FM97.5 / LIVE

ახალციხეში, დანიელაშვილის ქუჩა ფეკალური მასით იტბორება

მთავარისამართალი » შემთხვევა 16.05.2014
დანიელაშვილის ქუჩაზე დაზიანებული საკანალიზაციო სისტემის გამო, ფეკალური მასა ეზოსა და სახლებს ტბორავს. ადგილობრივები დახმარებას 'გაერთიანებული წყალმომარაგების კომპანიასა' და ადგილობრივ ხელისუფლებას სთხოვენ.

ახალციხეში, დანიელაშვილის ქუჩა ფეკალური მასით იტბორება
ახალციხეში, დანიელაშვილის ქუჩაზე მცხოვრებლები ამბობენ, რომ ყოველი წვიმის შემდეგ საკანალიზაციო არხი იბიდნება და ფეკალური მასა ეზოში ამოდის. ახლა საკანალიზაციო არხი გადათხრილია, ადგილობრივები ამბობენ, რომ არხი გაერთიანებული წყალმომარაგების კომპანიის წარმომადგენლებმა გაწმინდეს.

„ხან ერთ ადგილასაა ამოთხრილი კანალიზაცია, ხან მეორე ადგილას. საერთო ჯამში, თითქმის წელიწადია, ღიადაა და ამ ჰაერს ვსუნთქავთ. ფეკალური მასა პირდაპირ სადარბაზოებში დაცურავს“, – ამბობს დანიელაშვილის ქუჩაზე მცხოვრები გრიგოლ ფერაძე.

ახალციხეში, დანიელაშვილის ქუჩა ფეკალური მასით იტბორებამდგომარეობით შეწუხებულმა ადგილობრივებმა, დღეს, 16 მაისს, ადგიობრივ თვითმმართველობას მიაკითხეს. დანიელაშვილის მცხოვრებლები ახალციხის მუნიციპალიტეტის გამგებლის მოვალეობის შემსრულებელს მალხაზ ჟუჟუნაძესა და გამგებლის მოადგილეს თამარ გოგოლაძეს შეხვდნენ. გამგეობაში იმყოფებოდნენ „საქართველოს გაერთიანებული წყალმომარაგების კომპანიის" სამცხე–ჯავახეთის რეგიონული ფილიალის წარმომადგენლებიც.

მოსახლეობის მოთხოვნით, გამგეობისა და გაერთიანებული წყალმომარაგების წარმომადგენლები დანიელაშვილის ქუჩაზე მოსახლეობასთან ერთად მივიდნენ და იქ არსებული მდგომარეობა ადგილზე მოინახულეს.

ახალციხეში, დანიელაშვილის ქუჩა ფეკალური მასით იტბორებამალხაზ ჟუჟუნაძის თქმით, დანიელაშვილის ქუჩაზე საკანალიზაციო სისტემა საერთოდ არ არსებობს: „კომუნისტების დროს აშენებული კორპუსებია და ტუალეტები გარეთ იყო. მაშინ რუსი სამხედროები ცხოვრობდნენ, მერე ვინც შესახლდა, საპირფარეშოები სახლებში მოაწყეს და საკანალიზაციო სისტემა სანიაღვრე არხს მიუერთეს. არხმა ვერ გაუძლო და ხშირად იქმნება პრობლემა“.

მისივე თქმით, დანიელაშვილის ქუჩაზე საკანალიზაციო სისტემის მოსაწესრიგებლად ადგილობრივი ბიუჯეტიდან თანხა ვერ გამოიყოფა, რადგან არჩევნებამდე ორი თვით ადრე ამის უფლება არ აქვთ.

„ჩვენ შესაბამის სამინისტროში გაგზავნილი გვქონდა ეს პროექტიც, თუმცა იქიდან მხოლოდ ხუთი ინფრასტრუქტურული პროექტი დაფინანსდა. მათ შორის ეს ქუჩა არ ყოფილა“, – ამბობს მალხაზ ჟუჟუნაძე და ამატებს, რომ ამ ქუჩას საკანალიზაციო სისტემის გარდა, გზის რეაბილიტაცია და გარე განათებაც სჭირდება. თუმცა, ვიდრე საკანალიზაციო სისტემა არ მოწესრიგდება, აღნიშნულ სამუშაოებს ვერ შეასრულებენ.

