FM97.5 / LIVE

ორი ავარია ერთ თვეში – ვალეში გზებზე სიჩქარის შემზღუდველების გაკეთებას ითხოვენ

მთავარისამართალი » შემთხვევა 23.05.2014
ახალციხის მუნიციპალიტეტის ქალაქ ვალეში მცხოვრებლები მომრავლებულ ავარიებს უჩივიან და გზაზე სიჩქარის შემზღუდველების გაკეთებას ითხოვენ, წინააღმდეგ შემთხვევაში, გზის გადაკეტვით იმუქრებიან.

ორი ავარია ერთ თვეში – ვალეში გზებზე სიჩქარის შემზღუდველების გაკეთებას ითხოვენ
დღეს, 23 მაისს, ავტოსაგზაო შემთხვევის შედეგად, ვალეში 17 წლის გოგონა დაზარალდა. შემთხვევა 12:50 საათზე მოხდა, ამ დრომდე გოგონას ახალციხის სამედიცინო დაწესებულებაში გამოკვლევები უტარდება.

ამ თვეში ეს ვალეში მეორე ავტოსაგზაო შემთხვევაა. პირველი შემთხვევის შედეგად 7 წლის ბავშვი დაზარალდა.

ვალეში მცხოვრებლები ამბობენ, რომ იმის გამო, რომ ვალეზე გადის გზა საბაჟო გამშვებ პუნქტ "ვალემდე", ტრასა ავტომობილებით ყოველთვის გადატვირთულია, ხშირად ამ გზაზე დიდი სატვირთო ავტომობილები დადიან.

„მთავრობამ უნდა მოგვაქციოს ყურადღება, გზა უნდა მოაწესრიგონ. თურქეთის მანქანები ძალიან დიდი სისწრაფით შემოდიან, რაიმე სახის შემზღუდველები აუცილებლად უნდა დააყენონ. დღეს მომხდარს მძღოლიც ძალიან განიცდიდა“, – ამბობს ვალეში მცხოვრები ციცინო მიგრიაული.

ვალეში პრობლემას ისიც ქმნის, რომ სასწრაფო დახმარების ბრიგადა არ ჰყავთ.

„მე შევესწარი და გამოვიძახე სასწრაფო, მანამდე სამი პატრული ამოვიდა ახალციხიდან და 45 წუთის დაგვიანებით მოვიდა სასწრაფო. ერთ თვეში ორი შემთხვევა მოხდა. 7 წლის ბავშვს დაეჯახა მანქანა და მაშინაც დააგვიანეს. სამი სკოლაა ვალეში და ქალაქის გარდა კიდევ რამდენიმე სოფელი, ერთი სასწრაფო როგორ არ უნდა იყოს აქ? ვის არ ვთხოვეთ დახმარება,მაგრამ რეაგირება არ არის. არც სიჩქარის შემზღუდველებია გზებზე“, - ამბობს ალეკო ხითარიშვილი და ამატებს, რომ თუ მათი მოთხოვნები არ დაკმაყოფილდება, აქციებს მოაწყობენ და გზებს გადაკეტავენ.

„ნუთუ ამხელა ვალეს და სოფლებს ერთი სასწრაფო არ უნდა ჰქონდეს? უნდა უცადო ახალციხიდან როდის ამოვა. აქვე რომ ყოფილიყო, ხომ უფრო სწრაფად დაეხმარებოდნენ?! აუცილებელია ერთი სასწრაფო გამოგვიყონ ვალეში“, – გვეუბნება ნათელა ბალახაშვილი.

სასწრაფო სამედიცინო დახმარების ჯგუფი ვალეში 2013 წლის დეკემბრის შემდეგ აღარ არსებობს. გადაუდებელი საჭიროებისას ვალეში ბრიგადა ახალციხიდან მიდის. ვალეს ახალციხიდან დაახლოებით 7 კილომეტრი აშორებს. ახალციხის სამედიცინო დაწესებულება „უნიმედი სამცხეში“ ამბობენ, რომ ვალეში სასწრაფო დახმარების ჯგუფს არასოდეს დაუგვიანია და შესაბამისად, ვალეში ჯგუფის გადაყვანა არ იგეგმება.

[თინათინ ზაზაძე, ახალციხე]


03.06.2020 ახალციხის ბაღებში აღსაზრდელთა რეგისტრაცია მიმდინარეობს – რა დოკუმენტებია საჭირო

01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.06.2020 ‘სოფელი არ ჩაიკეტება, იგეგმება მოსახლეობის თერმოსკრინინგი’ – სამხარეო ადმინისტრაცია

04.06.2020 ‘ინფიცირებული სოფელში ორ გასვენებაში იმყოფებოდა’ - ნინოწმინდის ჯანდაცვის ცენტრი

04.06.2020 ‘სოფლის ჩაკეტვა იგეგმება’ – ყაურმის რწმუნებული

04.06.2020 '44 წლის ნინოწმინდელ კაცს, რომელიც შეცდომით სახლში გაუშვეს კორონავირუსი დაუდასტურდა' – ჯანდაცვის ცენტრი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ავტოსაგზაო შემთხვევა ვალეში
ვალეში სასწრაფო დახმარების სამსახურს უჩივიან
ვალეში ავარიის შედეგად ოთხი წლის ბავშვი გარდაიცვალა
ვალეში სამედიცინო პუნქტი გაიხსნება

ავარია ვალეში – დაიმტვრა მანქანა და გაზგაყვანილობის მილი
ვალეში ავარიისას გარდაცვლილი ბავშვის საქმეზე მძღოლი დააკავეს