FM97.5 / LIVE

სტუდენტების 22 ინიციატივა ახალციხის მერობისა და გამგებლობის კანდიდატებს

მთავარისაზოგადოება 04.06.2014
სამცხე–ჯავახეთის სახელმწიფო უნივერსიტეტის 11–მა სტუდენტმა, ახალციხის მერობისა და გამგებლობის კანდიდატებს, ვიდეო და ტექსტური ბლოგების საშუალებით, 22 ინიციატივა მიაწოდა.

სტუდენტების 22 ინიციატივა ახალციხის მერობისა და გამგებლობის კანდიდატებს
ახალციხეში და არამხოლოდ ახალციხეში,თავიანთი თვალით დანახული პრობლემები, სტუდენტებმა ვიდეობლოგებში გადაიღეს და ამავე ბლოგებით საარჩევნო სუბიექტებს, ამ პრობლემების მოგვარება სთხოვეს.

ახალგაზრდა ამომრჩევლები ბლოგებს ერთი თვის განმავლობაში ამზადებდნენ. შემდეგ კი ახალციხის მერობისა და გამგებლობის კანდიდატებს პირისპირ შეხვდნენ და კიდევ ერთხელ შეეცადნენ, მათ ბლოგებში ასახული პრობლემების მოგვარების აუცილებლობა დაესაბუთებინათ.

სტუდენტების 22 ინიციატივა ახალციხის მერობისა და გამგებლობის კანდიდატებს შეხვედრა 3 ივნისს, ახალციხის დემოკრატიული ჩართულობის ცენტრში შედგა. ახალგაზრდებთან შესახვედრად ახალციხის ხუთი მერობის და ამდენივე გამგებლობის კანდიდატიდან, 4 მერობის, 3 გამგებლობის კანდიდატი მივიდა.

მერობის კანდიდატებიდან შეხვედრას ესწრებოდნენ: ზაზა ნათენაძე – „ნინო ბურჯანაძე – ერთიანი ოპოზიციიდან“, გელა დემეტრაძე – ბლოკ „ერთიანი ნაციონალური მოძრაობიდან“, გოჩა ათოშვილი – „სალომე ზურაბიშვილი – საქართველოს გზიდან“ და გიორგი კოპაძე – ბლოკ „ქართული ოცნებიდან“.

გამგებლობის კანდიდატებიდან კი: ოლეგი ძოწენიძე – „ნინო ბურჯანაძე, ერთიანი ოპოზიციიდან“; გოჩა გვარამაძე – ბლოკ „ერთიანი ნაციონალური მოძრაობიდან“ და ზაზა მელიქიძე – ბლოკ „ქართული ოცნებიდან“.

სტუდენტების 22 ინიციატივა ახალციხის მერობისა და გამგებლობის კანდიდატებს შეხვედრა „სამოქალაქო განვითარების ინსტიტუტის“ პროექტის „ინფორმირებული ახალგაზრდა ამომრჩეველი“ პრეზენტაციით დაიწყო. იმ პროექტის, რომლის ფარგლებშიც სტუდენტებმა ახალციხეში 10 ვიდეო და 1 ტექსტური ბლოგი მოამზადეს. თითოეულ ბლოგში ავტორი 2 ინიციტივაზე საუბრობს. 11 ბლოგიდან 9 ახალციხეს ეხება, 2 კი ქალაქ ვალეს.

ბლოგებში გაჟღერებული ინიციატივებია:
1. მეორე ბაგა–ბაღის ეზოს კეთილმოწყობა;
2. ცენტრალური პარკის გამწვანება და მაწანწალა ძაღლების პრობლემის გადაჭრა;
3. სტუდენტებისთვის შეღავათების დაწესება ტრანსპორტსა და კინო–თეატრებში და მინი გრანტების გამოყოფა;
4. საინფორმაციო დაფისა და წარწერების გაკეთება და საქალაქო ტრანსპორტის დანიშვნა რაბათის უბანში.
5. რუსთაველის ქუჩაზე მდებარე ყველაზე დიდი მინი–სტადიონის შეკეთება და ზარზმელის ქუჩაზე ნაგვის ურნების დადგმა, იმისთვის რომ ნაგავი რუსთაველის ქუჩაზე აღარ ჩამოვიდეს;
6. ფეხით მოსიარულეთა ადგილებისა და პარკირების მოწესრიგება ახალციხეში;
7. ხელოვნური ტბის აღდგენა და სტუდენტური საცხოვრებლის მოწყობა;
8. ლიტერატული კაფესა და აუზის გაკეთება;
9. ქალაქისა და საქალაქო ტრანსპორტის ადაპტირება შეზღუდული შესაძლებლობების მქონეებისთვის;
10. ვალეში გზებზე სიჩქარის შემზღუდველების გაკეთება და სტალინის ქუჩაზე საკანალიზაციო ქსელის მოწესრიგება;
11. ვალეში დასუფთავების პრობლემის გადაჭრა და ვალელი სტუდენტებისთვის ტრანსპორტში შეღავათის დაწესება.