‘საქართველოს გაერთიანებული სწყალმომარაგების კომპანიის’ სამცხე–ჯავახეთის რეგიონული ფილიალის მენეჯერი გიორგი ბაგინაშვილი ამბობს, რომ ამ უბანში საკანალიზაციო სისტემა დაახლოებით 300 მეტრზეა გასაკეთებელი.

„სანიაღვრე არხს ვწმენდდით და გადათხრილი იმიტომაა. დაახლოებით 60–70 წელია აქ არავის არაფრისთვის ხელი არ მოუკიდია და გაბიდნულია. ახალი ქსელია მოსაწყობი“, – ამბობს გიორგი ბაგინაშვილი და ამატებს, რომ ‘გაერთიანებული წყალმომარაგების კომპანიის’ წინაშე კიდევ ერთხელ დაისმება ამ ქუჩაზე საკანალიზაციო ქსელის მოწყობის საკითხი, – „ეს არ არის ლოკალური ავარია, რომელიც სერვისცენტრის ძალებით უნდა გადაწყდეს“.

ახალციხეში, დანიელაშვილის ქუჩა ფეკალური მასით იტბორებაიქამდე, სანამ გადაწყდება ვინ გააკეთებს საკანალიზაციო სისტემას დანიელაშვილის ქუჩაზე, მოსახლეობა და ხელისუფლების წარმომადგენლები შეთანხმდნენ, რომ არხი გაიწმინდება და გადათხრილი გზა მოწესრიგდება. მალხაზ ჟუჟუნაძე და გიორგი ბაგინაშვილი ირწმუნებუიან, რომ დანიელაშვილის ქუჩაზე ტექნიკა მუშაობას ხვალ დილიდანვე დაიწყებს. ადგილობრივები კი ხელმოწერების შეგროვებას იწყებენ, რომ გამგეობასა და წყალმომარაგების კომპანიას განცხადებით მიმართონ.

„შევაგროვებთ ხელმოწერებს, რომ ვითხოვთ საკანალიზაციო სისტემის თავიდან ბოლომდე მოწესრიგებას“, – ამბობს დანიელაშვილის ქუჩაზე მცხოვრები რომან გოგოლაძე.

[თამარ თოთაძე, ახალციხე]


23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

18.09.2020 1046 სტუდენტი სწავლის გასაგრძელებლად სომხეთში დაბრუნდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.09.2020 26 სექტემბერი წმინდა დიდმოწამე ქეთევანის ხსენების დღეა

25.09.2020 6:0 – ‘ბორჯომმა’ თბილისის ‘დიდუბე’ დაამარცხა

25.09.2020 რუსთავთან ავარიის შედეგად დაშავებული ქალი თბილისში გადაიყვანეს

25.09.2020 რუსთავთან ავარიისას დაშავებულ მცირეწლოვნებს იაშვილის კლინიკაში გამოკვლევები უტარდებათ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.09.2020 SKამბები: 'მრავალგვაროვანი' კლდე [აუდიო]

22.09.2020 როცა მუდმივად ეძებ - ახალგაზრდა არქეოლოგი ახალციხიდან [ვიდეო]

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

მსგავს თემაზე

დიდიმამიშვილის ქუჩაზე საკანალიზაციო სისტემის რეაბილიტაციას ითხოვენ
დანიელაშვილის ქუჩაზე მცხოვრებ 50-მდე ოჯახს საფრთხე ემუქრება
ივანე ახალციხელის ქუჩაზე საკანალიზაციო სისტემის მოწესრიგებას ითხოვენ
დიდიმამიშვილის ქუჩაზე საკანალიზაციო სისტემა გაწმინდეს
დანიელაშვილის ქუჩას ვენეციას ადარებენ
ახალციხეში, დანიელაშვილის ქუჩაზე სახლები დაიტბორა
რუსთაველის ქუჩაზე საკანალიზაციო სისტემა გაწმინდეს