FM97.5 / LIVE

ვინ აკეთებს გზას და სანიაღვრეებს სოფელ კლდეში?

მთავარიპოლიტიკა, არჩევნები 11.06.2014
ამომრჩევლის მოსყიდვა თუ ადმინისტრაციული რესურსის გამოყენება. ვინ წმენდს გზას სოფელ კლდეში და რაში ადანაშაულებენ „ოცნების“ გამგებლობის კანდიდატს ახალციხის მუნიციპალიტეტში;

ვინ აკეთებს გზას და სანიაღვრეებს სოფელ კლდეში?
ახალციხის მუნიციპალიტეტის სოფელ კლდეში ტრაქტორი, რომელმაც გზის გადაწმენდა და სანიაღვრე არხის გაჭრა დაიწყო, გუშინ, 10 ივნისს გამოჩნდა, გზიდან ტალახი გადახვეტა და სამუშაოები დღეს დილითაც გააგრძელა.

ადგილობრივები ამბობენ, რომ მათ გუშინ და დღეს დილითაც გზის გაწმენდასა და გაკეთებას „ქართული ოცნების“ გამგებლობის კანდიდატი ზაზა მელიქიძე დაჰპირდათ.

„აქ იყვნენ „ოცნებიდან“ მოსულები, გვითხრეს გვერდში დაგვიდექით და გზას გაგიკეთებთო და გუშინ ტრაქტორიც გამოგზავნეს“, - გვითხრა ერთ–ერთმა ადგილობრივმა.

ადგილობროვები ამბობენ, რომ გზის გაკეთებას დღეს დილით, პირუტყვის მინდორში გარეკვამდე სოფლის ცნეტრში შეკრებილ ადგილობრივებს ზაზა მელიქიძე კიდევ ერთხელ დაჰპირდა.

„ნახირი რომ უნდა გაგვერეკა, მაშინ მოვიდა მელიქიძე და გვითხრა, გზასაც გაგიკეთებთ და წყალსაცო, გზას ალბათ ეგ გვიკეთებს“, - ამბობს კლდეში მცხოვრები თამარ ტაბატაძე.

ვინ აკეთებს გზას და სანიაღვრეებს სოფელ კლდეში? ტექნიკა კლდეში ამ წუთებშიც მუშაობს. ის ადგილობრივები, რომლებიც მას სამუშაოების შესრულებაში ეხმარებიან, იმის შესახებ ვინ აკეთებს გზას, სხვა ინფორმაციას გვაწვდიან.

„სოფელი აკეთებს ამ გზას თვითონ“, - გვითხრა ბორის აჩელაშვილმა.

ტრაქტორის მძღოლმა ივერი ბარძიმაძემ კი განაცხადა, რომ იგი კლდეში გზის გასაწმენდად ახალციხის მუნიციპალიტეტის გამგებელმა მალხაზ ჟუჟუნაძემ გაგზავნა.

„ზედა უბანში ტრაქტორი სოფლის რწმუნებულის თხოვნით ნამდვილად მე გავგზავნე. დიზელის საწვავი ჩავუსხით და კეთილმოწყობის ტრაქტორი მივეცით“, - ამბობს ჟუჟუნაძე.

კითხვაზე, კონკრეტულად რა იყო ზედა უბანში გასაკეთებელი, ამბობს, რომ ზუსტად ვერ იხსენებს.

„სამხრეთის კარიბჭე“ კლდის რწმუნებულს დავით ლაცაბიძეს ვერ დაუკავშირდა. მისი ტელეფონი მიუწვდომელია.

„ეს არის წინასაარჩევნო აგიტაცია. კლდეში გზის გაკეთება არცერთი პროგრამით გათვალისიწინებული არ არის“, - ამბობს ახლციხის მუნიციპალიტეტის საკრებულოს თავმჯდომარის მოადგილე მალხაზ ასპანიძე.

საკრებულოშივე გვიხსნიან, რომ „სოფლის მხარდაჭერის პროგრამის“ ფარგლებში კლდეში კულტურის სახლის რიტუალების სახლად გადაკეთებაა გათვალისწინებული.

ვინ აკეთებს გზას და სანიაღვრეებს სოფელ კლდეში? „ქართული ოცნების“ გამგებლობის კანდიდატი ზაზა მელიქიძე კი კლდეში გზის გაწმენდითი სამუშაოების მასთან კავშირს კატეგორიულად უარყოფს: „წარმოდგენა არ მაქვს მანდ რა კეთდება, საიდან უნდა ვიცოდე?! მანდ არაფერი გამიგზავნია“.

კლდეში მცხოვრებლების თქმით, გუშინ საღმოს, „ოცნებისა“და „ნაციონალების“ წარმომადგენლებს გზაზე ჩატარებული სამუშაოების გამო შელაპარაკება მოუვიდათ.

„ეს არის ამომრჩევლის მოსყიდვა, - აცხადებს ახალციხის მერობის კანდიდატი „ნაციონალური მოძრაობიდან“ გელა დემეტრაძე, - ალბათ ჩვენმა წარმომადგენლებმა „ოცნებასთან“ ამის შესახებ იდავეს“.

„საერთაშორისო გამჭვირვალობა - საქართველოს“ იურისტი გიგი ჩიხლაძე გვიხსნის, რომ თუ გზა იქ ახალციხის მუნიციპალიტეტის გამგეობის დაფინანსებით კეთდება და ამას „ოცნების“ კანდიდატი თავისი რეკლამისთვის იყენებს, ეს ადმინისტრაციული რესურსის გამოყენებაა. მაგრამ თუ აქ სხვა იხდის სამუშაოების ფულს და ამით რეკლამას ისევ „ოცნების“ კანდიდატი იყენებს, ეს უკვე ამომრჩევლის მოსყიდვაა: „გამოდის, რომ ეს კანდიდატი წინასაარჩევნოდ გარკვეულ სიკეთეს აძლევს ამომრჩეველს“.

[თამუნა უჩიძე, ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.05.2020 26 მაისი საქართველოს დამოუკიდებლობის დღეა

25.05.2020 უხვი ნალექის გამო ნინოწმინდის სოფლებში ნათესები დაიტბორა [ფოტო/ვიდეო]

25.05.2020 ახალქალაქში ხემ მანქანა და გარე განათების ხაზი დააზიანა

25.05.2020 სომხურ სამოციქულო ეკლესიაში ღვთისმსახურება მრევლთან ერთად აღევლინება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

კლდეში სარწყავ არხებს წმენდენ
სოფელ კლდეში საბავშვო ბაღი გაიხსნა
კლდეში მცხოვრებლები ამბობენ, რომ სოფელში ფაროსანა გავრცელდა
სეტყვა სოფელ კლდეში [Photo]
სოფელ კლდეში სახლი დაიწვა
ზაზა მელიქიძე სოფელ აწყურის მოსახლეობას შეხვდა [R]
რითი დაეხმარება გამგეობა კლდეში ხანძრის შედეგად დაზარალებულებს