სტუდენტების 22 ინიციატივა ახალციხის მერობისა და გამგებლობის კანდიდატებს ორგანიზაციის ხელმძღვანელმა ია ანთაძემ კანდიდატებს ყველა ინიციატივა გააცნო. ამის შემდეგ კი კანდიდატებს საშუალება მიეცათ ამ ინიციატივებზე თავიანთი მოსაზრებები გამოეთქვათ.

კანდიატებმა ერთხმად აღნიშნეს, რომ ყველა ბლოგში მნიშვნელოვანი პრობლემა იყო წამოწეული და ახალგაზრდების მსგავსი აქტიურობა, ქალაქს და მათ მუშაობას სასიკეთოდ წაადგება. იყო ინიციატივები, რომლებზეც კანდიდატები აცხადებდნენ, რომ მათ წინასაარჩევნო პროგრამაში გათვალისწინებული აქვთ; ნაწილ საკითხებზე განაცხადეს, რომ იფიქრეს, მაგრამ არა ასე სიღრმისეულად და იყო საკითხები, რომლებზეც განაცხადეს, რომ აქამდე არ უფიქრიათ.

სტუდენტების 22 ინიციატივა ახალციხის მერობისა და გამგებლობის კანდიდატებს შეხვედრაზევე იმსჯელეს ამ პრობლემების მოგვარების გზებზე და გარდა ამისა, გაჩნდა ინიციატივა, იფიქრონ კომუნიკაციის საშუალებებზე, რათა ახალგაზრდებისა და საჯარო მოხელეების შეხვედრამ სისტემატური ხასიათი მიიღოს.

შეხვედრით სტუდენტები და კანდიდატები კმაყოფილები დარჩნენ.

„ძალიან კარგი შეხვედრა გამოვიდა. იყო დაპირებებიც, თუმცა არ ვიცი რამდენად რეალურია“, – ამბობს მეორე კურსის სტუდენტი გვანცა ჩინჩალაძე.

ჩინჩალაძეს ეთანხმება მისი მეგობარი ნანა მიქელაძეც: „კანდიდატებმა აღნიშნეს, რომ ჩემს მიერ დასახელებულ პრობლემაზე, კერძოდ რაბათში საინფრომაციო ბანერების დაყენებაზე ხშირად უფიქრიათ და მის მოგვარების გზებზეც გვესაუბრნენ. მთავარია საუბარი საუბრად არ დარჩეს და უკვე არჩეულმა მერმა განახორციელოს, ყველა თუ არა, რამდენიმე ინიციატივა მაინც“.

„საინტერესო შეხვედრა იყო. რეალური პრობლემები დაასახელეს სტუდენტებმა . ვფიქრობ, რომ ყველა ეს პრობლემა თვითმმართველობის მოსაგვარებელია და თუ არ იქნა თვითმმართველობის კომპეტენცია, მაშინ ყველა ღონე უნდა ვიხმაროთ, რომ ეს პრობლემა მივიტანოთ ადრესატამდე“, – განაცხადა ბლოკ „ერთიანი ნაციონალური მოძრაობის“ მერობის კანდიდატმა გელა დემეტრაძემ.

სტუდენტების 22 ინიციატივა ახალციხის მერობისა და გამგებლობის კანდიდატებს გამარჯვების შემთხვევაში სტუდენტების 22–ვე ინიციატივის განხორციელებას გეგმავს „ნინო ბურჯანაძე– ერთიანი ოპოზიციის“ კანდიდატი ზაზა ნათენაძე: “ნაყოფიერი შეხვედრა იყო. ყველა ინიციატივას გავითვალისწინებთ. ჩვენ საარჩევნო პროგრამაში თითქმის 80 პროცენტი სტუდენტების ინიციატივისა დაემთხვა“.

სტუდენტების აქტიურობით კმაყოფილია „სალომე ზურაბიშვილი–საქართველოს გზის“ მერობის კანდიდატი გოჩა ათოშვილი: „მინდა, რომ სტუდენტებმა ეს აქტიურობა შეინარჩუნონ, იმიტომ , რომ ესენი არიან ჩვენი მუშაობის შემფასებლები. ახალგაზრდები უფრო პირდაპირები არიან და პირდაპირ გვიყენებენ საკითხს ამა თუ იმ პრობლემაზე. ეს ჩვენ დაგვეხმარება ქალაქის პრობლემების უკეთ დანახვაში“.

