FM97.5 / LIVE

ახალციხეში 'ბოლო ზარი' ავტოავარიით დასრულდა

მთავარისამართალი » შემთხვევა 28.05.2014
ახალციხის პირველი საჯარო სკოლის კურსდამთავრებულები ავტოავარიაში მოყვნენ. შემთხვევის შედეგად ორი მოსწავლე დაშავდა, ორივე მათგანის ჯანმრთელობის მდგომარეობა ამ დროისთვის დამაკმაყოფილებელია.

ახალციხეში 'ბოლო ზარი' ავტოავარიით დასრულდა
შემთხვევა, გუშინ, 27 მაისს, დაახლოებით 22:30 საათზე მოხდა. მოსწავლეებმა „ბოლო ზარი“ იზეიმეს და სკოლის დამთავრებას ახალციხის "პიცერიაში" აღნიშნავდნენ. შენობიდან გამოსულები კი მსუბუქი ავტომანქანით სატვირთო ავტომობილს შეეჯახნენ. ავტომანქანაში სამი ახალგაზრდა იჯდა, დაზიანება ორმა მიიღო.

სასწრაფო დახმარების სამსახურის მორიგე ექიმის ნინო კაპანაძის განმარტებით, შემთხვევის ადგილზე მისულებს ორივე ახალგაზრდა მძიმე მდგომარეობაში დახვდათ: „ორივე მათგანს ჰქონდა ტრამვული შოკი, ერთს ჰქონდა ჭრილობები ყელის არეში. ორივე მათგანი სამედიცინო დაწესებულება „უნიმედი სამცხეში“ გადავიყვანეთ“.

„უნიმედი სამცხეს“ მიმღებ – ამბულატორიული განყოფილების გამგის, ნინო მანველიშვილის თქმით, ამ ეტაპზე ორივე დაშავებულის მდგომარეობა დამაკმაყოფილებელია: „ერთის მდგომარეობა კრიტიკული იყო, დიაგნოზი იყო ტრამვული შოკი, კისრის წინა ზედაპირის დიდი ზომის ნაფლეთოვანი ჭრილობა ჰქონდა. კატასტროფის მედიცინის ცენტრით თბილისში, ღუდუშაურის კლინიკაში გადაიყვანეს. როგორც ჩვენ ვიცით, მისი მდგომარეობა საშუალო სიმძიმისაა. მეორე ახალგაზრდის მდგომარეობაც ანალოგიურად იყო კრიტიკული, იყო ტრამვული შოკი, გულმკერდის დახურული ტრამვა და მუცლის ღრუს ტრამვა. ჩაუტარდა ოპერაციული მკურნალობა, ამ დროისთვის პაციენტი რეანიმაციულ განყოფილებაშია და მისი მდგომარეობა დამაკმაყოფილებელია“.

ახალგაზრდების დამრიგებლის თქმით, შემთხვევა მოულოდნელად მოხდა: „პიცერიაში აღვნიშნავდით სკოლის დამთავრებას, რამდენიმე მშობელიც გვახლდა. სიმშვიდე იყო, არანაირი არეულობა არ ყოფილა, უბრალოდ, ჰაერზე გავიდნენ ახალგაზრდები და ამ დროს მოუხდათ ეს შემთხვევა“.

მომხდარის შესახებ კლასის დამრიგებლისგან შეიტყო პირველი საჯარო სკოლის დირექტორმა მაკა ჯანაშვილმა: „მათთან ერთად მე არ ვყოფილვარ, მშობლები ახლდნენ, ბოლო ზარი რომ დამთავრდა, საქეიფოდ იყვნენ წასული. ზუსტად რა მოხდა ჩემთვისაც უცნობია. ეს ამბავი მასწავლებლებისგან გავიგე. ამ დრომდე არავინ დამკავშირებია, არც დაშავებულების მშობლები“.

როგორც საქართველოს შინაგან საქმეთა სამინისტროში განმარტავენ, მომხდარს საპატრულო პოლიციის დეპარტამენტის სამცხე–ჯავახეთის მთავარი სამმართველოს საგამოძიებო განყოფილება, საქართველოს სისხლის სამართლის კოდექსის 276–ე მუხლით იძიებს.

[ნინო ნარიმანიშვილი, თამარ თოთაძე, ახალციხე]


20.08.2019 ჯილდოს მიღების მსურველი პედაგოგებისთვის განცხადების შეტანის ვადა იწურება

19.08.2019 მასწავლებელთა გამოცდის შედეგები და გასაჩივრების ვადები ცნობილია

16.08.2019 სამაგისტრო გამოცდის შედეგები ცნობილია

16.08.2019 ახალციხელი სოფიო ტაბატაძე ლიეტუვაში სრული დაფინანსებით ისწავლის

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.08.2019 სოციალური მუშაკი: ‘ტყემლანაში მცხოვრები ოჯახიდან ბავშვების წამოყვანას არ ვგეგმავთ’

20.08.2019 ბორჯომ–ხარაგაულის პარკში საფეხმავლო ხიდებს მოაწყობენ

20.08.2019 სამოქალაქო ინიციატივებისთვის ხმის მიცემის პროცესი დაიწყო

20.08.2019 ‘თორი-დინამო’ - ბორჯომში რეგიონული ლიგა განახლდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

გაზით მოწამლული ერთი პაციენტი ამ დრომდე სტაციონარში რჩება
ბოლო ზარზე ავარიისას დაშავებული მოზარდის მდგომარეობა დამაკმაყოფილებელია
ახალციხეში ავტოსაგზაო შემთხვევის შედეგად 2 მოქალაქე დაშავდა
ავარია ვარძიის გზაზე – დაშავებულია ისრაელის 13 წლის მოქალაქე
ავარია სოფელ უდესთან – ერთმანეთს სამგზავრო 'მარშუტკა' და ჯიპი შეეჯახნენ
ავარია საბარგო სადგურზე – დაშავებულია 4 ადამიანი [Photo]
ახალციხის სკოლის მოსწავლეები ბოლო ზარზე ავარიაში მოყვნენ