FM97.5 / LIVE

ირაკლი ღარიბაშვილი: '26 მაისი ერთ–ერთი ყველაზე დიდი თარიღია საქართველოს ისტორიაში'

მთავარისაზოგადოება 26.05.2014
თბილისში ფიცის მიღების ცერემონიალს ახალციხის ციხეში შეკრებილები მონიტორის საშუალებით ადევნებდნენ თვალს. პირდაპირ ეთერში ისმენდნენ საქართველოს პრემიერ–მინისტრის ირაკლი ღარიბაშვილის მილოცვასაც.

ირაკლი ღარიბაშვილი: '26 მაისი ერთ–ერთი ყველაზე დიდი თარიღია საქართველოს ისტორიაში'
საქართველოს პრემიერ–მინისტრმა ირაკლი ღარიბაშვილმა განაცხადა, რომ 26 მაისი ერთ–ერთი ყველაზე დიდი თარიღია საქართველოს ისტორიაში. ეს დღე მან განსაკუთრებით წვევამდელებს მიულოცა, რომელთაც დღეს ფიცი დადეს.

პრემიერ–მინისტრის გამოსვლას უცვლელად გთავაზობთ:

„გამარჯობათ, ბატონებო!
ყველას გილოცავთ 26 მაისს, საქართველოს დამოუკიდებლობის დღეს! ეს არის ერთ-ერთი ყველაზე დიდი თარიღი ჩვენი ქვეყნის ისტორიაში, ეს არის დღე, რომელმაც 96 წლის წინ თავისუფლება მოუტანა ჩვენს ქვეყანას.

დღევანდელი დღე განსაკუთრებულად მინდა მივულოცო ჩვენს წვევამდელებს! დღეს თქვენ საზეიმოდ დებთ ფიცს ქვეყნისა და ხალხის წინაშე! დღეს თქვენ სამშობლოს ჯარისკაცები ხდებით, დღეიდან თქვენ სამშობლოს სადარაჯოზე, ხალხისა და ქვეყნის სამსახურში დგებით! გერქვას საქართველოს ჯარისკაცი, ეს არის უდიდესი პატივი და უდიდესი პასუხისმგებლობა. მე მჯერა, რომ თქვენ წარმატებით შეასრულებთ ჯარისკაცის რთულ, საპატიო მისიას და პირნათლად მოიხდით ვალს ჩვენი სამშობლოს წინაშე. მებრძოლი სული, ღმერთისა და სამშობლოს სიყვარული - ეს არის ის, რაც ჩვენს ქართულ გენშია და ეს არის ის, რაც ყველაზე მეტად სჭირდება ჯარისკაცს და მე მჯერა, რომ თითოეული თქვენგანი სწორედ ამ სულისკვეთებით იწყებს სამხედრო სამსახურს.

დღევანდელი დღე მინდა მივულოცო ჩვენს შეიარაღებულ ძალებს, ჩვენს ვეტერანებს, თითოეულ ჯარისკაცს და ოფიცერს, რომლებიც საკუთარი სიცოცხლის ფასად იცავენ ჩვენს სამშობლოს, ჩვენი ქვეყნის სახელმწიფოებრივ ინტერესებს.

საქართველოს დამოუკიდებლობის დღეს განსაკუთრებული პატივითა და მოწიწებით მინდა გავიხსენო საქართველოს ტერიტორიული მთლიანობისთვის ბრძოლასა და საერთაშორისო სამშვიდობო მისიებში დაღუპული ჩვენი ჯარისკაცები, ჩვენი გმირები. მე ქედს ვიხრი მათ წინაშე.