სტუდენტების 22 ინიციატივა ახალციხის მერობისა და გამგებლობის კანდიდატებს ბლოკი „ქართული ოცნების“ მერობის კანდიდატი გიორგი კოპაძე ამბობს, რომ მის საარჩევნო პროგრამაში გაწერილ საკითხებს, სტუდენტების მიერ წამოყენებული ინიციატივები დაემთხვა: „მოხარული ვარ, რომ შევხვდი ახალგაზრდებს. კარგი იდეები წამოაყენეს ბავშვებმა. ჩემს საარჩევნო პროგრამაში გაწერილია 24 სხვადასხვა საკითხი და აქედან სტუდენტების 6 ინიციატივა დაემთხვა. ბევრი პრობლემა ფართოდ იყო გაშლილი სტუდენტების მიერ და მე ამას აუცილებლად გავითვალისწინებ. მიხარია, რომ ასეთი ახალგაზრდობა გვყავს. ვაპირებ გამარჯვების შემთხვევაში სამ თვეში ერთხელ ახალგაზრდებს ვამართინო ერთი დღე ქალაქი, ამას სიმბოლური ხასიათი ექნება, მაგრამ ისინი ადგილზე გაეცნობიან, როგორ მიდის მათი ქალაქის მმართველობა“.

სტუდენტების 22 ინიციატივა ახალციხის მერობისა და გამგებლობის კანდიდატებს შეგახსენებთ, რომ ბლოგები პროექტის „ინფორმირებული ახალგაზრდა ამომრჩეველი“ ფარგლებში მომზადდა. პროექტი საქართველოს ხუთ ქალაქში: ზუგდიდში, ქუთაისში, ახალციხეში, გორსა და თელავში განხორციელდა. ხუთივე ქალაქში ჯამში 69 ბლოგი მომზადდა. პროექტი ერთიანი კონკურსით სრულდება, 69 ბლოგიდან 5 გამარჯვებული უნდა შეარჩიონ.

„თბილისში მოვიწვევთ ხუთვე ქალაქიდან თითო ახალგაზრდას,რომელიც იქნება გამარჯვებული, ანუ ჩავთვლით, რომ წინასწარ გამოცხადებული კრიტერიუმები დააკმაყოფილა. ამ თემაზე სპეციალური კომისია იმუშავებს და დაადგენს გამარჯვებულს. 11 ივნისს იქნება პროექტის შედეგების პრეზენტაცია და დაჯილდოვდება 5 ახალგაზრდა. პროექტი დამთავრდება, მაგრამ ჩვენ ვითანამშრომლებთ ახალგაზრდებთან რათა არ დავკარგოთ კონტაქტი მათთან და მივადევნოთ თვალყური ერთად, როგორ განვითარდება ამ ინიციატივების დანერგვის პროცესი, რომელთან დაკავშირებითაც დღეს პირობა დადეს მერობის და გამგებლობის კანდიდატებმა“, – განაცხადა „სამოქალაქო განვითარების ინსტიტუტის“ ხელმძღვანელმა ია ანთაძემ.

სტუდენტების 22 ინიციატივა ახალციხის მერობისა და გამგებლობის კანდიდატებს

[თინათინ ზაზაძე, ნინო ნარიმანიშვილი, ახალციხე]


03.07.2020 რა უნდა გაითვალისწინონ აბიტურიენტებმა – გამოცდების ჩატარების წესები დაზუსტდა

02.07.2020 აბიტურიენტები PCR-ტესტირების ჩატარებას სამცხე–ჯავახეთის 3 კლინიკაში შეძლებენ

02.07.2020 როგორ უნდა აიმაღლოს პრაქტიკოსმა მასწავლებელმა სტატუსი

02.07.2020 გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.07.2020 შაბათ–კვირას სამცხე–ჯავახეთში იწვიმებს

03.07.2020 ეროვნულ გამოცდებზე ბორჯომიდან ახალციხემდე აბიტურიენტები უფასოდ იმგზავრებენ

03.07.2020 ბაკურიანში ზაფხულის სეზონი 10 ივლისს გაიხსნება

03.07.2020 სამცხე-ჯავახეთის მუზეუმმა 11 დღეში 230 ვიზიტორი მიიღო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

წინასწარი შედეგებით, ახალციხეში არჩევნები 'ოცნებამ' მოიგო
წინასწარი შედეგებით, გამგებლობის კანდიდატებს შორის ზაზა მელიქიძე ლიდერობს
ახალციხის N6 და N7 უბნების შედეგები ცნობილია
6 უბნის მონაცემებით, ახალციხეში ზაზა მელიქიძე ლიდერობს
ვინ იბრძვის მერობისა და გამგებლობისთვის ახალციხეში
ახალციხის მესამე საარჩევნო უბანი 'ოცნებამ' მოიგო
საოლქო კომისიაში კიდევ 2 უბნის მონაცემი შევიდა