისს დაიწყო და 26 ივლისამდე გაგრძელდება.

რამდენი სტუდენტი დასაქმდა ახალციხის სასწავლო უნივერსიტეტიდან, ზუსტი ინფორმაცი არ აქვთ.

- ”სტუდენტებმა ონლაინ რეგისტრაცია გაიარეს, დასაქმების შესახებ ინფორმაცია თითოეულს მეილზე მიუვიდა, შესაბამისად, ზუსტი რაოდენობა არ გვაქვს”, - ამბობს მოდებაძე.

summer job-ის მონაწილე სტუდენტები ქვეყნის მასშტაბით სამოცდაათამდე სფეროში დასაქმდნენ. პროექტში სახელმწიფო უწყებების გარდა არასამთავრობო ორგანიზაციებიცაა ჩართული. პროექტი სტუდენტებს აძლევს საშუალებას ანაზღაურებად საქმიანობასთან ერთად პრაქტიკული გამოცდილება მიიღონ, რაც სამომავლოდ დასაქმების შესაძლებლობებს მისცემს.

შეგახსენებთ, რომ სტუდენტთა რეგისტრაცია 2012 წლის 20 მარტიდან, ინტერნეტით განხორციელდა. სტუდენტთა საზაფხულო დასაქმების პროგრამისთვის 2012 წლის ბიუჯეტიდან 12,5 მილიონი ლარი დაიხარჯება.

განათლებისა და მეცნიერების სამინისტრო პროგრამის ყველა მონაწილეს სთავაზობს ფოტოკონკურსს „ჩემი პირველი Summer Job”.

კონკურსში მონაწილეობისათვის სტუდენტი ჩართული უნდა იყოს საზაფხულო დასაქმების პროგრამაში, უნდა გადაიღოს ფოტო სამუშაოს შესრულების პერიოდში და 20 ივლისიდან გააგზავნოს ელ-ფოსტაზე: summerjob@mes.gov.ge

ფოტოკონკურსში მონაწილეობა შესაძლებელია სამინისტროს ოფიციალურ Facebook-ის გვერდზე www.facebook/mes.gov.ge.

კონკურსში მონაწილე ფოტოს ავტორი, რომელიც დააგროვებს ყველაზე მეტ “Like”-ს, შემეცნებითი ტურით დიდ ბრიტანეთში გაემგზავრება.

[თინათინ ზაზაძე, ახალციხე]


20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

19.05.2020 სამცხე-ჯავახეთის უნივერსიტეტში სწავლის საფასურის გადახდის ვადა გახანგრძლივდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.05.2020 საქართველოში 26 მაისამდე იწვიმებს

24.05.2020 'თუ არჩევნებზე ადამიანის გულის მოგება გინდა, ტყე კი არა ისეთი რამ უნდა აჩუქო, საიდანაც სარგებელს მიიღებს' – მიტროპოლიტი ნიკოლოზი

24.05.2020 საქართველოში კორონავირუსის 2 ახალი შემთხვევა გამოვლინდა, გამოჯანმრთელდა 13 პაციენტი

24.05.2020 მუსლიმები რამადან ბაირამის დღესასწაულს აღნიშნავენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

[img]http://netgazeti.ge/get_img?ImageId=7416[/img]
სამცხე-ჯავახეთის უნივერსიტეტის სტუდენტები გაცვლითი პროგრამით სლოვაკეთში გაემგზავრებიან
ახალციხის უნივერსიტეტში პირველკურსელთა რეგისტრაცია დაიწყო
ახალციხელი სტუდენტები დასაქმების სააგენტო HR-ის წარმომადგენლებს შეხვდნენ
ახალციხეში დასაქმების ფორუმი გაიმართა
უნივერსიტეტში სწავლა დაიწყო
სახელმწიფო უწყებებში სტაჟირების მსურველთა რეგისტრაცია 16 მარტს იწყება