ჩემო მეგობრებო,
საქართველო მონაწილეობს საერთაშორისო სამშვიდობო მისიებში და ჩვენი პარტნიორი და მეგობარი ქვეყნების ჯარების მხარდამხარ ვიბრძვით მსოფლიოში მშვიდობისთვის. ამიტომ მინდა განსაკუთრებულად მივესალმო და მივულოცო 26 მაისი საერთაშორისო სამშვიდობო მისიებში მონაწილე ჩვენს სამხედროებს, რომლებსაც ახლა ყველაზე საპატიო მისია აკისრიათ - ისინი საქართველოს სახელმწიფოს და ჩვენი შვილების მომავალს იცავენ უცხო მიწაზე. ჩვენი გმირი სამხედროების განსაკუთრებულ თავდადებასა და ბრძოლისუნარიანობას ყველა ერთხმად აღიარებს მთელ მსოფლიოში. და ჩვენ ეს ძალიან გვეამაყება!

წვევამდელებო,
გისურვებთ, არასოდეს გაგნელებოდეთ ვაჟკაცური შემართება და სამშობლოს სიყვარული. მე მჯერა, რომ თქვენ ღირსეულად ატარებთ საქართველოს ჯარისკაცის საპატიო სახელს და ერთგულად ემსახურებით ჩვენს სამშობლოს! რაც მთავარია, - გისურვებთ მშვიდობას!

საქართველო ამაყობს თქვენით! თქვენთან ერთად ჩვენს ქვეყანას წინ დიდი მომავალი აქვს.
კიდევ ერთხელ გილოცავთ საქართველოს დამოუკიდებლობის დღეს!

ღმერთი იყოს ჩვენი მებრძოლი ერის, ჩვენი დიდი ქვეყნის, ჩვენი სამშობლოს მფარველი!– განაცხადა პრემიერმა.

ფიცის მიღებისა და პრემიერის სიტყვით გამოსვლის შემდეგ, ახალციხის ციხეში, მონიტორის საშუალებით, ქართული ესტრადის ვარსკვლავების კონცერტს ადევნებდნენ თვალს. ამ წუთებში კი თვითშემოქმედებითი კოლექტივების, სამეჯლისო ცეკვებისა და ინდ. შემსრულებლების კონცერტი მიმდინარეობს.

შეგახსნებთ, ახალციხეში დამოუკიდებლობის დღის აღნიშვნა დილიდან მიმდინარეობს.

ირაკლი ღარიბაშვილი: '26 მაისი ერთ–ერთი ყველაზე დიდი თარიღია საქართველოს ისტორიაში'

[თამარ თოთაძე, მანანა სარაშვილი, ახალციხე]


12.07.2019 კომპეტენციის დადასტურების გამოცდაზე 74 პედაგოგი არ გამოცხადდა

11.07.2019 აბიტურიენტები ბიოლოგიის გამოცდას აბარებენ

11.07.2019 კიკიბოს სკოლას მომავალ წელსაც ერთი მოსწავლე ეყოლება

11.07.2019 პროფესიული უნარების გამოცდაზე ახალციხეში 156 პედაგოგი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.07.2019 'კორხის ეკლესიას ფიზიკური დაცვა სჭირდება' – იურისტი უნებართვო მშენებლობაზე

12.07.2019 ახალქალაქში გაფიცულმა მუშებმა ოთხის ნაცვლად ერთი თვის ხელფასი მიიღეს

12.07.2019 ნეოლითიდან შუა საუკუნეებამდე - არქეოლოგიური ექსპედიცია და სტუდენტების მოგზაურობა დროში

12.07.2019 როგორი ამინდი იქნება 12-15 ივლისს სამცხე–ჯავახეთში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

საქართველოს შეიარაღებული ძალები 25 წლისაა [R]
კახა კალაძე ამომრჩეველს: მიიღეთ მონაწილეობა მომავლის შექმნაში, აუცილებლად მიდით არჩევნებზე
საქართველომ დამოუკიდებლობის დღე იზეიმა [R]
ირაკლი ღარიბაშვილმა პრემიერ-მინისტრის თანამდებობა დატოვა
საქართველოს პრეზიდენტმა 16 სამხედრო მოსამსახურე  ორდენებითა და მედლებით დააჯილდოვა
ირაკლი ღარიბაშვილის მიმართვა ვილნიუსის სამიტთან დაკავშირებით
ირაკლი ღარიბაშვილი – ვიზალიბერალიზაციასთან დაკავშირებული დასკვნა პოზიტიურია